1 Corintios 2:1 - NandevaBiblia

¹ Shyryvyre, aha ambeupe Tũpa heshakavarã, aporyã ñee ãrandu ryheva, hareka potããvãĩ perejyshe heta mbai aikuaava.

1 Corintios 2:1 Iomraidhean Croise

Hechos 20:21

Judiore hareka haimba Judiovare haishu reta oujy verã Tũpa kyty, hareka jyve jyrojahe verã Ñandeja Jesús.

Hechos 22:18

Ahesha Ñandeja hareka heishe: “Narẽ'ãite ẽhẽ Jerusalenvi, shara rojaãpo retakui rere shyreheva”.

Romano 16:18

shara jyrojãhe Ñandeja Jesucristo, koñeĩ ha'eire hete potavape ijokueka'iare hareka ñee mbevepeĩ hareka añeteva nungape mbytavyshu pya poshymbape.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

1 Corintios 1:17

Shara Cristo shymondoã apyrỹmyngarai verã, koñeĩ Ñee kaviva ambeu verãĩ, ha'ẽã ñy'ãranduvare rãĩmi aikatu aijetarã, potãã Cristo kurusure manorã vekua pytareii mbaimbava rãĩmirã rãnga.

1 Corintios 1:6

Jesucristo ryheva ñee rãnga ñymypyrãtama'ẽ pyndyrykovepe.

1 Corintios 2:13

Kova mbai jaijetahe ñee Espiritu ñanymboihea rãĩmi, ha'ẽã ñee kuaretare ñanymboihe vekua. Kyrã ñambeu kavi ñee Espiritu hai ryhevare.

1 Corintios 2:4

Opa mbai aikuaava rãĩmiiã aha pynymbytepe, aporyã ñee javai'ova, shyrojapi verã. Koñeĩ ahejashu Espiritu Santo heshaka verã ñymbaikatukue,

1 Corintios 2:7

Ore mbe'uha Tũpa ñymbai kuaakue ñemiãpe'õ, pente ãrãndu mbamba kuaava, Tũpa myhẽvã vekua aryka'e ndeiteri ko yvy japorã, opa ara pevarã javya verã hĩmbipekuepy.

2 Corintios 10:10

Ĩme'ẽ heiva shy kuatiape pohyite hareka mbaretepeite aijetava, tẽvã sheteiva aijetarã shypya vasuã hareka shiñee mba'erãã.

2 Corintios 11:6

Katu haire rãĩmiãã aikatu aijeta, tẽvã shy'ãrãndukuepe kyrãã'ẽ, kova heshahakañoĩpe opa mbaipe.

2 Tesalonicenses 1:10

Ñandeja oujymarã hokava ara hai ña'ãpovare õmombaivasu verã hareka mbyrymaĩhe verã opaite jyrojaheare. Shara pee pyroja ore mbe'uhapeva.

1 Timoteo 1:11

Pyrỹmboiva rãĩmi Ñee kavi mbaikatuva Tũpa ña'ãpova, me'ẽhããshe vekua ambeu verã.

2 Timoteo 1:8

Hãrã nde Timoteo avy noti rijetahe verã Ñandeja, hareka avy shynoti'i, hai reheĩ shymbyperesoha'i. Tũpa ñymbaikatu rupii shimi'ĩrũhe ahasa'asyvape ko Ñee kaviva rehe.

1 Juan 4:14

Hãrã oretei heshaha, hareka mbe'uha Teru mbouva Tay mondojepe verã yvy'ĩãrẽ'iare.

Apocalipsis 1:2

hai opa mbeu opaite hesha vekua Tũpa ĩñee hareka Jesucristo mbeuva.

Apocalipsis 1:9

She Juan, pyndyryvy hareka pinimi'ĩrũva Jesucristo jyhasa'asype, hai vapyape mburuvisha vasurã'õpe hareka pyrãtape jahasa verã Jesucristo hasava rãĩmi, Tũpa ĩñee ambeu airã hareka Jesucristo rehe aijetarã shymondoha isla Patmos he'iashuape.

Apocalipsis 19:10

Haivi ãĩñesu hỹnonde ãmombaishu verã, tẽvã hai heishe: “Avy hoka japo! Emombai Tũpa, shara she ha'ẽĩ jyve hai jokuerea, nde rãĩmiva hareka opaite ñandyryvyre Jesús ĩñee jyrojateriheare”. Shara ñee Jesús pyrỹmboihea hai mykyrẽyva kuaretare mbeu verã ñee iko verã.