1 Corintios 4:1 - NandevaBiblia

¹ Pee rãnga koñeĩpo pere'ore Cristo mboryhareva, maĩrã ñonoha'ore pyrỹmbo'eahe verã Tũpa potava ĩmere vekua ñemiãpe'õre.

1 Corintios 4:1 Iomraidhean Croise

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Mateo 24:45

Mbavara jokuearea jyrojahea hareka heko kaviva? Hai jokue'õ ñono ipope opaite ĩrũ jokuehareireare myngaru verãre ikotẽvema ñynoirã.

Marcos 4:11

Jesús heishu reta: Pee rãnga ñemiãpe'õ Tũpa ẽvãpe'õ ryheva pynymbykuahaka, tẽvã yngavare mbe'uashu reta ñee ñymyhã'ãnga rupii;

Lucas 1:2

ỹrymboiva rãĩmi jypyiterãvãĩ hesha vekuare, hareka pyrỹmbory mbe'ua verã Ñee kaviva.

Lucas 12:42

Ñandeja heishu: Mbavara hai ñyngareko'ihea japumbaa kua kaviva hareka hekope kavi he'iashuva japova, kyrãva oo ija hejaposhu hoo ipe ñyngareko verã, hareka myngaru verãre jy'arape kavi?

Lucas 8:10

Jesús heishu reta: Pee rãnga Tũpa pynymbykuaaka mbai iko verã Tũpa ẽvãpe'õ ryheva; tẽvã yngava retape aijetashu ñee ñymyhã'ãnga rupii, hãrã mãĩte'ivare heshambava rãĩmi, hareka hendutẽvare kuãã reta.

Romano 11:25

Shyryvyre, aipota pikuaa kavi ko mbai ñemiãpe'õ, mahẽ pyrojakui pyny ãrãndurã: A'ãmo israelvare pya mytãnta reta, tẽvã koñeĩpo opama ẽẽ papahava haimba Judiovare vãhẽ Cristo hendaperã.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

1 Corintios 2:7

Ore mbe'uha Tũpa ñymbai kuaakue ñemiãpe'õ, pente ãrãndu mbamba kuaava, Tũpa myhẽvã vekua aryka'e ndeiteri ko yvy japorã, opa ara pevarã javya verã hĩmbipekuepy.

1 Corintios 3:5

Hãrã, mbaivara hai Pablo? Mbaivara hai Apolo? Jesucristo jokueva retãĩ rãnga, haire pynymbory rãmeĩ rãnga, pirojahe Jesucristo. Pepenteĩ oreva japo Ñandeja hei oreva japoha verã.

1 Corintios 4:13

Ijeta porãmba yryrehevare, pyakavi ryheve ijetahashu reta. Ã'ẽpeve ko yvy'ĩãrẽ yryrekoha yty hareka maĩnunga hemby vekua rãĩmi.

1 Corintios 4:2

Hãrã ĩme'ẽ japo verã me'ẽãshuarã, tyheshaka marãra katu jyrojahahe.

2 Corintios 11:23

Hai retara Jesucristo jokueva? Ha'itẽjy veshe. Ajemaĩ kuakuamba'ia rãĩmi aijeta. Hetaiteve amba'aposhi reta; heta shunupãhã, heta shyraha shymbyperesoha, hareka ajejetei ãmanoĩte.

2 Corintios 12:6

Pota aijeta kavi shijeherã, ha'ẽãpo mbaimba vekua rãĩmiva, shara añeteva ambeupo, tẽvã ahejaĩ, potãã mbava pya mbijeta shyreherã vateve shiñono hesha shyrehevaivirã, maĩrã haiva rãĩmi.

2 Corintios 4:5

Shara oreiã ñimiñẽ'ẽha'i irijupe, koñeĩ mbe'uha Jesucristo haiva Ñandeja; ore hai jokueharea pee pevarã Jesús haihuharã.

2 Corintios 6:4

Katynga opaite japohavape, heshahaka Tũpa jokueva orerã; heta ñyhãrõkuaape hasaha jyhasa'asyre, mbai mba'ety oreape, hareka mbai hasyvape;

Efesios 1:9

hareka kuaaka ñande mbai Hai potava kuaretare ñomiãreshia Cristo rupii, shara kyrã Hai pota.

Efesios 6:19

Pimboi jyve shyrehe Tũpa meẽshe verã ñee hareka jyroja katu aijetama aĩrã Ñee Kavivapy, pyntuape'i vekua tẽvã ã'ẽ Hai pota kuaaka.

Colosenses 2:2

Hãrã aipota haire pyape ñymykyrẽy, penteapeĩ tõĩ reta jyhaihupe, heta hipity verã opaite mbai kavivare ouva mbaikuaakue rupii, kuaa verãre Tũpa ñemĩãpereva haire kuaambava, haiva Cristoteiva;

Colosenses 4:3

Pirurejyve yryrehe, Tũpa tiñono'ore mbe'uha verã ko ñee hareka mbykuaahaka kavi verã Cristo ña'ãpoa ñemiape'õ, hai rehe shymbyperesoha.

1 Timoteo 3:16

Mbe'uha kova añeteva heshahaka ñandeva ko tykove mbijicheavaivi Tũpa pevarã, hai pente mbai ojaimbava: Jesucristo ijeshaka kuareta rãĩmi. Espiritu rupii kuaahava. Tũpa jokuevare hesha hareka mbe'uha opaite tenta retaipi. Opaite yvy jerekueipi'õre roja reta hareka hupihajymba vate ara hĩmbipeape.

1 Timoteo 3:6

Hãme rãnga ha'eãpo hãirãã jyrojava, shara katu jyrojaite ijeherã, oajy vekui Ãña oava rãĩmi.

1 Timoteo 3:9

Natupo reta añeteva kuaahambaa jyrojakue ryheva hareka pya kyambape.

Tito 1:7

Shara tũpao miñaka'õ, ñyngarekopohe Tũpa ña'ãpovare, hãme hekope kavipo'i, ha'ẽã ñymbyvete'i verã, avypo poshypareii, avy tyka'u hareka ha'eãjy ñyrãrõ'i verã, hareka avy typota kyrypoti hekopemba'õ.

1 Pedro 4:10

Tũpa meẽpe espiritu ryheva mbai kuaakue pijapo verã. Pipory kavi jyvehe yngavare Tũpa pyakavikue ẽvã rãĩmi.