1 Corintios 15:3 - NandevaBiblia

³ Shara tynonde ãmbeupe, sheteiva me'ẽãshe vekua, hokava hai Cristo mano mbai porãmba jajapo vekua rehe, Mbyparaha vekua heiva rãĩmi,

1 Corintios 15:3 Iomraidhean Croise

Mateo 26:24

Kuareta Tay iko ñoĩpohe kuatia mbyparahahea rãĩmi, tẽvã tengapokui kuimbai Kuareta Tay meẽva! Haikavivetẽshu verãmba ko kuimbai o'ãrã.

Mateo 26:28

Kova hai shuruvy my'ãñeteva ñee me'ẽãva py'ahuva ryheva, ñohẽhava opava pevarãre, mbai porãmba japo vekua hejahareishi verã.

Lucas 24:25

Hãma Jesús heishu reta: Pee mbaimba pikuaava! Marã'ĩrãra pyndypya tantaĩte pyroja verã Tũpa ĩñee mbeu'iare hei vekua?

Juan 1:29

Pareemajyrã, Juan hesha Jesús vãhẽ ou hai ẽvãperã hei: Pymãĩhe, kova hai Tũpa Avisha Ray, opa hekyva kuareta retaivi mbai porãmba vekua!

Hechos 17:2

Pablo jypykuarã oho jyve Judiore ñymbatyseape, hãrã mbahapy putu'uava jy'arape, ijeta pohyheshu reta, kuatia mbyparahava poryvape.

Hechos 3:18

Tẽvã Tũpa kyrã japo opa iko verã Tũpa ĩñee mbeu'iare rupii mbeu vekua; Mesia manoñõĩ verã.

Hechos 8:32

Mbyparahava mbijeta'ẽvã hai kova: Avisha Ray rãĩmimba rahaha jukaha verã; hareka ko avisha ray rãĩmi jasakava opaite piro ñonovare hỹnonde, haipemba mbai heiva.

Romano 3:25

Tũpa meẽmba ñanyrẽndakuepe mano verã hareka kyrã mbai porãmbava hejahareishu verãre jyrojaheva huvy rupii hareka kyrã Tũpa heshaka hai hekokaviva, shara hai hãrõkuaa rupii jaheãmbahe aryka'e mbai porãmba japovare,

Romano 4:25

Tũpa meẽmba Jesús mano verã mbai porãmba jajapo vekua rehe, hareka mupũ'ãjy ñanymbyhekokavi verã hai hỹnonde.

1 Corintios 11:2

Shyryvyre shymbyvy'a shara pee pynymandua shyrehe hareka pijapo ñee apyrỹmboiheva.

1 Corintios 11:23

Shara kova meẽshe Ñandeja, hai rãnga hokava apyrỹmboijyvehe: Ñandeja Jesús akua pyhare kyrypoti me'ẽãmahea heky pãhã,

2 Corintios 5:21

Cristo rãnga japoã hai mbai porãmba, tẽvã ñandyraihuiterã Tũpa rekoshu mbai porãmba japo'ia rãĩmi, hai rupii japity verã Tũpa ñimbivache.

Galatas 1:12

Ha'eã me'ẽãshea, ha'eãvãĩjy aikuava kuareta retaivi, Jesucristo teiva rãnga heshakashe.

Galatas 1:4

Jesucristo rãnga meẽ hykove mbai porãmba jajapo vekua rehe, ñanynohẽ verã ko yvy'ĩãrẽ'õre heko porãmba vekuaivi, Tũpa potava rãĩmi.

Galatas 3:13

Jesucristo rãnga ñanynohẽma Moisés mbypara vekua jyjaheivi, hãrã jaheatẽ ñandyrehe verã vekua oa ĩãrẽ, shara Tũpa ĩñeepe hei: “Jaheamahe yvyrare ñonoãva”.

Efesios 1:7

Hai mbyhepy ñandyrehe ñanynohẽajy verã hareka hajareii ñandyhevi porãmba jajapo vekua, Tay huvy ĩñohẽva rupii, kyrã hai japo shara pyryraihukue opããshi hai.

Efesios 5:2

Piko jyhaihuvape Cristo ñandyraihuva rãĩmi. Cristo hykove meẽ ñandyrehe vekua, pente avisha ray jukahava rãĩmi hareka me'ẽãva Tũpape pishe katuva.

Hebreos 5:1

Opaite pai vasure hekahapyva kuimbaire mbyteivi, ñonoha kuaretare reheĩ mba'apo verã Tũpa hỹnonde hareka Tũpape me'ẽãva mbeu verã hareka mymba jukahava mbai porãmba kuareta japo vekua hejahareiishi verã.

Hebreos 5:3

hãrã hai rehe japoñoĩpo mymba jukahava ryheva ha'ei mbai porãmba japo vekua rehe, hareka jyve henta ĩrũ rehe.

1 Pedro 1:11

Haire õñehããmba pota kuaarã, mbaiperapo hareka marãĩterapo hokava mbai. Cristo jy Espiritu kuaaka maimba arykai ñimiñee'ia retape ndei vãhẽshu retarã, marãrapo Cristo hasa'asy hareka hĩmbipekue katu vãhẽjy.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

1 Pedro 3:18

Cristo manojyve mbai porãmba jajapova rehe. Hai mbai porãmba japombatẽva, ñañarõva rehe hasa'asy, pyndyraha verã Tũpa ẽvãpe. Hai mano hetepe hareka kuerajy Espiritu rupii.

1 Juan 2:2

Hai ñymeẽ ñandyrehe jukaha verã mbai porãmba jajapova hejareii ñandyhevi verã; ha'ẽã ñandeĩ, koñeĩ opaite kuaretare rehe jyve.

Apocalipsis 1:5

hareka Jesucristoivi heshava jyrojaheva, tynondeite kuerajyva hareka mbaivasuveshiva mburuvisha vasu yvy ĩãrẽ'õre. Hai ñandyraihurã hareka opa ñandohe mbai porãmba vekuaaivi huvypy,