1 Corintios 6:9 - NandevaBiblia

⁹ Pikuããra porãmba japo'iare hipityãpokui Tũpa ẽvãpe'õ ryheva? Avy peii piñymbytavy, Tũpa vapy'õpe icheãpokui kyrãrãĩma'iare,

1 Corintios 6:9 Iomraidhean Croise

Mateo 19:29

Hãrã opaite hoo heja vekua hareka tyvyre, hiindyre, tuu, ishy, hyreko, tayre maĩrã jy yvy, shyrehe, hãrã 100 kavipo me'ẽãjyshukui hareka hipitypo tykove opambava.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Lucas 21:8

Hãma hai heishu reta: Pymãĩ avy piñymbytavyka; shara hetapo'ẽ shyreepe ou heiva: “She hai Cristo, hãrã: Ko hai ara vãhẽpotamãrã”. Tẽvã avypo peho hipi.

Hechos 20:32

Ã'ẽ shyryvyre, airureshu Tũpa jyhaihupe ñyngareko pyndyrehe verã hareka ñee haikavivapy ñyngarekopyndyrehe verã. Hai ĩmereva mbaikatu hareka meẽpe verã pyrãtakue hareka heta mbai haikaviva mbeuva rãĩmi hai ña'ãpova retape meẽ verã.

Hechos 24:25

Tẽvã Pablo ijeta'ẽhẽ hekope kavi jaikova ryhevarã, jajijokoshi mbai porãmbava hareka iko ñandyrehe verãrã, Felix myngyje hãrã heishu: Ekuajyvy, ha'ereipo aryrẽnokajykui.

Romano 1:18

Hãme vate araivi Tũpa heshakashu poshykue kuareta pyryparekombare hareka heko jyvachembare, hareka ñañarõvare añeteva jocharea.

1 Corintios 15:33

Avy piñymbytavyka: “Ñañimi'ĩrũheare heko porãmbare, opa myporãã ñandyhevi mbai haikaviva jajypykuava rãĩmi”.

1 Corintios 15:50

Aipota hai pee, shyryvyre, kova tyro'o hareka turuvy ẽẽãposhukui iche verã Tũpa ẽvãpe; shara opareiiva katuãpo jihia opamba verã.

1 Corintios 3:16

Pikuãra pee haiva Tũpa jytũpao, hareka Espiritu Santo ikova pyndypyape?

1 Corintios 5:1

Oparupi mbe'uha pymbytepe ĩme'ẽ ishy rãngai rekorevarã. Kova mbai rãnga porã'ãĩte, Jesús jyrojambaheare mbytepe ikoãhai kova mbai.

1 Corintios 5:10

Ha'ẽã rãnga pihiamba'eite verã kyrãrãĩma'iare, maĩrã kateỹvare, manarõ'iare, maĩrã ta'ãnga õmombai'iare. Kyrã potarã pẽhẽtei rãngaposhi ko yvy.

1 Corintios 5:11

Aipota hai peeva rãnga kova; avy pihia hei ijeheva Cristo ryheva, tẽvã ĩmeĩ kyrãrãĩ'ia, kateỹva, ta'ãnga õmombai'ia, ñeeryheva, kauva maĩrã manarõ'ia. Kyrã'ia kuareta avy rãngapo pykaru hãndi.

1 Corintios 6:10

manarõ'iaretambaa, kateỹvaretambaa, kau'iaretambaa, jytaupe'ia retambaa, yngava hapisha ijeta'iheare, hareka pyrỹmbytavy'ivare, kyrãvare mbaveãpo ichekui Tũpa ẽvãpe.

1 Corintios 6:18

Piñymymbyryshi teko kyavaivi. Opa mbai porãmba vekua kuareta japova, hetereã japo, tẽvã omendambape kyrãrãĩ'iare, hetere japo mbai porãmba vekua.

1 Corintios 6:19

Pikuããra pyndyrete haiva Espiritu Santo hoo, hai ẽẽ pyndypy, Tũpa meẽpeva? Hãrã pyndyrete haiveãma pa'ãpova.

1 Corintios 9:24

Pikuaa jyve ñanivape ĩñoñokuevare, heta'ẽ ñaniva, tẽvã penteĩ'ẽ me'ẽãshuva maĩnunga. Hãrã piñyhããngatu pipity verã jyve me'ẽãpe verã.

2 Corintios 12:21

Kova aha verãpe akyjejy, shu Tũpa shymymarãka pynynõnde verã, hareka katu ajaheo mbai porãmba japo'iare rehe, hareka hejãã reta maĩnunga porãmbare, kyrãrãĩ'iare, heko ky'akuepy jypykuamavare.

Galatas 6:7

Avy peii piñymbytavy: Mba'ety ñymbyhoryhe verã Tũpa. Opaite ñande ñañotyva, ñandeipo ñamynoojykui.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Hebreos 12:16

Avypo mbava kyrãrãĩ'i hareka mbai jahehe Tũpape mbijicheavare. Kova japo Esaú, hai meẽhe ho'uava ña'ãporãte vekua tyray tynondeva ryheva.

Hebreos 13:4

Opaiteva tymbyvete omendava ryheva hareka jyrekomavare avy timyngya; shara yngangava iko hãndia hareka yngava pota'ijya Tũpa mbijichepo.

Santiago 1:16

Shyryvy ahaihuvare, avy peii piñymbytavypi,

1 Juan 3:7

Shyrayre, avy mbava pynymbytavy, opaite mbai hekope kavi japo'ia heko jyvachema, Jesucristo rãĩmi.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.