1 Corintios 5:7 - NandevaBiblia

⁷ Hãrã pyheky pindijuhuvi hokava pãhã mby'ouka tuja vekua, iko pyndyhevi verã harina muhũ'ũã py'ahuva mby'ouamba. Ãñete rãnga pee hai pãhã mby'ouamba Pascuape ho'uava. Shara Cristo, hai Avisha ñande Pascuapeva ñandyrehe jukaha vekua.

1 Corintios 5:7 Iomraidhean Croise

Mateo 13:33

Jesús mbeuve jyshu reta yngaa ñee ñymyhã'ãngarã hei: “Huvisha vasu vate arapy'õ rãnga ova kova pãhã mby'ouapya taupe mbihiava 21 kilo harina opa mby'oupeve”.

Marcos 14:12

Ara tynondevape arete pãhã jylevadurambava hareka avisha ray jukahava Pascua arape, mboireare heishu: Mapera ripota myhẽvãhã Pascuape reu verã?

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Juan 1:36

Heshama Jesús haipi hasa ohorã, Juan hei: “Pymãĩhe, hokava hai Tũpa Avisha Ray!”

Juan 19:14

Hokava jehu ndei Pascua ara vãhẽrã, ndose serimarã. Pilato heishu Judiore: Koo'ẽ punduruvishavasu!

Romano 3:25

Tũpa meẽmba ñanyrẽndakuepe mano verã hareka kyrã mbai porãmbava hejahareishu verãre jyrojaheva huvy rupii hareka kyrã Tũpa heshaka hai hekokaviva, shara hai hãrõkuaa rupii jaheãmbahe aryka'e mbai porãmba japovare,

1 Corintios 10:17

Ñandyretatẽvã, opaiteva pentevaĩ jau pãhã, hãme rãnga ñande hai penteva tyreteĩ.

1 Corintios 5:13

shara heiva rãĩmi mbyparahavape: Pymohẽ pynymbyteivi mbai porãmba japoteri'ia.

Efesios 4:22

Hãrã, pijyheja pyndyreko arykaiva ryhevaivi, hareka ỹnteño piko arykaiva rãĩmi. Kyrã pikopirã rãnga opa piñymbai, pyma'ẽĩhe mbai porãmba pynymbytavy'irã.

Apocalipsis 5:12

hỹnatu sapukerã hei reta: “Avisha Ray jukaha vekua ẽẽshu pysyma verã mbaikatu hareka ikokatukue, ãrãndu hareka pyrãtakue, mbyveteha verã, õmomba'eha verã hareka pyraheashu verã”.