1 Corintios 16:16 - NandevaBiblia

¹⁶ Airurepe pẽĩngatuhe verã kuareta hai rãĩmivare, opaite pyrỹmbory hareka mba'apo'iare.

1 Corintios 16:16 Iomraidhean Croise

Romano 16:12

Pymarãndushu ñaniindyre Trifena hareka Trifosa, Ñandeja ryhevape mba'apovare hareka haihuhava Pérsida, heta mba'apova jyve Ñandeja pevarã.

Romano 16:3

Pymarãndushu Priscila hareka Aquilape, shymbory'iare Jesucristope amba'aporã.

Romano 16:6

Pymarãndushu María, heta mba'apova jyve pynymbytepe.

Romano 16:9

Pymarãndushu Urbano, ĩrĩ'ĩrũ Cristo ryheva hareka ahaihuva Estaquis.

1 Corintios 12:28

Tũpateiva ñono jyrojavare ñymbatyva mbytepe, tynonde'ẽ apostolre. Mokuehea Tũpa ĩñee mbeu'iare, mbahapyheape ñono pyrỹmboi'ia. Haivi kuaretare japo'ia mbaikavi heshaha verã, hareka ñymbairasyva mynguera'iare, yngavare mbory'ia, maĩnungape miñaka'iare, maĩrã ijetava ñee kuaahambape.

1 Corintios 3:9

Apolo hareka she, hai Tũpa japovape mboryhareva, pee hai Tũpa ikokue, oo Tũpa mupuãva. Tũpa hai Ija.

Efesios 5:21

Pijapo kavi pijehe Cristo jyhaihukue rupii.

Filipenses 4:3

Nde jyve, amba'apoape shimi'ĩrũriva airure nde rymbory verã jyve ñaniindy retape, hai reta rãnga heta shimi'ĩrũ kova Ñee kaviva ambeu'airã, Clemente hareka ĩrũ retajy. Haire hee opama mbyparaha kuatiape.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Tesalonicenses 2:9

Shyryvyre, pymanduapohe marãra pohy mba'apoha hareka opa ỹrỹkangy. Mba'apoha arakuepe hareka pyharekue potãã pyndyreheĩñoĩte õĩhã kyrypoti pymeẽ ore verãrã. Jichepeĩ mbe'uhatẽpe Tũpa Ĩñee Kaviva.

1 Tesalonicenses 5:12

Shyryvyre jurureape, pyreko verã ñymbyvete pynymbytepe mba'apo'ia, pyndyraha'ia Tũpa kyty hareka pynymbarakua'ia.

1 Timoteo 5:17

Opaite Jesucristo jy'tupao miñaka kavi'iare, mbyveteapo hareka hekopekavipo mbyhepyashu mbai japova rehe, tynondeite'ẽ Tũpa ĩñee mbeu'iare hareka pyrỹmboi'iheare.

Hebreos 13:17

Pijaposhu opaite mbai miñaka'ipeare hareka pijapo heiva, shara haire ñyngareko pyndyrehe putuumbape hareka ĩmere reta japoñoĩ verãre Tũpa hỹnonde. Kyrã pijaporã, haire vy'apepo mba'apo reta hareka mbaimbaa heiva retape, katynga ajetẽãperã veruãpope haikaviva.

Hebreos 13:24

Pymarãndushu opaite tũpaope miñaka'ipeare hareka ñandyryvyre Tũpa pyhyrõvare. Italiape'õre mondo jyvepe marãndu.

Hebreos 6:10

Shara Tũpa heko kaviva hai, sareãpohe pijapova hareka jyhaihukue pyheshakava jyrojavare pymbory retarã, ã'ẽpeve pijapoteripeĩva rãĩmi.

1 Pedro 5:5

Kyrãĩjy kunumire opa mbaipe pijaposhu tũpaope miñaka'õre heiva. Opaiteva tiñiñono pente ñeepe, pirojamba pindijehevape shara Tũpa ñymbyvaishohe jyroja'i ijehevare tẽvã oñemomishĩvare jyhaihukue ryheve mboryshu.

3 Juan 1:8

Ñande ñamboryposhu reta, ñambeu handi verãre Tũpa ĩñee añeteva.

Apocalipsis 2:3

Rỹharõkuarã, ryhasa'asykuajy hareka heta rỹmba'apojy shyraihuvape, nykangymba ryheve.