1 Corintios 2:3 - NandevaBiblia

³ She rãnga pynynondema'ãĩrã shypyrãtãã, akyje hareka opa aryry.

1 Corintios 2:3 Iomraidhean Croise

Hechos 17:1

Haima Pablo hareka Silas ohomarã, hasa reta Anfipolispi, hareka Apoloniaipi. Hãma vãhẽ oho Tesalonicape, haipe'ẽ Judiore ñymbatyseape.

Hechos 18:1

Haivi Pablo õhẽ tenta Atenasvirã, oho Corintope.

Hechos 18:12

Tẽvã Galion huvisharãteri'ẽ Acayaperã, Judiore ĩñiñono pente ñeepe pũãhe reta Pablo, haivi raha huvishare hỹnonde,

Hechos 18:6

Tẽvã haire õñepyrõ ñymbyvaishohe hareka jahehe reta. Hãrã Pablo mỹtỹmo mondeva heshaha verãrã heishu reta: Ã'ẽ ñunupa oupo peãrẽ, tẽvã aikuaveamapo shekui. Hãrã ã'ẽ ahamapo haimba Judiovare mbytepe.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

2 Corintios 10:10

Ĩme'ẽ heiva shy kuatiape pohyite hareka mbaretepeite aijetava, tẽvã sheteiva aijetarã shypya vasuã hareka shiñee mba'erãã.

2 Corintios 13:4

Ãñete rãnga hai mbysavavaha kurusure kangyva rãĩmi, tẽvã hai iko Tũpa ñymbaikatukuepy. Ore yrykangyhãĩ jyve handi, tẽvã ñymypenteãherã ĩmeãpo'i Tũpa ñymbaikatukue rupii, haikavipe verã.

2 Corintios 13:9

Hãme ore vy'ahaĩ ỹrỹkangyrã, hareka pee pynypyrãtarã; hareka ñymbo'eha pyndyrehe hekope kavi piko verã.

2 Corintios 4:1

Hãme rãnga yrỹkyrẽyñoĩ, shara Tũpa jypareko rupii meẽ ore japoha verã,

2 Corintios 4:16

Hãme rãnga ñymate'ỹhããhe, ajemaĩ kova yryrete tuja oho'i, tẽvã yrykove opa ara ñymbypy'ahuve oho Jesús rupii.

2 Corintios 6:4

Katynga opaite japohavape, heshahaka Tũpa jokueva orerã; heta ñyhãrõkuaape hasaha jyhasa'asyre, mbai mba'ety oreape, hareka mbai hasyvape;

2 Corintios 7:15

Hãrã hai pyndyraihuiteve manduahe marãra pijaposhu hai heivarã, hareka marãra vy'ape hareka kyje ryheve pymyvãhẽshu.

2 Corintios 7:5

Jypy vãhẽhã ouha Macedoniaperãvãĩ putu'uhãã, oparupi hasaha jyhasa'asy, yryreshatambare oñehã'ãha hãndi, hareka kyjekue hyvaishope.

Efesios 6:5

Pee jokuehareare, ñee pyhendushu pokue'ia ko yvy'ĩãrẽ, mbyveteavape hareka japumbape, pijapo hai heipeva hareka pya kavi ryheve, jokueharea Cristo pevarã japo'ia rãĩmi.