1 Corintios 5:11 - NandevaBiblia

¹¹ Aipota hai peeva rãnga kova; avy pihia hei ijeheva Cristo ryheva, tẽvã ĩmeĩ kyrãrãĩ'ia, kateỹva, ta'ãnga õmombai'ia, ñeeryheva, kauva maĩrã manarõ'ia. Kyrã'ia kuareta avy rãngapo pykaru hãndi.

1 Corintios 5:11 Iomraidhean Croise

Mateo 18:17

Hãma potã hendushu retarã, mbeu tũpaope, hãrã hẽnduseãjy tũpaoperã tẽvãra, pijaposhu haimba pyndyryhevava kyrypoti mbatyse'iare Roma pevarã rãĩmi.

Mateo 23:25

Tengapope Moisés mbypara vekua pyrỹmboi'iheare hareka fariseore, hova mokue'iare! Pijoheva timbipory ĩãrẽ tẽvã pyndypyape tynyhẽ potaĩ pymanarõshu kuaretare hareka hetapyre maĩnunga.

Lucas 18:11

Fariseo ñymboy'õpe kyrã jurure: Tũpa, ameẽnde shy'ajetekue shara ha'ẽãshe yngavare kuaretare rãĩmi aikova: Manarõ'iva, heko porãmba, ynga pota ijya, hareka ha'ẽãshe ko kyrypoti mbatyse'iare Roma pevarã rãĩmiva.

Lucas 21:34

Pĩngareko pindijehe, avy pyheja pyndypya pymytãntahe tykove porãmbavapẽĩ, kauva hareka jepy'apy ko yvy'ĩãrẽ'õre, mahẽ sapy'ãĩ vãhẽ pearẽkui hokava ara,

Hechos 1:15

Hokava arape Pedro ñymboyrã ijeta 120 jyrojavare paũpe, hãrã hei:

Hechos 9:17

Ananías oho iche oo Saulo ẽvãpe, ipo ñonohẽrã heishu: Shyryvy Saulo, Ñandeja Jesús ijeshakandeje Damascope reirã. Hai shymbou kope ai verã, ryheshajy verã hareka nytynyhe verã Espiritu Santo.

Romano 13:13

Hekope kavi jaiko, arapeva rãĩmi hareka japoipo jajapo mbai porãmba, karuraivambape, jakaumbape, yngangavamba iko'i handia hareka kyrãrãĩmba'ia, avy jaiko jaijeshashatãã hareka ñaĩmymorãmbape.

Romano 16:17

Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono'iare, hai hokava ñymbyvaishoheva pynymbo'eaheva pymyvãheva. Hokava kuaretare avy pihia,

1 Corintios 10:14

Hãme rãnga shyryvyre ahaihuva, pysyryshi ta'ãnga õmombai'iare.

1 Corintios 11:21

Shara pykaruma peĩrã ĩme'ẽ ñymytynondeva karu verã, hareka ĩme'ẽ ñymbahyva hareka ĩme'ẽ yngavare kauva.

1 Corintios 5:13

shara heiva rãĩmi mbyparahavape: Pymohẽ pynymbyteivi mbai porãmba japoteri'ia.

1 Corintios 6:10

manarõ'iaretambaa, kateỹvaretambaa, kau'iaretambaa, jytaupe'ia retambaa, yngava hapisha ijeta'iheare, hareka pyrỹmbytavy'ivare, kyrãvare mbaveãpo ichekui Tũpa ẽvãpe.

1 Corintios 6:6

Katura jyrojavare ñymembeu reta pente pirĩmbivache'ia jyrojambahea hỹnonde?

1 Corintios 6:9

Pikuããra porãmba japo'iare hipityãpokui Tũpa ẽvãpe'õ ryheva? Avy peii piñymbytavy, Tũpa vapy'õpe icheãpokui kyrãrãĩma'iare,

1 Corintios 7:12

Yngavare sheiipo haijyshu, ha'ẽã Ñandeja: Ĩme'ẽ ñandyryheva rekoreva pente taupe Jesús jyrojambahearã, hai potaite ikoĩ'i hãndirã, avy typoishi.

