1 Corintios 13:4 - NandevaBiblia

⁴ Pyryhaihuva hasa'asyñoĩ, pyakavi, mbai potaraiã, jyrojaã ijehe hareka potãã ha'epaite.

1 Corintios 13:4 Iomraidhean Croise

Mateo 27:18

Shara Pilato kuaa haire heshatãã reheĩ meẽshu reta.

Hechos 7:9

Hãrã Jacob tayre, heshatã rupii õvẽnde reta tyvy José hareka rahaha verã yvy Egiptope. Tẽvã Tũpa ẽẽ hãndi José,

Romano 1:29

Hãme rãnga haire tynyhẽ mbai hekopemba'õ opaĩ marãrãngatu vekua, haire heko porãã, mbai potavereii jyre, porãmbavaĩ pya mbijetahe reta, pyryreshatãã, mbai potarai, puruka, ñyrãrõse, japu, katu ñono pỹrỹmbytavypy verã hareka ñee ryheva,

Romano 13:13

Hekope kavi jaiko, arapeva rãĩmi hareka japoipo jajapo mbai porãmba, karuraivambape, jakaumbape, yngangavamba iko'i handia hareka kyrãrãĩmba'ia, avy jaiko jaijeshashatãã hareka ñaĩmymorãmbape.

1 Corintios 3:3

shara nde'iave pynypyrãta. Ĩmeteri ã'ãmore pynymbytepe pota ha'epaite'iarã hareka poshyvarã, pikoteri kuaretare jyrojambare ikova rãĩmi,

1 Corintios 4:18

Ĩme'ẽ pymbytepe jyrojama'ẽ ijeheva, moã'ãmo ahaveamapo apyryresharã.

1 Corintios 4:6

Shyryvyre, haikavipe verãĩ ambeupe kova, ãñono heshaha verã Apolo hareka she jyve. Hokava hai pee pikuaa verã ore rupii, pijapomba verã hareka peremba verã kuatiape mbyparahama vekuaivi, hareka avy pimbivavy ijuhuvi miñaka'iare.

1 Corintios 5:2

Kova ryheveĩ pirojapi pindijehe, pymbasytẽhe verã! Hokava kuimbai kyrã japo vekua pymohẽpo pynymbyteivi.

1 Corintios 8:1

Ã'ẽ jaijetapohe ho'uavare ta'ãnga heepe me'ẽãva. Opaitevama ãmo jaikuaa hokava, shara heta mbai jaikuaava jairojahe. Tẽvã jyhaihukue hai ñanymypyrãtava.

2 Corintios 12:20

Akyje ãvãhẽma ahaperã, apyryreshamba verã she aipotava rãĩmi, hareka pee shyreshambapi verã pipotava rãĩmi; akyje ẽẽ verã pynymbytepe ñyrãrõ, pyrỹmorãmba, poshy, pota ha'epaiteva, ñeereii, ijeta ijeheva, jyroja ijeheva hareka opa pyrỹmomohẽ'iare.

2 Corintios 6:6

yryreko kyambape, arãndukuepe, ỹrãteỹmbape, hareka pya kavipe, Espiritu Santo ẽẽ yrykovepe hareka jyhaihu añetevape,

Galatas 5:26

Avy jairoja ñandijehe, avy ñañymbyposhyka hareka avy jaipota ñandapisha ña'ãpova.

Efesios 4:2

Peñemomishĩgãtu, pijyhaihu hareka piñyharõ kavi hareka piñymbory katu jyhaihupe.

Efesios 4:32

Pyndypya kavi pindijupive, hãndi pijypareko hareka pyhejarei ijuhuvi mbai porãmba pijapo vekua, Tũpa hejareii pyndyheviva rãĩmi Cristo rupii.

Filipenses 1:15

Ãñete ĩme'ẽjy Cristo ĩñee mbeu'iare ñymbyvaisho'ẽ shyreherãmeĩ hareka shyreshatãã ñynoĩrã, tẽvã ĩme'ẽjy kyrẽ'ỹpe japova.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

Colosenses 2:18

Avy pyma'ẽĩhe tijahe pyndyrehekui, ñymby pya kavi rã'ãnga'iare hareka õmombaivasu'iare Tũpa jokuevare, hei'ia maĩnunga heshahakashua hareka jyrojahe kuaretare ñãkape ñanduva ĩmereva.

Colosenses 3:12

Tũpa rãnga pyndyraihu hareka pynypyhỹrõ iko pyndyhevi verã henta ĩrũrã kyamba. Piñimimondepy jyhaihukue hareka jyparekokue pyndypyaivive õhẽva, jyrojamba ijeheva, poshymbape hareka ñyhãrõkuaape.

1 Tesalonicenses 5:14

Jururehape shyryvyre, pijeta pohyshu verã hekope kavi ñatẽỹ mba'apovare, pymykyrẽyjy ñatẽỹmaheare, pymbory jyrojape kangyvare hareka opavare pyhãrõkuaashu.

1 Timoteo 6:4

hokava hai kuareta jyroja ijeheva hareka mbaimba kuaava, mimbairasyshu potaite ijetareii'ẽrã hareka ñeereire pota ijakarã; hokavaivi rãnga ou, ijakava, ñyrãrõ, hapishatamba'ia, hehei ijupeva, porãã pya mbijetahe yngare,

2 Timoteo 2:25

kyrã, pya kavi ryhevepo rỹmbarakuaa añeteva ñymbyvaisho'iheare, hãrõ oujy verãre Tũpa kyty hareka kuaa verã añeteva,

2 Timoteo 3:10

Tẽvã nde Timoteo, rikuakavi apyrỹmboihea, aikova rãĩmi, mbai pota ajapova rãĩmi, airojakue, jyhaihukue hareka ñyhãrõkuaa, pyrãtãkue ajepyhe verã porãmba vekua,

2 Timoteo 4:2

ñimiñeepy Tũpa ĩñee hareka ereshu tijapo reta, javendeape maĩrã javembandevape; ñono kavi, ñyngãta hareka mykyrẽy opaite ñyharõkuaa ryheve, hareka rymboivape.

Tito 3:3

Ore mba'eã kuaaha jyve arykai, ñee henduhãã, kuahãã ikohavaipi, mbai porãmbape yrokueha'i hareka mbai potakuepe. Ikoha'i porãmbavape hareka ijeshatambavape, yryreshatãã reta hareka oreĩ opa jyhaihuhaveã.

Santiago 4:5

Pyrojããra Mbyparahavape heiva? “Tũpa haihu Espiritu ñandypyape ñonova”.

1 Pedro 2:1

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

1 Pedro 3:8

Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo.

1 Pedro 4:8

Opa mbai ĩãrẽ pijyhaihu, shara jyhaihukue ẽvãpe heta hejahareiishi mbai porãmba japo'iare.

2 Pedro 1:7

tykove mbijicheava Tũpa pevarã, jyhaihu Cristore jyrojavare; jyhaihukue Cristore jyrojavare opaiteva pyhaihu.

1 Juan 4:11

Shyryvy ahaihuvare, Tũpa kyrã ñandyraihurã, jaijyhaihupaveĩpo jyve.