1 Juan 2:13 - NandevaBiblia

¹³ Ambyparape terure, shara pikuaama jypyiterãvãĩ ẽẽ vekua. Kunumire ambyparape kova, shara pijepymahe mbaiposhy.

1 Juan 2:13 Iomraidhean Croise

Mateo 11:27

Sheru rãnga opa mbai ñono shepope. Mba'ety kuava Tũpa Tay, koñeĩ Tuu kuashu. Mba'ety kuashuva Tuu, koñeĩ Ta'yĩ kuashu. Hãrã she pota ambeuvape ambeupo mbavara Sheru.

Mateo 13:19

Ĩme'ẽ henduva Mburuvisha vasurã vate araivi ouva ryheva kuãã mbaivara he'ise, ova timity oa vekua pehupi; haivi ou Aña, hekyshi timity pyape õre.

Mateo 13:38

Hãrã kookue hai opaite ko yvy'ĩãrẽ õ pyare. Mbai rãỹ kavi hai Mburuvisha vasurã vate araivi ouva ryhevare rãĩmiva, ñana porãmbava hai Ãña ryhevare rãĩmiva.

Mateo 5:37

Koñei “Ẽẽ” pererã, katu pijapo; tẽvã “Mba'ety” pererã avy pijapo, shara ĩãrẽve pijapoheva, porãmbama hai hokava.

Lucas 10:22

Opa mba'e Sheru ñono shepope. Mba'ety kuaava mbavara hai Tyray, koñeĩ Teru, hareka mba'ety kuaava mbavara hai Teru, koñeĩ Tyray, hareka pota kuaakashuare kuaakaposhu Tay.

Juan 14:7

Shykuaapirã, pikuaapo jyveshu Sheru, hãrã ã'ẽ pikuama, shara pyheshapẽishu.

Juan 14:9

Jesús heishu: Felipe, kuriãã rãnga aiko ai penendie, hãmerã nde'iave shykuaa? Shyresha'ia reta rãnga, heshama jyve Sheru. Marã'ĩrãra rirureshe aheshakape verã Sheru?

Juan 16:3

Haire kyrãpo japo, shara shykũãã reta hareka jyve Sheru.

Juan 16:33

Opaite kova mbai ambeupe pyndypya vapy verã piroja shyreherã. Hetapo pyhasa'asy ko yvy'ĩãrẽ, tẽvã avy pykyje, shepopema rãnga'ẽ ko yvy.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 8:19

Hãrã pyrãndushu reta: Maperã ĩme'ẽ nderu? Jesús heishu reta: Pee shykuããpi, hãrã pikuãã Sheru. Shykuapirã pikuatẽ verã jyve Sheru.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

1 Timoteo 5:1

Avy ñyngãtashu kuimbai kuakuamava, nderu rãĩmipo rỹmbarakuaa, hareka kunumire ndyryvyre rãĩmiporyre;

Tito 2:6

Mykyrẽy jyveshu kunumire ñakavapy verã,

1 Juan 1:1

Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.

1 Juan 2:1

Shyray rãĩmire ahaihuva, ambyparape kova potãã porãmba pijaporã. Ĩme'ẽ mbava porãmba japovarã, ĩmejare pente ñanymbory'ia Tũpa hỹnonde, hokava hai Jesucristo, heko kaviva.

1 Juan 2:12

Shyrayre ahaihuva ambyparape kova mbai, shara Tũpa, Jesucristo rupii hejareii pyndyhevi mbai porãmba vekua.

1 Juan 2:14

Ambyparape shyrayre ahaihuva, shara pikuaama Teru. Ambypara jyvepe terure, shara pikuaa kavima jypyiterãvãĩ ẽẽ vekua. Ambypara jyvepeje kunumire, shara pee pynypyrãta hareka Tũpa ĩñee iko pyndyrehe, hareka pijepyhe mbaiposhy.

1 Juan 3:12

Avypo jaiko Caín iko vekua rãĩmi, hai rãnga tyvy juka, shara hai Ãña tay. Hareka mbaiva rehera juka? Shara Caín porãmba japo, hareka tyvy japo mbai haikaviva.

1 Juan 4:4

Shyrayre, pee rãnga hai Tũpa ryhevare, hãrã pijepymahe Tũpa ĩñee mbeu'ia japureivare shara pỹrãtave hai ẽẽ penendievare ko yvy'ĩãrẽ'õ retaivi.

1 Juan 5:18

Jaikuaa rãnga Tũpa tayre, japoveãma mbai porãmba, shara Tũpa Tay ñyngarekohe, hãrã Ãña katuveãma pokohe reta.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Apocalipsis 2:7

Ĩme'ẽ japysava tyhendu Espiritu heiva tũpao retape: Opaite õhẽkaviva ñyrãrõivi ameẽposhu hou verã yvyra'ia hykoveva Tũpa jy'yvoty rẽnda mbytepe'ẽva.