1 Corintios 1:9 - NandevaBiblia

⁹ Tũpa rãnga sareãhe hai ĩñee meẽva, hai pynyrẽno peii piko hãndi verã pente ñeepe Tay Jesucristo, Ñandeja.

1 Corintios 1:9 Iomraidhean Croise

Mateo 24:35

Ara hareka yvy opapokui, tẽvã shiñee opããpokui.

Juan 17:21

Airurehende haire pente pyapẽĩ ñynõĩ verã; tiñymypenteĩ ñanendie reta, Sheru shyrehe rẽĩvã rãĩmi, hareka ndyrehe ãĩmeva rãĩmi. Kyrã tõĩ reta pente pyape, hãrãpo kuaretare roja nde shymbouva.

Romano 11:17

Hokava olivoivi, hai Judiore, ã'ãmo hãkãre jasyjaha hareka minjehahe olivo ñanaipi'õ, nde hai hokava haimba Judiova. Hãme rãnga hapopeve rẽĩhe, tykove meẽshua olivo.

Romano 8:28

Hareka jaikuaa kavi opaite haihuvare Tũpa, opa mbaipe mboryshu haikavivape, hai hẽno vekuare hai potava rãĩmi.

Romano 8:30

Hãma õñepyrõãivive pyhỹrõ vekuare hẽnoshu, hareka henoshu vekuare mbyheko kavi, hareka mbyheko kavishu vekuare õmombaishu.

Romano 9:24

Kyrã Tũpa ñanyrẽno arykai Judiovare mbyteivi hareka haimba Judiovare.

1 Corintios 1:30

Tũpa rãnga pynymypente hãndi Cristo Jesús, hãrã hai rupii heta mbai pikuaa, ñimbivache, ñandyrykove ky'ã, hareka mbyhepya ñandyrehe ñanynohẽajy verã.

1 Corintios 10:13

Pyarãã ou peãrẽva rãnga ou jyve opava kuaretare ĩãrẽ. Tẽvã Tũpa hai jyrojahahea, hai hejããpo iko pyndyrehe mbai pijepymbahe verã. Tẽvã pyndypya hã'ãmarã Tũpa pynymborypo marãrapo pẽhẽshi hareka pijepyhe.

1 Corintios 10:16

Ñaimbyupy kopa ohovasahavarã, hai rupii jahovasapy Ñandeja, ñañymypenteãra hãndi Cristo huvy rupii? Pãhã jaurã, ñañymypenteãra hãndi Cristo hetepe?

2 Corintios 1:18

Tũpa rãnga opa hesha mapeã ore he'iha “ẽẽ” hareka “mba'ety” pente he'iape.

Galatas 1:15

Tẽvã hai pya'oshyrerã shesy hyepevãĩmba shypyhỹrõ hareka pya kavi ojaimbape shyrẽno.

Galatas 2:20

Kurusure Cristo amano hãndi, hãrã ã'ẽ sheĩĩveãma aiko, Cristoima iko'i shypyy. Hãrã ã'ẽ aikova shyretepe, aiko airoja rupii Tũpa tayre, shyraihuva hareka mano shyrehe vekua.

Efesios 3:6

Hãrã kuaahamba vekua hai kova: Jesucristo Ñee Kaviva rupii haimba Judiore myvahe verã jyve pyrỹmondojepeva, hareka ĩñee meẽva tenta Israelva retape, hareka pente tentaĩ iko hãndi verã Israel.

Colosenses 1:24

Ã'ẽ avya'aĩ ahasa'asy pyndyreherã, shara kyrãrã opa añono araha shyretere Cristo jyhasa'asykue, haiva tũpao.

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

2 Tesalonicenses 2:14

Ha'ẽrã kova Tũpa pynyrẽno Ñee Kaviva rupii ñande ñambeuva, ñaĩ verã jyve Ñandeja Jesucristo ñymbaikatukue hareka hĩmbipekuepe.

2 Tesalonicenses 3:3

Tẽvã Ñandeja hekokavi, hai ñyngareko pyndyrehe verã opaite mbai porãmbaivi, shara hai opañoĩpo japo heiva.

2 Timoteo 1:9

Tũpa rãnga ñanymondojepe hareka ñanyrẽno tykove kyambavape, ha'eã ñande jajapova rupii, shara hokava hai potava hareka jyhaihu meẽ ñande ndeiteri ara oñepyrõrãvãĩ Cristo Jesús rupii,

2 Timoteo 2:13

ajema ñande jairojambape jaiko, hai japuã hai, shara hai katuã ha'eĩ iñomi.

Tito 1:2

Ñahãrõ ñaĩva hai tykove opambava. Tũpa japuã, shara Hai heimba aryka'e meẽ ñande verã kova tykove.

Hebreos 10:23

Jaikopo pyrãtape ñahãrõ kavivape Tũpa japoñoĩ verã ĩñee meẽ ñandeva.

Hebreos 11:11

Jyrojakue rupii Abraham, ajemaĩ kuakuaama hareka hyreko Sara katuã memby, Tũpa meẽshu pyrãtãkue ĩmere verã pente memby, shara rojakatutẽ Tũpa hareka japoñoĩ verã ĩñee meẽva.

Hebreos 2:17

Hãrã Jesús tyvyre ikova rãĩmirãnipo iko reta, ikoshi verãkui Tũpa hỹnonde Pai ruvisha jyrojahaheva hareka pyryparekova, hareka opa hejahareiishi verã kuaretare heko porãmba vekua, hai mano rupii.

Hebreos 3:1

Hãme rãnga shyryvyre, pee Tũpa ryhevare, pyhỹrõava hareka hẽnohava vate arape oho verã. Hãrã pypya pimbijeta kavihe Jesús: Hai rãnga apostol hareka Pai Vasu jairojahea ryheva.

Hebreos 3:14

Shara ñande heta mbai ĩmejare Cristo handi, jairojaĩhe opa arapeve tynondeite ĩmejarevaivi.

Hebreos 6:18

Tũpa japuã hairã, mokue mbai katumbaa ỹngaijyva, heiva meẽ verã hareka hai ĩñee meẽva. Hokava tivisha ñanymykyrẽỹ, shara jaipota Tũpa ñyngareko ñandyrehe, hãrã jaroja hai heishu vekua meẽñoĩ ñande verã.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

1 Juan 1:3

Hãrã ore heshahava hareka henduhava mbe'ua jyve pee piñimi'ĩrũ yryrehe verã, hareka ñanimi'ĩrũva Tuu hareka Tay Jesucristo handi.

1 Juan 1:7

Tẽvã jaiko hendyvaperã, Tũpa hendyvape ẽvã rãĩmi, pente pyapeĩmapo ñaĩ hãndi yngare, hareka Tay Jesucristo, huvy rupii opa ñandohe mbai porãmba vekuaivi.

1 Juan 4:13

Jaikuaa Tũpa hãndi ñaĩva, hareka hai ẽẽ ñandypyy, shara meẽ ñande je Espiritu.

Apocalipsis 19:11

Haivi ahesha vate'õ ara jypearã hareka haipe jykuaa pente kavaju tĩĩva, oporeheva he'iashu Jyrojaheva hareka Añeteva, hekopekavi pirĩmbivacheva hareka ñyrãrõva.