1 Corintios 5:10 - NandevaBiblia

¹⁰ Ha'ẽã rãnga pihiamba'eite verã kyrãrãĩma'iare, maĩrã kateỹvare, manarõ'iare, maĩrã ta'ãnga õmombai'iare. Kyrã potarã pẽhẽtei rãngaposhi ko yvy.

1 Corintios 5:10 Iomraidhean Croise

Lucas 18:11

Fariseo ñymboy'õpe kyrã jurure: Tũpa, ameẽnde shy'ajetekue shara ha'ẽãshe yngavare kuaretare rãĩmi aikova: Manarõ'iva, heko porãmba, ynga pota ijya, hareka ha'ẽãshe ko kyrypoti mbatyse'iare Roma pevarã rãĩmiva.

Juan 15:19

Pee haijyve, kuareta yvy'ĩãrẽ'iare Tũpa jyrojambahea ryhevarã pyndyraihupo jyve, haire jyhaihuva rãĩmi. Tẽvã she apyrỹpyhyrõma yvy'ĩãrẽ'õ retaivi, hãme rãnga kuaretare pyndyreshatãã, shara pikoveama haire ikova rãĩmi.

Juan 17:6

Opaiteva nde rỹmeẽshe vekua kuaretare mbyteivi aikuaakashu reta mbavara nde. Hai reta rãnga na'ãpo vekuare hãrã rỹmeẽshe, hãme rãnga haire japo niñee.

Juan 17:9

She airurehe nde jyroja ndyreheva rỹmeẽshe vekuare. Airureãhe nde kuaretare jyrojamba ndyrehevare, nde rỹmeẽsheva reta reheĩ airure, shara hai na'ãpovare.

Juan 8:23

Jesús heishu reta: Pee rãnga hai ko yvy'ĩãrẽ'õ, tẽvã she hai vate arapy'õ. Pee hai kuareta yvy'ĩãrẽ'õre, tẽvã she ha'ẽã yvy'ĩãrẽ'õ.

1 Corintios 1:20

Mapera'ẽ heta mbai kuaava? Mapera'ẽ ñee mbypara'ia? Mapera'ẽ katu ijetava? Tũpa rãnga mbaimbava rãĩmi japo ãrãndu ko yvy'ĩãrẽ'õre.

1 Corintios 10:27

Jesús jyrojambaterihea mbeupe pykaru hãndi verãrã, hareka pota pehorã, pekua, hareka opava mba'e ñonohandeare he'u, mbaimba perevape, ẽẽva pyndypyape.

1 Corintios 5:11

Aipota hai peeva rãnga kova; avy pihia hei ijeheva Cristo ryheva, tẽvã ĩmeĩ kyrãrãĩ'ia, kateỹva, ta'ãnga õmombai'ia, ñeeryheva, kauva maĩrã manarõ'ia. Kyrã'ia kuareta avy rãngapo pykaru hãndi.

1 Corintios 5:9

Kuatia ambyparavape rãnga hai pee, avy piko hãndi verã kuaretare kyrãrãĩ'iare.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

Filipenses 2:15

Iko pyndyhevi verã mbaimba heshahahea hareka jyrojamba ijeheva, Tũpa tayre rãĩmi kuareta ñarõva hareka mbai porãmba japo'iare mbyteipi, haipepo pinihimbipekui jasytata vate'õre rãĩmi.

1 Juan 4:5

Hai reta rãnga ko yvy'ĩãrẽ'õ ryhevare, hãrã haire ijetahe ko yvy'ĩãrẽ'õre, hareka yvy'ĩãrẽ'õ ryhevare hendushu haire heiva.

1 Juan 4:7

Shyryvy ahaihuvare, jaijyhaihupaveĩ rãngapo, shara jyhaihu ou Tũpaivi. Opaite pyryhaihuva rãnga hai Tũpa tay hareka Tũpa kuaashu.

1 Juan 5:19

Jaikuaa ñande hai Tũpa ña'ãpova hareka opaite ko yvy'ĩãrẽ'õ Ãña ipope'ẽ.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.