1 Corintios 3:12 - NandevaBiblia

¹² hãma ĩme'ẽ oo jypyre mupũãva ita vera ijuva, ita vera tĩĩva, maĩrã ita veravapy, yvyraivi, kapi'i hareka takuarape,

1 Corintios 3:12 Iomraidhean Croise

Hechos 20:30

Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

Romano 16:17

Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono'iare, hai hokava ñymbyvaishoheva pynymbo'eaheva pymyvãheva. Hokava kuaretare avy pihia,

1 Corintios 3:11

shara mba'etyma oo jypy yngava ñonojy verã ẽẽma vekuaivi, hokava oo jypy hai Jesucristo,

1 Corintios 3:13

Tẽvã japo vekuare pepenteĩpo ijykuaakui ara opamarã; shara tata ryhevepo oukui hoka ara, hãrã tatapo heshakakui mbaivapera ñamupũã oo.

2 Corintios 2:17

Ore ikohãã okoraha'i ĩãrẽ Tũpa ĩñee, yngavare japosea rãĩmi. Kyrãtẽ verã, añetevaĩ mbe'uha Tũpa jokuereare rãĩmi, hareka Tũpa hỹnonde ijetahahe Cristo.

2 Corintios 4:2

shara opa mbijicheha ñemiãpẽ'õre hareka pyrỹmymarãkava, ikohã pyrỹmbytavyhavape, hareka Tũpa ĩñee opavãã mbihi'aha. Kyrãtẽ verã añetevaĩ mbe'uha, kyrãrã kuaa mondo verãre ore haiva añeteva Tũpa hỹnonde.

Colosenses 2:8

Pingareko kavi avy piñymbytavykashu kuaretare ñy'ãrãndu mbaimba vekuare, haire ou arykaivare mboiva rupii hareka tẽãre ñymbaikatu'ipe ẽvã ko yvy'ĩãrẽ, hareka ouãã Cristoivi.

1 Timoteo 6:3

Ĩme'ẽ yngai'ova pyrỹmboi'ihea, ohombahea Ñandeja Jesucristo pyrỹmboihe vekuarã, hareka tykove mbijicheava Tũpa pevarã jahahea ñanymboihea rãĩmi,

2 Timoteo 2:20

Pente oo tivisha'õ ipe, ha'eã ẽẽva maĩnunga ita verava ijuva hareka ita verava tĩĩva, ĩme'ẽ jyve maĩnunga yvyraivi hareka tujuivi japohava, pentevare hai mbai haikavivapẽĩ poryhava, hareka ĩrũre hai ĩmerãẽva'õpeĩ poryhava.

2 Timoteo 3:13

Tẽvã kuaretare heko poshyva hareka pyrymbytavy'iare porã'ãĩtevepo jyraha reta, pyrỹmbytavy hareka yngavare mbytavyñoĩshu.

2 Timoteo 3:7

Hokava taupere opa kuaa raha jyve, tẽvã mapeã mondo kuaa kavi reta añeteva.

2 Timoteo 4:3

Shara vãhẽpokui ara kuaretare henduseveãma verã pyrymbo'eaheva mambaimbava, koñeĩ ha'eire potava rãĩmi, haire hekapo ynga pyrỹmboi'ia mboi verã ha'eire kyrẽy henduva.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.

1 Pedro 1:7

Pirojakue rãnga ita vera ijuva rãĩmi, tatapy mbytykuihava. Jyrojakuepe hasakaviva pyarãã haikaviteveshi hai ita vera ijuva, kỹããpo iko. Kova jyhasa'asy rupii tymbyhaikaviha, tymbyveteha hareka tomomba'eha Jesucristo ijeshaka verã jy'arape.

Apocalipsis 2:14

Tẽvã ĩme'ẽ pente mbai ajetemba'ẽshea: Ĩme'ẽ pynymbytepe Balaam pyrỹmboiheva potamba hejava, mboi vekua Balac israelitare oa verã mbai porãmbape hareka pota houshu reta mymba jukahava Tũpa rã'anga retape me'ẽãva hareka mykyrẽyshu reta kyrãrãĩ jyre verã.

Apocalipsis 21:18

Ñymangorahapya japoha ita jaspe he'iashuaivi, hareka tenta ita verava iju vekuatei, hainy vidriokue sãkapyva.

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.