1 Juan 2:18 - NandevaBiblia

¹⁸ Shyray rãĩmire, vãhẽserima rãnga ara opa verãpe, pee pyhenduma ou verã Cristo ñymbyvaishoheva. Hãrã ã'ẽ hetama'ẽ Cristo ñymbyvaisho'iheare. Kyrãvape ñande jaikuaa vãhẽserimava ara opa verãpe.

1 Juan 2:18 Iomraidhean Croise

Mateo 24:11

Hetapo'ẽ Tũpa ĩñee mbeu'iare japuva, hareka hetavapepo mbytavy.

Mateo 24:24

Shara hetapo Cristo rãĩmi ñymyhã'ãnga ouva, hareka Tũpa ĩñee mbeu'ia japuva. Hetapo mbaikavi heshahava japokui, mbytavy verã Tũpare jyroja retaivive, katurã.

Mateo 24:5

Shara hetapo'ẽ shyreepe ou heipe verã: 'She hai Cristo', hãrã hetapo'ẽ mbytavyva.

Marcos 13:6

Hetapo ou shyreepe heiva: “She hai Cristo”, hãma hetavapepo mbytavy.

Juan 21:5

Jesús pyrãndushu reta: Shi'ĩrũre, pynohẽrate pira? Haire heishu: Mba'ety.

Romano 13:11

Pijapo kova pynymanduahe jaikovape vãhẽma ara jasareko verã typehykueivi. Shara ã'ẽ jahajepe verãpe kõõĩtevema ou jypyite ñee kavi jarojarã vekuaivi.

Romano 13:12

Pyntukue ouve'i hareka vãhẽmapo ara kõĩva; hãrã japoi jajapo mbai pyntuaipi'õvare hareka ñaĩmimondepy ijochahapya hendyva syndaro rãĩmi haikaviva jajapo verã.

Hebreos 1:2

Tẽvã ã'ẽ ko ara opaserima'iape ijeta'ẽjy ñande Tay rupii, hai rupii rãnga japo opa mbai ẽvãre hareka opa ñono ipope.

1 Pedro 1:20

Cristo rãnga Tũpa rupii pyhỹrõha ndei yvy japoharã vekua, pyndyraihu rupii ijeshakape.

1 Pedro 1:5

Pirojaherã, Tũpa ñyngareko pyndyrehe hai ñymbaikatu rupii, pynypyhỹrõ verã, hai myhẽva'õva hareka jyheshakapokui opa arape.

1 Pedro 4:7

Kooĩma'ẽ ara, opa mbai opa verãpe. Hãme rãnga, pyndypyareheiipo hareka pimboi katupo.

2 Pedro 2:1

Israelvare mbytepe ĩmemba'ẽ arykai pyrỹmboi'iare japuva; kyrãpo ẽẽ jyvekui pynymbytepe israel pyrỹmboi'ia japuvare. Haire ñemiapepo pynymboi, ijetapohepe pyrỹmyporãmba ryheva hareka añetembavare. Haire ñomipo Ñandeja Jesucristo nohẽshu vekuare mbai porãmbaivi. Hokava veruposhu reta arembaa opa jyvareahe verã.

2 Pedro 3:3

Opava kovare ĩãrẽ pikuaa kavipo: Ara koñymaheape, jyverupo kuareta Tũpa ñymbyhory'iheare pota ikova rãĩmi ikova. Haire ñymbyhorypo pyndyrehekui.

1 Juan 2:22

Mbavara japureii'iva? Heiva Jesús haimbava Mesías. Hai rãnga hokava Cristo hyvaishorãrea, shara ñomire Teru hareka Tyray.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.

1 Juan 4:3

Opaite rojambava Jesús kuareta rãĩmi ou vekua, mba'etyre Tũpa ijespiritu; hokava hai Cristo ñymbyvaisho'ihea. Pee pikuama kova espiritu ouñoĩ verã, ã'ẽ ĩmema'ẽ ko'yvy'ĩãrẽ.

2 Juan 1:7

Shara ko yvy'ĩãrẽ hetama'ẽ pyrỹmbytavy'iare, heiva Jesucristo oumbava yvy'ĩãrẽ kuareta rãĩmi, tyroope hareka tykãvẽpe. Kyrã japo'ia hai pyrỹmbytavy'ia hareka Cristo ñymbyvaisho'ihea.

Judas 1:18

Hai reta rãnga heipe: “Ara japyape vãhẽserimarã, ĩmepo'ẽ kuaretare ñymbyhoryva mbai haikavivare hareka porãmbavaĩpo pota japo”.