1 Juan 1:7 - NandevaBiblia

⁷ Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

1 Juan 1:7 Iomraidhean Croise

Mateo 6:12

Hejareii yryhevi mbai porãmba vekua, ore hejareiishia rãĩmi japo porãmba'i yryreheare.

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Juan 12:35

Jesús heishu reta: Ĩmeteripo'ẽ pynymbytepe sape'ẽva, tẽvã kỹỹvẽãmapo. Pyvata pyrekoteri ko sape'õrã, mahẽ pyndysapyakui timimbiva; shara timimbivape ikovare kũãã mãĩpirapo oho.

Juan 5:4

Haipe sapypy'ãĩ vejy pente Tũpa jokueva my'õmy verã yy, hãrã yy my'õmyãrã tynonde vejypya, kuerahe mbairasykue.

Romano 13:12

Pyntukue ouve'i hareka vãhẽmapo ara kõĩva; hãrã japoi jajapo mbai pyntuaipi'õvare hareka ñaĩmimondepy ijochahapya hendyva syndaro rãĩmi haikaviva jajapo verã.

1 Corintios 6:11

Ĩme'ẽ aryka'e pymbytepe kyrã'i vekuare; tẽvã ã'ẽ pyndykyaveãma Ñandeja Jesús heepe hekokavivamape, hareka Espiritu ñanu Tũpa ryheva rupii.

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

Efesios 5:8

Pee rãnga pikopi pyntuape arykai, tẽvã ã'ẽ pikoma Ñandeja jysapekape; hĩmbipevapepo piko, tyrayre hendyape'ia rãĩmipo piko.

1 Timoteo 6:16

Hã'ẽĩ'ẽ manombava, ikova hĩmbipeape katumba mbava ñymbojahea. Mba'ety kuareta heshava, hãma hesha'ãĩteipo. Hai opa ara pevarã heko kavikue hareka ñymbaikatu. Amén.

Tito 2:14

Hai ñymeẽ ñandyrehe mbai porãmba vekua ñandijorashi verã hareka opa kavi ñandohe, iko ñandyhevi verã henta'ĩrũre, mbai haikavivaĩ japo'i verã.

Hebreos 9:14

mbovykuerapore mbaikatukue Cristo huvykue! Hai, Espiritu opamba rupii, ñymeẽ kyamba ryheve Tũpape, johe verã ñandypyape opaite mbai japoarã manõa ryhevaivi, jaijokuekashu verã Tũpa hykove'ia.

Santiago 1:17

opa mbai me'ẽãreiiva hareka mbai jaikatukue hekope kavi'õ rãnga ou vate araivi Tũpaivi, japo vekua arare'õre hareka Hai ñymy'yngaiã.

1 Pedro 1:19

koñeĩ Cristo huvy haikavivapy, Avisha Ray mambaimbaa, kyambava hareka kapyryva.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

1 Juan 1:5

Kova hai ñee henduashi vekua hareka mbe'uhape: Tũpa hai mbaihendyva hareka mba'etyhe pyntukue.

1 Juan 5:6

Jesucristo ourã vekua ijeshaka tuvy hareka yy rupii, tẽvã ha'ẽã yypeĩva, yy hareka tuvy rupii jyve, Espiritu rãnga mbeu kova, shara Espiritu hai añeteva.

1 Juan 5:8

Espiritu, yy hareka tuvy, kova mbahapy'õre penteva ñeepẽĩ ñynoĩ.

2 Juan 1:4

Shymbyvy'aite ahesha ã'ãmo ndyrayre añetevape iko retarã, Teru hei ñandeva rãĩmi jajapo verã.

3 Juan 1:4

She pevarã mba'ety kovaivi shymbyvyaveva, ahendu shyrayre vata kavi reta añetevaperã.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,

Apocalipsis 12:11

Haire jepyhe Avisha Ray huvy rupii hareka ñee mbeujyreva rupii. Tẽvã ñandyryhevare haihuãmba reta hykove, koñeĩ ĩñonoĩ timeĩ jukaha verã.

Apocalipsis 7:14

She haishu: Sheja nde rãnga rikuaa. Hãrã hai heishe: Kova reta rãnga hai opa jyhasa'asy hasashi vekuare, haire johe mondeva hareka mitĩĩmba reta Avisha Ray huvype.