1 Corintios 14:4 - NandevaBiblia

⁴ Ñee kuaahambavape ijetava ijupei ñymypyrãta, tẽvã Tũpa ñymbaikatukue ryheve ñimiñeeva, mypyrãta tũpao.

1 Corintios 14:4 Iomraidhean Croise

Marcos 16:17

Ko mbaikavi heshaha verã mĩ'ĩrũpo opaite rojavare: Shyreepe mohẽpokui mbaiposhy, ijetapo ñee py'ahuvape;

Romano 14:19

Kyrãpo ñañehãã jaiko verã vy'ape, ñañymboryñoĩ verã hareka pepenteĩ ñañymykyrẽỹ jaraha verã tynonde pya vapy.

1 Corintios 12:10

Ĩme'ẽ me'ẽãshuva mbaikatu japo verã mbaikavi heshaha verã, hareka ĩme'ẽjy me'ẽãshuva iko verã mbeu'i verã. Hareka yngavare, Tũpa meẽshu reta kuaa verã espiritu japuva hareka Espiritu añeteva, ĩrũre me'ẽãshu ijeta verã ñee kuaahambape ĩmeve'ẽjy me'ẽãshuva kuaa verã mbaivara he'iha hokava ñee kuaahambape.

1 Corintios 12:28

Tũpateiva ñono jyrojavare ñymbatyva mbytepe, tynonde'ẽ apostolre. Mokuehea Tũpa ĩñee mbeu'iare, mbahapyheape ñono pyrỹmboi'ia. Haivi kuaretare japo'ia mbaikavi heshaha verã, hareka ñymbairasyva mynguera'iare, yngavare mbory'ia, maĩnungape miñaka'iare, maĩrã ijetava ñee kuaahambape.

1 Corintios 13:1

Ajemaĩpo opava kuaretare ĩñeepe aikatu aijeta hareka katupo Tũpa jokuevare ĩñeepe aikatu aijetajy, tẽvã ahaihuã yngava retaperã, shy'ova pente hiero mbi'ipuha'õ, maĩrã maĩnunga parãrãreiva.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 14:12

Kyrã jyvepe; shara pipota pipity Espiritu Santo meẽvarã, piñyhãã katu pipity verã opaite maĩnunga mypyrãta verã tũpaope'õre.

1 Corintios 14:22

Hãma ñee kuaahamba hai pente mbai heshaha verã Jesucristore jyrojambare pevarã, ha'ẽã jyrojavare pevarã. Tẽvã ñee kuareta Tũpa poryva rupii mbeuva hai jyrojavare pevarã, ha'ẽã jyrojambare pevarã.

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

1 Corintios 14:3

Tẽvã Tũpa ñymbaikatukue ryheve ñimiñee'ia, ijeta mupũã verã kuaretare, mykyrẽy hareka mbypya kavijy.

1 Corintios 14:5

Aipotaratẽpo opaĩ pijetapy ñee kuaahambare, tẽvã aipotaveva hai piñimiñee Tũpa ñymbaikatukue ryheve; kova haikaviveshi ijetava ñee kuaahambape, ĩme'ẽ mbeu kavivarã tũpao mupuã verã.