1 Juan 1:2 - NandevaBiblia

² Tykove ijeshaka hareka ore heshaha, hai mbe'uha jyvepe tykove opambava ryheva Tuu ẽẽ hãndiva hareka ijeshaka ore vekua.

1 Juan 1:2 Iomraidhean Croise

Juan 1:18

Mba'ety heshava Tũpa; tẽvã Tay penteĩ'ia Tuu hãndi ẽvã, opa mbeu ñande marãvara hai.

Juan 1:4

Haimba ẽẽhe tykove, hãrã hokava tykove hai kuaretare jysapeka.

Juan 10:28

She ameẽshu reta tykove opamba verã; hareka mapeãpo manokui, hareka mbavẽãpo heky ipoivi.

Juan 14:6

Jesús heishu: She hai tape, añeteva hareka tykove. She rupii katupo vãhẽha Sheru ẽvãpe.

Juan 15:27

Hãrã pijetapo jyvehekui Shyree, shara õñepyrõãivive shimi'ĩrũpi.

Juan 16:28

She ãhẽ Sheru ẽvãĩvi hareka ai ko yvy'ĩãrẽ, hãrã ahejapojy ko yvy, ahajypo Sheru ẽvãpe.

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Juan 17:5

Ã'ẽ, Sheru, hykuaĩ shymbyvetejy rẽĩvape, hareka meẽshe mbaikatu ĩme'are vekua aiko ai nendierã, ndeiteri ko yvy ẽẽrã.

Juan 19:35

Kova hesha vekua mbeupe hareka japuã; hai kuaa añeteva mbeurã, pyroja verã jyve.

Juan 21:14

Kova hai mbahapyhea Jesús ijeshakajyshua mboireare, kuerajy manovare mbyteivirã.

Juan 3:13

Mba'ety jupiva vate arapy, haivi vejy vekuãĩ rãnga; jaishu kuareta Tay.

Juan 7:29

Tẽvã She aikuaashu shara hai ẽvãivi ai, hareka hai shymbou.

Juan 8:38

She ambeupe opa mbai Sheru shymbyheshaka vekua; tẽvã pee pijapo jyve peru pyhendushi vekua.

Hechos 1:22

Juan myngarairãvãĩ hupiha vate arapy. Kyrãvã rãnga katu iche jyve ñanymbytepe, mbeu ñanendie verã Jesús puãjy manovare mbyteivi.

Hechos 10:41

Ha'ẽã opaitevape ijeshakajyva, koñeĩ ore Tũpa ỹrỹpỹhỹrõva, mbeu verã Jesús hykovejyva. Shara karuha hareka ñymby'uha hãndi kuerajymarã,

Hechos 2:32

Tũpateiva rãnga mynguerajy Jesús, hãrã ore pytaha hokava heshahava mbe'ua verã.

Hechos 3:15

Kyrã pijuka tykove Ija, tẽvã Tũpa mynguerajy manovare mbyteivirã hãrã ore hai hokava mbai heshaha vekua.

Hechos 5:32

Ore kova mbai heshahavare hareka mbe'uhava, Espiritu Santo jyve Tũpa meẽva opaite ĩñee henduva hareka japova.

Romano 8:3

Shara Tũpa japo, Moisés mbypara vekua katumba japova, shara kuaretare hete potavape katuã ĩñeerendu, Tũpa mboumba Tay pente tyretepe kuaretare mbai porãmba japo'ia hete rãĩmi, hareka mbai porãmba rehe jukaha verã, kyrã jahehe verã mbai porãmba tyrete potava ryheva.

Galatas 4:4

Vãhẽma hoka ara ñonohavaperã, Tũpa mboumbashu Tay, oa taupeivi hareka ou iko Moisés mbypara vekua heiva rãĩmi ipope.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

2 Timoteo 1:10

hareka ã'ẽ ijeshaka Jesucristo Ñanymondojepeva ourã rupii, mby'opa ñymano hareka nohẽ hĩmbipevape tykove opambava Ñee Kavi rupii.

Tito 1:2

Ñahãrõ ñaĩva hai tykove opambava. Tũpa japuã, shara Hai heimba aryka'e meẽ ñande verã kova tykove.

1 Pedro 5:1

Ã'ẽ airureposhu kuakuavare ẽvã pynypaupe tũpaope, she jyve kuakuava haire rãĩmi hareka heshava Cristo jyhasa'asykuere, apitypo jyve hai hĩmbipekue heshahaka verãpe:

1 Juan 1:1

Ore mbyparaha kuatiare ñee tykove ryheva, arykai jypyiterãvãĩ ẽẽ vekua, oretei henduhava hareka yryresa rupii heshahava. Shara ore ma'ẽãhe hareka yrepopetei pokoahe Ñee tykove ryheva.

1 Juan 2:25

Kova hai hei vekua meẽ ñande verã, tykove opambava.

1 Juan 3:5

Pee rãnga pikuakavi Jesucristo ijeshakamba hekyshi verã kuaretare mbai porãmba vekua, Hai mba'etyre hareka japoã hai mbai porãmba.

1 Juan 3:8

Tẽvã mbai porãmbavaĩ japo'ia Ãña ryheva hai, shara õñepyrõaivive Ãña japo mbai porãmbava. Hokava rehe rãnga ou Tũpa Tay, opa mambai verã Ãña japovare.

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.

1 Juan 4:2

Kyrãpo pikuaakui haira Tũpa ijespiritu; opaite kuareta heiva Jesucristo ouva kuareta rãĩmi ko yvy'ĩãrẽ, hokava hai Tũpaivi ouva.

1 Juan 5:11

Hareka kova hai ñee: Tũpa meẽ ñande tykove opambava hareka hokava tykove ẽẽhe Tayre.

1 Juan 5:13

Hãme ambyparape kova mbai opaite jyrojaheva Tũpa Tay, pikuaa verã ĩmepyreva tykove opambava.

1 Juan 5:20

Jaikuaa kavijy Tũpa Tay ouva hareka meẽ ñande mbaikuaa jaikuaa verã Tũpa añeteva hareka ñande ñañymypente hãndi verã Tay Jesucristo. Hoka'ẽ Tũpa añeteva hareka tykove opambava.