1 Juan 2:16 - NandevaBiblia

¹⁶ Shara opaite ko yvy'ĩãrẽ'õ, tyroo potava, jaheshava jaipota, hareka hykovepe ikokatukue jyroja'iheare ryheva, ouã Ñandejaivi, koñeĩ yvy'ĩãrẽ'õ.

1 Juan 2:16 Iomraidhean Croise

Mateo 4:8

Koñemahea Ãña rahashu yvyturusu japytere, haipe mbyheshaka opaite tenta yvy ĩãrẽ'õre, hareka haire hĩmbipekue.

Mateo 5:28

Tẽvã she hai pee: “Ĩme'ẽ kuimbai ynga taupe pota ryheve maĩ'iherã, ikoma'i hãndi pyapeĩ”.

Lucas 4:5

Haivi ãña rahajyshu pente yvyturusu'ĩãrẽ, hãrã mbyheshaka sapy'aite opaite tenta huvisharã yvy'iãrẽ'õre.

Romano 13:14

Haikavive, pimimondepy Ñandeja Jesucristo hareka avy pijapo kyavare pyndyretere potava.

1 Corintios 10:6

Opaite kova mbai pyta ñande jahesha verã, potãã jaipota mbai porãmbarã, haire potava rãĩmi.

Galatas 5:17

Shara tyrete potava ñymbyvaishohe Espiritu Santo, hareka Espiritu Santo potava ñymbyvaishohe tyrete potava. Kova mbai mokue'õre ñymbyvaisho ijehe pijapomba verã pee pipotava.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Efesios 2:3

Opaite ore kyrã ikoha jyve aryka'e, ikoha'i yryrete hareka yrypyape ñanduva rãĩmi. Yryroo potavaĩ japoha'i, hãme rãnga Tũpa ity yryrehe poshykue, yngavare japohea rãĩmi.

Tito 2:12

Ñanymboihe jaheja verã mbai porãmba hareka mbai potakue ko yvy'ĩãrẽ'õ, jaiko arãndupe, heko kavipe hareka tykove mbijicheava Tũpa pevarãpe,

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

Santiago 3:15

Kyrãva mbaikuaa ouã Tũpaivi hokava yvy'ĩãrẽ'õvaĩ, kuaretaivi ouva hareka ãñaivi.

Santiago 4:16

Katynga, pypya'ohe piroja pindijeheva ryheve pijetarã. Opaite kyrã jyroja'ijeheva porãã.

1 Pedro 1:14

Tyrayre ñee henduvare rãĩmi, avy pikojy arykai Tũpa ndei pikuarã vekua rãĩmi.

1 Pedro 2:11

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.

2 Pedro 2:10

Opa mbai ĩãrẽ, Tũpa nupapokui hoo potavaĩ ñee hendushuare hareka porãmbavaĩ japo'iare. Hokava rãnga mbaimba kuaaseva hareka ñynotimbare hareka kyjemba ijeta porãmbahea Tũpa jokuevare.

2 Pedro 2:18

Hãma ijeta retarã, ijetapareii hareka mbaimba vekua, hoo potavape rahashu hareka ity hairãã õhẽjyva javyvape iko'iare mbyteivi.