1 Corintios 5:5 - NandevaBiblia

⁵ hokava kuimbai pymeẽshu Satanás, jyvarehe verã hete, hãmeĩpo hykove ohojepekui Ñandeja Jesús oujymarã.

1 Corintios 5:5 Iomraidhean Croise

Mateo 4:10

Jesús heijyshu: Satanás, ekuashe koivi, Mbyparahavape rãnga hei: “Ñandeja nu Tũpa hỹnondepo rĩñesu, hareka ha'ẽĩpo rẽmombai vasu”.

Lucas 22:31

Heijy Ñandeja: Pedrope: Simón, Simón, Satanas jururema pyndyrehe opa pynymomohẽ verã, trigo mbovaharã mbyvavaha'õ rãĩmi.

Hechos 26:18

hesapea verã hareka ynteñoma vata verãre pyntuaipi, koñeĩ hendyvape, hareka ikoveama verãre Satanas ipope, koñeĩ iko verãre Tũpa ipope, hipity verãre hejareiishi verã mbai porãmba vekua hareka kyrã Tũpa ñonoshu verãre henta'ĩrũrã kyamba.

1 Corintios 1:8

Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

1 Corintios 11:32

Tẽvã Ñandeja ñanunuparã, hai ñanymboikavive verã hareka potãã kuareta jyrojambare jahea ñandyrehe hãndirã.

1 Corintios 5:13

shara heiva rãĩmi mbyparahavape: Pymohẽ pynymbyteivi mbai porãmba japoteri'ia.

2 Corintios 10:6

Õĩha myhenda verã opaite ñee hendumbare, pee hekope kavima ñee pyhendurã.

2 Corintios 12:7

Potãã mbai heshahakashe vekua rehe airojaiteherã, juu shyroope kuture, pente Satanás ĩñee mbeu'ia tunupa shyrovaipi, potãã airojaite shijeherã.

2 Corintios 13:10

Hãme rãnga, ambyparape kova ndei aha apyryresharã, potãã ahamarã apory mbaikatu Tũpa meẽshevarã pohyite aijetaperã, ha'ẽã opa apyrỹmbai verã, koñeĩ apurũmupũã verãĩ.

Filipenses 1:6

Arojakatu'ãĩ Tũpa õñepyrõ vekua mbai haikaviva japo pyndyreherã, japoveteripo oho Jesucristo oujypeve.

1 Timoteo 1:20

Kyrã jehushu Himeneo hareka Alejandro, hokavare Satanape opa ameẽ kuaa verãre marãrapo ijeta kavĩĩhe Tũpa.

2 Timoteo 1:18

Ñandeja jyparekokue tõĩ hãndikui hokava arape. Nde rikuakavi marãra heta ñanymbory Éfesope.

2 Pedro 3:12

Pyhãrõ hareka pyndypyavive pipota tyvãhẽ Tũpa jy'ara. Hokava arape, ara vate'õ õñehundipo tatape hareka opa mbai vate arare'õre opapo shyryry tatape.

1 Juan 5:16

Ĩme'ẽ hesha tyvy jyrojava jyve japo pente mbai porãmba ñymanope pyryrahambavarã, jururepo'ĩãrẽ hãrã Tũpa meẽposhu tykove hokava kuareta, ha'ẽã mbai porãmba ñymanope pyryrahavarã. Ĩme'ẽ pente mbai porãmba ñymanope pyryrahava, hareka she ha'ẽãpe pirure'ĩãrẽ verã kova mbai poramba japovare.