1 Juan 2:20 - NandevaBiblia

²⁰ Tẽvã Cristo Kyambava meẽpe Espiritu, hãme rãnga opaiteva pikuaa añeteva.

1 Juan 2:20 Iomraidhean Croise

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Marcos 1:24

“Mbaivara ripota yryhevi, Jesús Nasareno? Reira opa irijuka verã? She arykuaa mbavara nde, nde hai Tũpa mbouva, heko Kyamba!”

Lucas 4:18

Ñandeja je Espiritu ẽẽ shearẽ, hai shymbyheko kavi ãmbeuverã Ñee Kaviva pavete'ia retape. Shymbou amynguera verã ojepy'apy'iare; amohẽjy verã mbypereso vekuare, hareka heshajy verã kũvaĩpi heshambare; apoikajyshi verã jopya porãmba'õre;

Lucas 4:34

Mã'ẽi yryrehe! Marã'irãra rỹmai yryrehe Jesús Nazareno? Reirapo opa õrẽhũndi? She arykuaa mbavara nde: Nde hai heko kyambava Tũpa mbouva!

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 16:13

Tẽvã Espiritu añeteva oumarã, hai kuaakapope opava mbai añeteva; shara ijetããpo ijuhuvireii, heipo jyve opaite hai henduva hareka kuaakapope maĩnunga iko verã.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 3:14

Tẽvã pee piñomi heko Kyambava hareka hekope kavi'ia, haivi hendakuepe pirure poiashi verã Barrabas, puruka'ia.

1 Corintios 2:15

Hãrã Espiritu Tũpaivi ouva ĩmereva opa maĩkaviherã, kuaa kavi. Tẽvã Espiritu mba'etyreva katuã maĩkavihe, hareka ẽẽãshu kuaa verã.

Hebreos 1:9

Ryhaihu hekope kavi'õ hareka ryheshatãã mbai porãmba japo'ia; hãme rãnga Tũpa, nu Tũpa nypyhỹrõ hareka vy'akueivi nymynyhẽve opaite ni'ĩrũ retaivi.

Hebreos 8:11

Mba'etymapokui mboiverã hapishape, mbaivamba heishu verã ñymoña hãndiare, kuaa verã Teja; shara opaiteva, ndeivavive hareka kuakuamavare, shykuapokui.

1 Juan 2:27

Tẽvã pee me'ẽãpe Espiritu, Jesucristo meẽpeva rupii, hãrã katuã mbava pynymboijy, shara Espiritu hai meẽpeva opa mba'e pynymboihe, hareka hai pyrỹmboiheva hai añeteva ha'ẽã japureiiva. Piñymypente hãndi Cristo, Espiritu pynymboiva rãĩmi.

1 Juan 4:13

Jaikuaa Tũpa hãndi ñaĩva, hareka hai ẽẽ ñandypyy, shara meẽ ñande je Espiritu.

Judas 1:5

Ajema pee pikuamatẽva, aipota apyrỹmymanduajyhe Ñandeja mondojepe henta nohẽ Egiptoivi hareka opa jyvarehe Tũpa jyrojambaheare.

Apocalipsis 3:7

Mbypara jyveshu Tũpa jokueva tũpao Filadelfiape'õ: Kova hei heko kyamba hareka añeteva, David pe'aka ĩmerea, peamarã katumbaa mbava mbotyjya, hareka mbotymarã mbavamba katu peajya.

Apocalipsis 4:8

Kova urũndy hykove'iare 6 kavi hypepo reta pepenteĩ, hesare oparupi ẽẽshu, opa ara hareka pyhare pyraherã hei: Santo, santo, santo, hai Teja Tũpa ñymbai katuva, hai hykoveñoĩ'ia, hykoveva hareka oujy verã.