1 Corintios 13:3 - NandevaBiblia

³ Opa ãmemeẽshu ĩme'area paveteva retarã, hareka ameẽ shyrete hapyha verãrã, tẽvã apyryraihuãrã, mbaivapeã haikavi she.

1 Corintios 13:3 Iomraidhean Croise

Mateo 23:5

Hãrã haire opa mbai japovare kuaretare hesha verãĩ. Syvare ñono hareka jyvare, vakapi haikaviveva japymi Tũpa ĩñee; hareka mondevare pukuhe.

Lucas 18:22

Jesús hendu hokavarã heishu: Pente mbai, mba'etyteri nde; opa evende ĩmeryreare haivi hepykue memeẽshu pavete'iare, hãmerãpo ripitykui rikokatu verãpe vate arapy. Haivi ei shimĩ'ĩrũ.

Lucas 18:28

Pedro heishu: Sheja, ore rãnga opa hejaha yrã'ãpovare oua ndipi verã.

Lucas 19:8

Tẽvã Zakeo ñymboyrã, heishu Ñandeja: Ã'ẽ kope, Sheja, ambijaopo ĩme'arevare mbyteipi ameẽposhu pavete'iare, hareka ĩme'ẽ mbava ahekyreiishi vekuarã, urũndypo ĩãrẽve ameẽjyshukui.

Juan 12:43

Haire potãĩ kuaretare mbyveteshu, Tũpa õmombaitẽ verãivi.

Juan 13:37

Haipe Pedro heishu: Sheja, marã'ĩrãra katũãpo ã'ẽ aha ndipikui? She ãĩjyve ãmano nendie verã!

Juan 15:13

Jyhaihu tivishaveva ĩmerea rãnga meẽva hykove ñi'ĩrũ retare.

Juan 6:63

Espiritu rãnga hai meẽva tykove; tyro'o mba'ẽã hai. She aijetahepeva hai añeteva Espiritu ryheva meẽva tykove.

Hechos 21:13

Pablo hei: Marã'ĩrara pijaheo hareka shypya pymbyvy'ãpeĩ? She rãnga ãĩ ha'ẽã shypokuaha verãĩ, katynga'ãĩ jyve ãmano verã Jerusalenpe Ñandeja heepe.

Galatas 5:26

Avy jairoja ñandijehe, avy ñañymbyposhyka hareka avy jaipota ñandapisha ña'ãpova.

Filipenses 2:3

Avy pijapo maĩnunga piñymbyvaishopi pijehevape maĩrã pota peñemombaipiva rãĩmi, peñemomishĩĩvape rãngapo pijapo, hareka pepenteĩpo rekohe hapisha vateve'ẽshi haiva rãĩmi.

1 Timoteo 4:8

Ãñete rãnga ndyrete ñumungueva mbaivape haikaviñoĩ, tẽvã tykove mbijicheava Tũpa pevarã opavaretape haikavi, shara ĩmere ñee me'ẽãva tykove ã'ẽ pevarã hareka tykove ou verãpe.

Hebreos 13:9

Avy pyroja yngai pyrymbo'eaheva hareka kuaahambava. Haikavivepo ñandypyape pũã Tũpa jyhaihukue, hareka avy pyhendu pyrỹmbo'eahea ho'uava ryheva, mbaivapeã haikavishu hokava ñee ho'uava ryheva henduvare.