1 Corintios 3:13 - NandevaBiblia

¹³ Tẽvã japo vekuare pepenteĩpo ijykuaakui ara opamarã; shara tata ryhevepo oukui hoka ara, hãrã tatapo heshakakui mbaivapera ñamupũã oo.

1 Corintios 3:13 Iomraidhean Croise

Mateo 10:15

Ãñete hai pee: Ñimbivache arape, ñunũpa haire pevarã teitevepo hoka tenta Sodoma hareka Gomorrape vekuaivi.

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Lucas 2:35

Ãñete kyrãpo kuaahakui pepenteĩ pya mbijeta'iva. Hãrã nde Maria, kova ndyreko asypo kyse pukuva ndypyape kutuava rãĩmipokui.

Romano 2:16

Opaitepo ikokui kova vãhẽma ara Tũpa mbivacheka verã Cristo Jesús rupii opaite kuaretare ñomire vekuarã, kova Ñee Kaviva ambeuva heiva rãĩmi.

Romano 2:5

Tẽvã ndypya tantaivi rĩmbeujyvyãhe porãmba vekuarã, rỹmbatypo ryraha ñunupa ndeii pevarã ara poshy pevarã, Tũpa heshakapokui ñimbivache hekope kaviva.

1 Corintios 1:8

Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

1 Corintios 3:12

hãma ĩme'ẽ oo jypyre mupũãva ita vera ijuva, ita vera tĩĩva, maĩrã ita veravapy, yvyraivi, kapi'i hareka takuarape,

1 Corintios 4:5

Hãrã avy pymaĩhe papisha Ñandeja ndeiteri oujyrã. Hai oujymarã haipo opa pyrỹmbykuaaka ñemiãpe'õre hareka mbaivara ñandypya ñambijeta jaihe. Hãma Tũpa meẽposhu pepenteĩ, japova hepykue.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

2 Timoteo 1:18

Ñandeja jyparekokue tõĩ hãndikui hokava arape. Nde rikuakavi marãra heta ñanymbory Éfesope.

2 Timoteo 3:9

Tẽvã haire mbyryãpo vãhẽ, shara opaite ko yvy'ĩãrẽ kuaapomondo hai mbaimba kuavare, jehushuva rãĩmi kova kuaretare ñymbyvaisho vekua Moisés.

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

Hebreos 10:25

Avypo japoi jaha ñymbatyha'õpe a'ãmore jypykuava rãĩmi, opaiteva ñaiñymykyrẽỹ katu jairojavehe Tũpa, hai ĩãrẽ pyhesha kooĩma vãhẽ ou ararã.

1 Pedro 1:7

Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.

1 Pedro 4:12

Shyryvyre, avy pyndysapya tata pynyhã'ãhapyva, mbai jehupeva rãĩmi pyhãrõmbavape.

2 Pedro 3:10

Jesucristo ara oujy verãpe manarõ'ia rãĩmipo pynturã oujykui. Arare opapo kañykui hy'apuvasua mbytepe hareka maĩnungare opapo oke.

2 Pedro 3:7

Hareka ã'ẽ, hokava ñeeteiva Ñandeja rupii, ara hareka yvy ã'ẽva natuha tata pevarã pirĩmbivacheva arape, hareka kuaretare mbai porãmba japo'iare ohundi verã.

Apocalipsis 20:12

Ahesha jyve opa mano vekuare, ndeiva hareka sanjaymba, ñymboy ñynoĩ reta Tũpa hỹnonde; haivi pe'aha kuatiare. Pe'aha jyve yngava kuatia, haiva kuatia tykove ryheva. Mano vekuare mbivachehakahe kuatiape mbyparahaheva rãĩmi.