1 Corintios 4:7 - NandevaBiblia

⁷ Mbavara niñono yngavare ĩãrẽ? Mbaivara Tũpa me'ẽãteri nde? Hai meẽ nderãra, marã'ĩrãra rirojarihe ndeii opa ripityva rãĩmi?

1 Corintios 4:7 Iomraidhean Croise

Lucas 19:13

Hãrã ohoserimarã, hẽno 10 jokuehareirea hareka meẽshu 10 kyrypoti, mymba'apoka verã, hãrã heishu: “Pymymba'apokakui kova kyrypoti aijypeve”.

Juan 1:16

Hai jyhaihukue tynyhẽ rupii, opaiteva heta hipityka mbaikavikue.

Juan 3:27

Juan heishu reta: Mba'ety maĩnunga ĩmere verã Tũpa mẽ'ẽãshurã.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

Romano 12:3

Tũpa pya kavi rupii shiñono apostolrã hareka hai rehe airurepe avy pirojaite pindijehe. Haikavive, pypya pimbijeta kavi pindijehe arãndupe Tũpa meẽpeva rupii mbaikuaakue Cristo pirojahe verã.

Romano 12:6

Tũpa jyvavavy meẽ ñande mbai jaikatu verã, hai pota opaiteva meẽ ñandeva rupiimba. Hãme añete hai ñono ñande heepe ĩñee ñambeu verãrã, japory kavi jairojakue rupii,

1 Corintios 15:10

Tẽvã, Tũpa ñymbai kavirãmeĩ ã'ẽ ikoshyhevi apostol, hareka mbai kavikue she pevarã pytareĩã; tẽvã hetaiteve ãmba'aposhi reta, ajemaĩ shembatẽvã, Tũpa rãnga pyakavirã shymbory.

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

1 Corintios 5:6

Porãã rãnga kova ryheve pirojapi pindijeherã. Pikuaa kavi rãnga'ãmo pãhã mby'ouka mishĩtẽ harina mbihi'ava opaĩ mby'ou.

1 Corintios 7:7

Ãñete aipotatẽpo opaiteva kuimbaire she rãĩmijyree, tẽvã Tũpa pepenteĩ meẽshu japo verã. Penteva yngai japo, yngava yngaivejy, kyrã oho.

Santiago 1:17

opa mbai me'ẽãreiiva hareka mbai jaikatukue hekope kavi'õ rãnga ou vate araivi Tũpaivi, japo vekua arare'õre hareka Hai ñymy'yngaiã.

1 Pedro 4:10

Tũpa meẽpe espiritu ryheva mbai kuaakue pijapo verã. Pipory kavi jyvehe yngavare Tũpa pyakavikue ẽvã rãĩmi.