1 Corintios 3:23 - NandevaBiblia

²³ Pee rãnga hai Cristo ña'ãpova, hareka Cristo hai Tũpa ña'ãpova.

1 Corintios 3:23 Iomraidhean Croise

Mateo 17:5

Pedro ijetateri'ẽ vekua, mundii ãvãpyntu hĩmbipeva opa jasoishu reta. Haipe ãvãpyntuivi ñyhendu pente ñee heiva: Kova hai Shyray ahaihuva, apyhỹrõ vekua, pyhendushu.

Juan 17:18

Nde shymbouva rãĩmi kuaretare mbytepe ko yvy'ĩãrẽ, kyrã ãmondo jyveshu reta kuaretare mbytepe ko yvy'ĩãrẽ.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Romano 14:8

Ñaĩmeterijairã, jaiko Ñandeja pevarã, hãrã ñamanomarã, ñamano Ñandeja pevarã. Kyrã ñamano maĩra ñaĩmeteri jairã, Ñandeja ña'ãpova ñande.

1 Corintios 11:3

Tẽvã aipota pikuaa Cristo hai opaite kuimbaire ñaka, hareka kuimbai hai taupere ñakarã'õ hareka Tũpa hai Cristo ñakarã'õva.

1 Corintios 15:23

Tẽvã pepenteĩ myhenda: Cristo tynonde'ẽ, haivi Cristo oujymarã, kuerajypo jyve hai ryhevare.

1 Corintios 15:28

Hãma opama Cristo ipope ñonoãrã, haivi Cristo haiva Tyray, iñiñonopo jyvekui Tũpa ipope, shara hai opa mbai ñono hai ipope. Kyrã, Tũpa ha'epaitepokui opa mbaipe.

1 Corintios 7:22

Shara jokuehareirea hẽnohã jyroja verãrã, ã'ẽ haima pente kuimbai mbaimba jocha'õ, mba'aposhu verã Ñandeja, kyrãi jyve hẽnoãrã jokueharea, ã'ẽ haima Cristo jokuereva.

1 Corintios 8:6

Tẽvã ñande pevarã penteĩ'ẽ Tũpa Teru, haivi opa mba'e ñymoña hareka hai pevarã jaiko. Hareka penteĩ'ẽjy Ñandeja, Jesucristo, hai rupii opa mba'e iko, ñandeave jyve.

2 Corintios 10:7

Pymaĩ kavihe maĩnunga marãra. Ĩme'ẽ hei ijeheva haiva Cristo ña'ãpova, aipota haishu ore ha'ĩ jyve.

Galatas 3:29

Hãrã pee hai Cristo ryhevarã, pee hai Abraham tayre, hareka opaite pipitypo Tũpa ĩñee meẽ vekua.

Galatas 5:24

Tẽvã Cristo ryhevare, rahama reta kurusure heko porãmba vekua pyape'õ, hoo potava hareka mbai potakue ryheve.

Efesios 1:10

Shara vãhẽpokui ara ñonoãva, Tũpa opapo mbatykui Cristore opa maĩnunga, opaite mbai ẽvã vate arapy hareka yvy'ĩãrẽ'õre.