1 Corintios 15:2 - NandevaBiblia

² Kova Ñee kaviva rupii pehojepema, tantapẽĩhe ñee ambeupe vekuarã; kyrããrã pyrojareiimbapo.

1 Corintios 15:2 Iomraidhean Croise

Lucas 8:13

Timĩty oa vekua ita mbytepe rãnga hai Tũpa Ĩñee hendurã, vy'ape rojava; tẽvã hapo pukuãrã, sapy'aiteĩ jyroja, oumashu pya hã'ãvaperã, poi jyroja.

Hechos 2:47

Opapaveĩ pyraheshu reta Tũpa hareka opavare haihushu reta. Hãrã opa ara Ñandeja mbyhetave raha kuaretare tũpaope ohojepe verãre.

Hechos 8:13

Hãrã Simónteiva rojarã ñymyngarai jyve, hãrã õñepyrõ mi'ĩrũshu Felipe, mbyrymaĩhe mbai heshaha verã hareka mbai kavi heshaha verã hesharã.

Romano 1:16

Ãnotiã ãmbeu ko Ñee kaviva, shara hai Tũpa ñymbaikatukue mondojepeva opaite jyrojaheare, Judio reta rãni hareka jyve haimba Judiovare.

Romano 11:22

Maĩhe, Tũpa pyakavi tẽvã katu poshy jyve. Pya poshy hãndi opaite oa vekuare hareka pyakavi nendie. Tẽvã rikoã hai potava rãĩmirã, nde ndijasyjahapo jyve.

1 Corintios 1:18

Shara ñee Cristo jukurusu ryheva mba'ẽãshu hai, õñehundi verã kyty oho'iare; tẽvã ohojepevare pevarã hokava ñee hai Tũpa ñymbaikatukue.

1 Corintios 1:21

Shara Tũpa ñonoãshu kuaretare yvy'ĩãrẽ'õ ñy'ãrãndukue rupii kuaashu verã, hai ñy'ãrãndukue heshakavape. Tũpa pyryparekorã mondojepe ĩñee mbe'uava rupii opaite jyrojaheare, ajemaĩ ko ñee hãĩtẽ mbaimbava.

1 Corintios 11:2

Shyryvyre shymbyvy'a shara pee pynymandua shyrehe hareka pijapo ñee apyrỹmboiheva.

1 Corintios 15:14

Cristo kuerajyvyãrãmeãra, ñimiñe'ẽãreimbapo'i, hareka mba'eãpo jyve jyrojakue ĩmepyreva.

2 Corintios 2:15

Shara Tũpa pevarã ore hãĩ pishekatuva Cristo rãĩmi, hareka opaite ohojepevare hareka õñehũndivare mbyteipi pevarã.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

Galatas 3:4

Hetara pyhasa'asy, mbaimbaa verã? Katuã rãnga mbaimbape opa!

Efesios 2:8

Pee rãnga pehojepe Tũpa jyhaihu rupii, shara pirojaherã. Kova mbai ha'eã peii pijapo vekua rupii, Tũpa me'ẽĩpeva rãnga.

Colosenses 1:23

Kyrã verã piñymyhãtapo pirojakuepe, avy pyheja ñyhãrõkuaa pyrekova ñee kavi pyhendu vekua rupii. Hoka hai ñee kavi mbe'uhava oparupi, hãrã she Pablo, ambory mbe'ua verã.

2 Tesalonicenses 2:15

Hãrã shyryvyre, pyrãtape peĩhe Tũpa hareka avy pyndysarehe apyrỹmboihe vekua, ñee rupii maĩrã mbyparahava rupii, myvãhẽhapeva.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

Hebreos 10:23

Jaikopo pyrãtape ñahãrõ kavivape Tũpa japoñoĩ verã ĩñee meẽ ñandeva.

Hebreos 2:1

Hãme rãnga jajasaka kaviñoĩpohe ñee ñahendu vekuare, ñahẽmbashi verã tape Tũpa mbishaka ñandeva.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Hebreos 3:6

Tẽvã Cristo, Tũpa tayrã, jyrojañoĩhe Tũpa hoo, ñande hai hokava, ñaĩñymypyrãta ñaĩherã hareka vy'akuepe japity verã ñahãrõva Cristore ẽvã.

Hebreos 4:14

Jesús Tũpa tay, hai ñandy pai ruvishavasu ĩmejareva vate arapy ohojy vekua, hãrã jairoja katupohe.

Santiago 2:14

Shyryvyre, mbaivapera haikaviposhu ĩme'ẽ heiva jyrojakaviva tẽvã mbai haikavivaimbatẽ japova? Katura hokava jyrojakue mondojepe?

Santiago 2:17

Kyrã jyve jyrojapeverei'ia, mba'ẽã japorã, mano vekua rãĩmi.

Santiago 2:26

Shara ñandyrete putũhẽãrã mano, kyrã jyve jyrojakuepe mbaimba japova, manoma.