1 Corintios 12:8 - NandevaBiblia

⁸ Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

1 Corintios 12:8 Iomraidhean Croise

Mateo 13:11

Jesús heishu reta: Tũpa rãnga kuaaka pee, mbai ñemĩape'õ huvisha vasu vate arapy'õ ryheva, tẽvã haire mba'ety.

Hechos 6:3

Hãrã shyryvyre, pyheka pynymbyteivi 7 kuimbai pyrojava, tynyheva Espiritu Santo hareka ñy'arãnduva, ñañonopokui ipope hokava haire japo verã.

Romano 15:14

Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 1:5

Hai rupii rãnga Tũpa meẽpe pikatu pijeta verã hareka pikuaa verã heta mbai.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 13:8

Ãñete jyhaihukue opããpohai, tẽvã iko verã mbe'uava opapokui, ñee kuaahambava opapokui, hareka jyve ãrãndukue.

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

1 Corintios 14:6

Hãrã shyryvyre aha peĩvãperã, aijetape ñee yngaivaperã, mbaivaperapo haikavipekui, Tũpa heshakava rupiiã aijetaperã, maĩrã ãrãndu rupii, maĩrã ñee iko verã Tũpaivi ouvare, maĩrã arakuaa rupii?

1 Corintios 2:11

Mbavarapo kuaa kuareta mbaivara pyape'ẽ? Koñeĩ espiritu kuareta pyape'õ kuaa. Kyrã jyve Tũpa pyape'õ koñeĩ Espiritu Santo kuaa.

1 Corintios 2:16

Kuatia mbyparahavape heiva rãĩmi: Mbavara kuaa Tũpa ñakapy'õva? Mbavara katu mboishu? Tẽvã ñande ĩmejare Espiritu Tũpaivi ouva, hãme rãnga Cristo rãĩmi ñandypya ñambijeta jyve.

2 Corintios 1:12

Ore rekoha mbaiva rehera jyrojahapo irijehe, ñanduha yrypyape tykove kyambava hareka pyrỹmbytavyhãã ohohava retaipi, tynondeite hai pynymbyteipi. Aporyã ãrãndu ko yvy'ĩãrẽ'õ, Tũpa pya kavi rupii rãnga hai yrỹmbory kyrã ikoha penendie verã.

2 Corintios 11:6

Katu haire rãĩmiãã aikatu aijeta, tẽvã shy'ãrãndukuepe kyrãã'ẽ, kova heshahakañoĩpe opa mbaipe.

2 Corintios 2:14

Tẽvã ãmeẽ shy'ajetekue Tũpape, hai ỹrỹmypyrãta hareka jepyhahe verã porãmba vekuare Cristo rupii, hareka ore rupii oparupi kuaaka hai ĩñee, mbai pishekatuva rãĩmi oparupi vãhẽ.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

2 Corintios 6:6

yryreko kyambape, arãndukuepe, ỹrãteỹmbape, hareka pya kavipe, Espiritu Santo ẽẽ yrykovepe hareka jyhaihu añetevape,

2 Corintios 8:7

Pee rãnga opa mba'epe piñymytynonde: Jyrojakuepe, pijetavape, arãndupe, kyrẽ'ỹpe hareka jyhaihukue pikuaa yryhevivape. Kyrãpo piñymytynonde jyve kova mbai haikaviva japohavape.