1 Corintios 12:10 - NandevaBiblia

¹⁰ Ĩme'ẽ me'ẽãshuva mbaikatu japo verã mbaikavi heshaha verã, hareka ĩme'ẽjy me'ẽãshuva iko verã mbeu'i verã. Hareka yngavare, Tũpa meẽshu reta kuaa verã espiritu japuva hareka Espiritu añeteva, ĩrũre me'ẽãshu ijeta verã ñee kuaahambape ĩmeve'ẽjy me'ẽãshuva kuaa verã mbaivara he'iha hokava ñee kuaahambape.

1 Corintios 12:10 Iomraidhean Croise

Marcos 16:17

Ko mbaikavi heshaha verã mĩ'ĩrũpo opaite rojavare: Shyreepe mohẽpokui mbaiposhy, ijetapo ñee py'ahuvape;

Marcos 16:20

Hãrã haire oho mbeu Ñee kaviva oparupi, Ñandeja Jesús mboryshu reta, hareka my'ãñete ĩñee mbaikavi heshaha verã mĩ'ĩrũvare rupii. Amén.

Lucas 24:49

Hãrã She amboupo pẽãrẽkui Sheru ĩñee meẽ vekua; tẽvã pypytakui ko tenta Jerusalénpe ou peve pẽãrẽ mbaikatu ouva vate araivi.

Juan 14:12

Ãñete hai pee, jyroja shyreheva japopo jyvekui opa maĩnunga she ajapova, hareka hetavepo maĩnunga japokui, shara ahajypo Sheru ẽvãpe.

Juan 16:13

Tẽvã Espiritu añeteva oumarã, hai kuaakapope opava mbai añeteva; shara ijetããpo ijuhuvireii, heipo jyve opaite hai henduva hareka kuaakapope maĩnunga iko verã.

Hechos 1:8

Tẽvã Espiritu Santo vejymapyrerã ĩmepopyre mbaikatu, hãrã pẽhẽpo shymbeupi Jerusalenpe, Judeape, Samariape hareka yvy japyapevepo mbe'uha ko shiñee.

Hechos 11:27

Hokava arape a'ãmo Tũpa ĩñee mbeu'iare oho Jerusalenvi tenta Antioquia kyty.

Hechos 11:28

Haipe haire mbytepe pente ñymbou Agapo he'iashua, Espiritu Santo rupii mbeu, ou verã ñymbahy vasu opaite yvy ikoava retaipi, hokava iko Claudio huvisha vasurã'ẽ Romaperã.

Hechos 19:6

Haivi Pablo ipo ñono'ĩãre retarã, Espiritu Santo ou ĩãrẽ reta hareka ñee yngaivapy ijeta retarã mbeu reta Tũpa he'ikava ñee.

Hechos 5:3

Hãma Pedro heishu: Ananías, marã'ĩrãra Satanas iche ndypyape ndapushu verã Espiritu Santo hãrã rỹmanãrõhe verã ndy'yvy hepykueivi?

Romano 12:6

Tũpa jyvavavy meẽ ñande mbai jaikatu verã, hai pota opaiteva meẽ ñandeva rupiimba. Hãme añete hai ñono ñande heepe ĩñee ñambeu verãrã, japory kavi jairojakue rupii,

Romano 15:19

heshaha verã hareka mbai heshahavare ñymbai katukue, Tũpa jy Espiritu ñymbaikatu rupii. Hãrã kyrã oparupi ambeu Ñee Kaviva Cristo ryheva, Jerusalenvi hareka opaite tenta Iliria juri.

1 Corintios 11:4

Pente kuimbai ñaka jasoi ryheve ñymboi'ẽrã maĩrã Tũpa pory'ẽrã, mymarãka ñakarã'õ.

1 Corintios 13:8

Ãñete jyhaihukue opããpohai, tẽvã iko verã mbe'uava opapokui, ñee kuaahambava opapokui, hareka jyve ãrãndukue.

1 Corintios 14:13

Hãrã ñee kuaambavape ijeta'iare, tirureshu Tũpa tikuaakashu mbaivara he'ise hai hei'õ.

1 Corintios 14:39

Hãrã shyryvyre, piñyhããpo pymbeu ñee iko verã Tũpaivi ouvare, hareka ĩme'ẽ pota ijetava ñee kuaahambaperã, avy pijocha.

Galatas 3:5

Tũpa meẽpeje Espiritu hareka japo pyhesha verã heta mbaikavi heshaha verã. Marã'ĩrãra japo? Ha'eã Moisés mbypara vekua pijapopirã, Ñee kavi pyhendu vekua pyroja rãmeĩ rãnga.

1 Tesalonicenses 5:20

Avy pijahehe iko verã mbeu'ia.

Hebreos 2:4

Harekajy Tũpa my'añete ohojepeva ryheva mbai heshaha verã handi, mbaikavikue handi, mbaikavi heshaha verã handi, hareka mbaikuaakue Espiritu Santo meẽva rupii, Hai potava rãĩmi.

1 Juan 4:1

Shyryvy ahaihuvare, avy pyroja opaite hei ijeheva Tũpa rupii ijetava, tynondepo pikuaa kavirãnishu, pyhesha verã añetera hai ĩmere Espiritu Tũpa ryheva. Shara yvy'ĩãrẽ tynyhe Tũpa ĩñee mbeu rã'anga'iare.

Apocalipsis 2:2

She aikuaa rijapova hareka pohy rỹmba'apova hareka rỹhãrõkuajy, hareka katumba ryhesha tykove porãmbape'iare. Aikua rẽñehãriva hã'ãha verã hei'i ijehevare apostolva tẽvã ryvãheshu añeteãrã japureiva.