1 Corintios 11:3 - NandevaBiblia

³ Tẽvã aipota pikuaa Cristo hai opaite kuimbaire ñaka, hareka kuimbai hai taupere ñakarã'õ hareka Tũpa hai Cristo ñakarã'õva.

1 Corintios 11:3 Iomraidhean Croise

Mateo 28:18

Haipe Jesús ñymbojahe retarã heishu: Opa me'ẽã she mbaikatu vate arapy'õ hareka yvy'ĩãrẽ'õre.

Juan 14:28

Pyhenduma rãnga hai'ãipeva ahajypo, tẽvã aijypo aiko penendiekui. Pee ãñete shyraihurã pyvy'aĩtẽ verã, shara pikuama ahajypo Sheru ẽvãperã mbaivasuve shyheviva.

1 Corintios 3:23

Pee rãnga hai Cristo ña'ãpova, hareka Cristo hai Tũpa ña'ãpova.

Efesios 4:15

Haikavive rãnga jaiko jyhaihupe, hareka añeteva haykue, jyvache ñapuã verã hekope kavi Cristo hãndi. Haiteiva rãnga tũpao ñaka.

Colosenses 1:18

Cristo hai tãka, tũpao hai tyrete. Hai rãnga opa mbai õñepyrõhea, hareka haijy tynonde pũãjya manovare mbyteivi, kyrã hai tynonde'ẽ verã opa mba'eivi.

Colosenses 2:10

hãma pee opaite pimepeĩhe Cristo shara piñimi'ĩrũhe Hai. Hai miñaka'ishuva opaite mbaikatukuere hareka ipope ẽvã ko yvy'ĩãrẽ hareka vate arapy.

Colosenses 2:19

Haire ñymypenteã hãndi Cristo, hai rãnga tũpao ñãka mbykuakuava opaite tyrete, hareka hai rupii opaite tyrete ryhevare pentevareĩ ñynoĩ hareka ñymboryñoĩ reta, Tũpa potava rãĩmi.

Colosenses 3:18

Tyrekore piko pemere ĩñeere, hokava rãnga hai hãrõã pyheviva pee pirojahea Cristo.

1 Pedro 3:1

Kyrãmi jyve pee tyrekore, piñyñono pemere ipope ĩme'ẽ pente teme rojambava Tũpa ĩñee, mbaimba heivape, pee pikova rãĩmipo pymbaky jyveshu retakui.