1 Corintios 2:10 - NandevaBiblia

¹⁰ Tũpa rãnga kova ñanymbykuaaka Espiritu Santo rupii, shara Espiritu Tũpa pyape'õ javai'õ retave opa kuaa.

1 Corintios 2:10 Iomraidhean Croise

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Mateo 16:17

Jesús heishu: Ryvy'apo nde Simón, Juan tay, shara mba'ety kuaaka ndeva so'o hareka tuvy, koñeĩ Sheru vate arapy'õ kuaaka nde.

Lucas 10:21

Haipe Jesús Espiritu Santo rupii vya'irã hei: Ãrẽmombai vasu Sheru, ara hareka yvy Ija, shara kova mbai rĩñomishi ĩñarãnduvare hareka mbai kuaavare, hãrã rikuaakashu mbaimba kuaavare. Shara Sheru, nde kyrã ripota.

Lucas 2:26

Espiritu Santo kuaakashu manombateri verã Cristo Ñandeja ndeiteri hesharã.

Juan 14:26

Tẽvã Espiritu Santo Sheru shyreepe mbou verã hai pynymbypya kavi verã, pynymbo'epo hareka pynymymandu'akahe verã opaite hai pee vekua.

Juan 16:13

Tẽvã Espiritu añeteva oumarã, hai kuaakapope opava mbai añeteva; shara ijetããpo ijuhuvireii, heipo jyve opaite hai henduva hareka kuaakapope maĩnunga iko verã.

1 Corintios 14:30

Tẽvã ĩme'ẽ haipe vapy'õ vãhẽshu Tũpa ĩñeerã, tynonde ijeta'õ tichirĩrĩ, hareka tyhejashu yngava tijeta, tymbeu, mbeu verã.

1 Corintios 2:11

Mbavarapo kuaa kuareta mbaivara pyape'ẽ? Koñeĩ espiritu kuareta pyape'õ kuaa. Kyrã jyve Tũpa pyape'õ koñeĩ Espiritu Santo kuaa.

Galatas 1:12

Ha'eã me'ẽãshea, ha'eãvãĩjy aikuava kuareta retaivi, Jesucristo teiva rãnga heshakashe.

Efesios 3:3

Tũpa kuaakashe maĩnunga hai ñomireva, katy ambyparamape mishiĩ.

Efesios 3:5

Hoka kuaahakambava aryka'evare jy'arape, ã'ẽ Tũpa heshaka jy'apostol hareka Tũpa ĩñee mbeu'ia heko kyambare Espiritu hai ryheva rupii.

1 Timoteo 4:1

Espiritu Santo rãnga hei kavi, ara japyape vãhẽserimarã, ĩmepo'ẽ poi jyrojaheva Tũpa, tykove japuvare heiva hẽnduposhu hareka japoposhu retakui mbaiposhyre pyrỹmboiheva.

1 Pedro 1:12

Tẽvã Tũpa opa mbykuaaka reta hoka maĩnunga mbeu jyrevare ha'ẽã haire pevarãñoĩteva, koñeĩ haikavipe verã. Hãrã ã'ẽ kuaaka pe ko maĩnunga ñimiñee'ipe vekua ko Ñee kavivare, Espiritu Santo mboua vekua vate araivi. Kova mbai rãnga Tũpa jokueva retatei pota hesha.

1 Juan 2:20

Tẽvã Cristo Kyambava meẽpe Espiritu, hãme rãnga opaiteva pikuaa añeteva.

1 Juan 2:27

Tẽvã pee me'ẽãpe Espiritu, Jesucristo meẽpeva rupii, hãrã katuã mbava pynymboijy, shara Espiritu hai meẽpeva opa mba'e pynymboihe, hareka hai pyrỹmboiheva hai añeteva ha'ẽã japureiiva. Piñymypente hãndi Cristo, Espiritu pynymboiva rãĩmi.

Apocalipsis 1:1

Kova hai Tũpa heshaka vekua Jesucristo rupii, mbykuaaka verã opaite jokueva retape; kova mbai areã iko verã. Jesucristo Tũpa jokuevape mboushu mbyheshaka verã jokueava Juan,

Apocalipsis 2:24

Tẽvã pee Tiatirape peĩva, pehombahipia hokava pyrỹmbo'eahea hareka pikuamba haire mbyhee vekua Satanás japokava ñemiãpe'õ, hai pee: Añonoveãmapo peãrẽ ĩrũ mbai pohyva.