1 Corintios 7:15

Tẽvã tyreko, maĩrã teme jyrojambaa pota poijyhevirã, typoi. Kyrãrã jyrojava tiindy maĩrã, tykyvy pytajy omendambava rãĩmi, shara Tũpa piniñono pyavapy ryheve piko verã.

1 Corintios 8:11

Hãma kova mbai rikuaa vekua rehe, oajypo ñandyryvy pyrãtambateriva Cristo manohe vekuatẽ jyveva.

Galatas 2:12

Tynondeite rãnga karu'i hãndi Judiombavare, vãhẽ ohopeve Jacobo mondovare. Haipe õñepyro syryshi retarã, karuveã hãndi, shara kyje Judio retaivi.

Efesios 5:18

Avy piñymyngaupi vinopy, hokava rãnga pyrỹmbai, pynytynyhẽ jyve Espiritu Santo.

Efesios 5:5

Pikuaa kavipojy kova: Omendambape iko'ia maĩrã mbai kyava japo'ia, maĩrã kateỹva, haijy ta'ãngareii õmombai'ia; icheãpo Cristo hareka Tũpa ẽvãpe.

Colosenses 3:5

Hãrã pijuka pyndypyape'ẽvã porãmba vekuare, jaishu kyrãrãĩ'ia ryheva, mbai pyrỹmyngyava, mbai potaiiva ryheva, hareka kate'ỹkue, hokava ha'ẽĩjy ñamombaiva Tũpa rã'anga.

2 Tesalonicenses 3:14

Ĩme'ẽ ñatẽy japova ore yrykuatiape'õrã, pyheshaheva pypyvẽẽshu mbavara hareka avy piko hãndi, ñymymarãka verã.

2 Tesalonicenses 3:6

Shyryvyre, Ñandeja Jesucristo heepe jururehape pysyryshi verã opaite ñandyryvy ñateỹ mba'apovare hareka potamba ikova pynymbo'eaheva rãĩmi.

1 Timoteo 3:3

Ka'uãpo, hareka ñyrãrõseãpo, potããpo kyrypoti hekope kavimba'õ. Kyrãtẽ verã pya kaviñoĩpo, ñee momboãpohe hapishare, hareka avypo mbai potaite.

1 Timoteo 6:5

hareka ñyrãrõ opambava, katuã pya mbijeta kavi hareka kuãã mbai añeteva, haire moã tykove mbijicheava Tũpa pevarãpe heta kyrypoti mbatyrã.

2 Juan 1:10

Ĩme'ẽ oho pohypeva kyrãva pyrỹmboimbahearã, avy pymyvãhẽ pynyrẽntape hareka avypo pymarãndushu.

Apocalipsis 2:14

Tẽvã ĩme'ẽ pente mbai ajetemba'ẽshea: Ĩme'ẽ pynymbytepe Balaam pyrỹmboiheva potamba hejava, mboi vekua Balac israelitare oa verã mbai porãmbape hareka pota houshu reta mymba jukahava Tũpa rã'anga retape me'ẽãva hareka mykyrẽyshu reta kyrãrãĩ jyre verã.

Apocalipsis 2:20

Tẽvã ĩme'are pente mbai shypya'ohombahe ndyheviva: Rỹma'ẽĩhe Jezabel taupe ñimiñee Tũpa heepe, mbytavy shyryhevare, mboishu reta ikoĩ hãndi verãre taupe omendambape hareka hou verã ho'uavare me'ẽãva ta'angape.

Apocalipsis 21:8

Tẽvã kyjekatuva hareka jyrojambaa, heko kyava hareka pirijuka'iva, kyrãrãĩ'ia hareka pajeva, tarã'ãngape omombai'ia hareka opaite japuvare, haire mombohapo tata vasu hareka asufre ẽvãpe, hokava hai ñymano mokuehea”.

Apocalipsis 22:15

Katoapepo pyta hai heko porãmbare, pajevare, kyrãrãĩ'iare, purukavare, tarã'ãngakuerei omombai'iare, hareka opaite vyava mba'ety vekua mbeu'irã.