1 Corintios 2:6 - NandevaBiblia

⁶ Tẽvã ñee ãrandu ryheva aporyñoĩhe Tũpa ĩñee kuaa kavimavare, ha'ẽã kuaretare, maĩrã huvishare ñy'ãrãndu, hokava hai oparei verã.

1 Corintios 2:6 Iomraidhean Croise

Mateo 13:22

Mbairãỹ oa vekua kapiãti pãũpe, hokava hai henduvare Ñee, tẽvã ojepy'apy mbai yvy'ĩãrẽ'õvãi mbai potakue mbytavyshu. Kova mbai opa japyraha shara potã ñee ia kavi pya retaperã.

Mateo 19:21

Jesús heishu: Pota opa rijapo hekope kavirã, ekua opa ẽvende ĩmeryreare, meẽshu pavete'iare hãrã ĩmepo ryrekui opa mbai vate arapy, haivi ei shimi'ĩrũ.

Mateo 5:48

Pee rãnga pyndyreko kavipo, Peru vate arapy'õ heko kaviva rãĩmi.

Lucas 16:8

Pyrokue'õ kuaama mbai ñyngareko porãmba'ihea katu'i jyve mbai japo verãrã, ijeta kavihe. Shara ko yvy'ĩãrẽ'õ japo'iare ha'eve jyve mbai japo verã hapishare hai rãĩmi'iare pevarã, Tũpa potava japo'ia retaivi.

1 Corintios 1:28

Tũpa pyhỹrõ kuareta heshahatamba vekua hareka mbaimba kuaavekuamire ẽvã ko yvy'ĩãrẽ, he'ise mba'ẽrãmba'i vekuamire, kyrãvape mbijiche verã jyroja'ijehevare.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

1 Corintios 14:20

Shyryvyre, piko sanjay rãĩmi, tẽvã avy sanjay rãĩmi pypya pimbijeta, porãmbapepo sanjayre heko rãĩmipi, tẽvã kuareta tarõmava rãĩmimapo pypya pimbijeta.

1 Corintios 2:1

Shyryvyre, aha ambeupe Tũpa heshakavarã, aporyã ñee ãrandu ryheva, hareka potããvãĩ perejyshe heta mbai aikuaava.

1 Corintios 2:13

Kova mbai jaijetahe ñee Espiritu ñanymboihea rãĩmi, ha'ẽã ñee kuaretare ñanymboihe vekua. Kyrã ñambeu kavi ñee Espiritu hai ryhevare.

1 Corintios 2:8

Kova mbai huvishare ko yvy'ĩãrẽ'õre mba'ety kuaava, shara kuaa retarã mbysavavambatẽ verã kurusure Ñandeja vate arare'õ hĩmbipekue ija.

1 Corintios 3:1

Shyryvyre, katuãny aijetape kuaretare kurimba jyrojavare rãĩmi, koñeĩ pyrãtambateriva hareka sanjaymire rãĩmi Cristo rehe.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

2 Corintios 4:3

Hãma ĩme'ẽ kuaa kavimbateriva kova Ñee kaviva mbe'uhava, hai ohojepemba verãre.

2 Corintios 4:4

Haire rojãã, shara ãña ko yvy ija ñakapy mypyntushi reta, potãã mykõĩshu reta Ñee kaviva hĩmbipeva Cristo ryhevarã, shara Cristo hai Tũpa rãĩmiva.

Efesios 2:2

pee piko vekua porãmbape, kuareta yvy'ĩãrẽ'iare heko porãmba rãĩmi, pijapopi espiritu pyntuva ipope'õre potava, espiritu ã'ẽ mypyrãntareva ñymbaikatukue tyrayre ñee hendumba rupii.

Colosenses 1:28

Ore rãnga mbe'uha Cristo ĩñee, pyrỹmbarakuaaha hareka ãrãndupe mbe'uhashu opavare, Cristo rãĩmi opa kavi pyndyreko kavi verã.

Colosenses 4:12

Pynymarãndu jyve Epafras, Cristo jokueva, hai rãnga jyve pente pyndyryheva. Hai heta õñehãã jurure'i pyndyreherã, tãntangãtu pẽĩ verã, porãmba pijapombape hareka opa kavi pijapo verã Tũpa potava.

Hebreos 5:14

Tẽvã ho'uava tantava hai opama syryvare pevarã, maĩ kavivare, shara heshakavima mbaivara haikavi hareka porãã.

Hebreos 6:1

Hãrã jaha tynonde opa jasyrypeve, jaheja jaraha Cristo ryheva tynondeite ñanymbo'eahe vekua. Avy hykuaĩ jaijyshu mbai javaiveãma ñandevape, jaishu ñaimbeujya ryheva hareka jaheja jajapova pyryrahava ñymanope, jyrojakue Tũpare,

Santiago 3:15

Kyrãva mbaikuaa ouã Tũpaivi hokava yvy'ĩãrẽ'õvaĩ, kuaretaivi ouva hareka ãñaivi.

Santiago 3:2

Opaiteva hetañoĩ jajavy. Ĩme'ẽ ĩñee rupii javymbaarã hokava hai pente kuimbai hekope kavi'ia, hete katu jokova.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.