1 Corintios 9:1 - NandevaBiblia

¹ Ha'ẽãra she Apostol? Ĩmera'ẽ katumba ajapova? Aheshããra Ñandeja Jesús? Sheeãra apyrỹmbykuaaka Ñandeja?

1 Corintios 9:1 Iomraidhean Croise

Hechos 13:2

Pente arape pyraheavape õmombai vasu hareka karumbape ñynõirã Espiritu Santo hei: Piñonoshe Bernabé hareka Saulo japo verã tijapo she ameẽshuva.

Hechos 14:14

Tẽvã Bernabé hareka Pablo kuaama hokavarã myndoro reta mondeva hareka iche mbytepe sapuke reta.

Hechos 14:4

Tẽvã henta'iare opa ñimbijajao: Ĩme'ẽ israelvare jykoty'õ, ĩmejy Apostolre jykoty'õ.

Hechos 23:11

Hoka ĩrũ arajya pyharepe Ñandeja ijeshakashu Pablo hãrã heishu: Ñymykyrẽy katu Pablo, ko Jerusalenpe shymbeuva rãĩmipo, shymbeujykui Romape.

Hechos 9:15

Tẽvã Ñandeja hei: Ekua, shara apyhỹrõma hokava kuimbai ijeta shyrehe verã opaite yngava tenta retaipi'õ, huvisha vasure hareka jyve israelitare.

Hechos 9:17

Ananías oho iche oo Saulo ẽvãpe, ipo ñonohẽrã heishu: Shyryvy Saulo, Ñandeja Jesús ijeshakandeje Damascope reirã. Hai shymbou kope ai verã, ryheshajy verã hareka nytynyhe verã Espiritu Santo.

Hechos 9:3

Haipe vãhẽserima oho tenta Damascoperã, mondii ou juri pente sapeva araivi.

Hechos 9:5

Saulo hei: “Mbavara nde, Karai?” Ñee vateivi ouva heishu: “She hai Jesús, nde rymoña ryreva.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 11:13

Tẽvã ĩme'are hai pee verã, pee Judiombare. Tũpa shymbou ĩñee ambeu ai verã pynymbytepe hareka ãmombai kova ajapova.

1 Corintios 1:1

She Pablo shyrenohãva arykai Jesucristo jy'apostolrã Tũpa kyrã potarã, pente tyryvy Cristo ryheva Sóstenes hãndi apyrỹmarãndu;

1 Corintios 10:29

Yngavare pya mbijetaheva rãnga haishu, ha'ẽã pee hai peva. Marãrapo hekyshyhevi ẽẽsheva yngavare pya mbijetaheva rehe?

1 Corintios 10:30

She ameẽ ajetekue Tũpape hauva reherãra, marã'ĩrãra mbava ijeta porããpo shyrehe hauva rehe?

1 Corintios 11:16

Hãma ĩme'ẽ kova mbai pya'ohombahearã, pikuaapo jyve ore Tũpa jyrojahevare mba'ety rekoha ynga ñymbatysea retaipi jypykuaahava rãĩmi.

1 Corintios 3:6

She rãnga ãñoty, hãrã Apolo maky jyve, hãma Tũpa mupũã ñotyãva.

1 Corintios 9:19

Ajemaĩ she haimbateã mbava jokuerea, opava jokuerea reta rãĩmi aiko. Hetavape apity verã Cristo pevarã.

2 Corintios 10:7

Pymaĩ kavihe maĩnunga marãra. Ĩme'ẽ hei ijeheva haiva Cristo ña'ãpova, aipota haishu ore ha'ĩ jyve.

2 Corintios 11:5

Tẽvã mbaivapeã shimishiveeshi hokava apostol haikavivevare pymbyveteshuva.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

Galatas 1:1

She Pablo, apostol, haimbaa kuaretare ñonova hareka kuaretare mondova, koñeĩ Jesucristo rupii hareka Tũpa, Jesúspe mupuãjy vekua manovare paũvi.

Galatas 5:1

Ãñete rãnga Jesucristo poiika ñandyhevi jokueareire vekuaivi! Hãme rãnga piñymypyrãta mahẽ hykuaĩ ikojy pyhevikui jokueareirea Moisés mbypara vekuapy.

1 Tesalonicenses 2:6

Mapeã hekaha orẽmomba'eha verã, pyndyhevi maĩrã yngava retaivi, ajemaĩ ore Cristo jokuevare õĩtẽ jururehape verã yrỹmborypi verã, tẽvã japohãã.

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

2 Timoteo 1:11

Tũpa shiñono ambeu verã kova ñee, hareka shymondo apostolrã hareka Judiombare mboire verã.