1 Corintios 1:8 - NandevaBiblia

⁸ Kyrãpo hai pynymypyrãta ara opapeve, potãã Ñandeja Jesucristo oujymarã hesha pyndyrehe hekopemba'õrã.

1 Corintios 1:8 Iomraidhean Croise

Lucas 17:24

Shara kueĩpi vera ouva saperã opa mykõĩ arare, kyrã katĩĩpo jyve Kuareta Tay vãhẽma ara oujy verãperã.

Lucas 17:30

Kyrã katĩĩpo jehujykui Kuareta Tay ijeshakamarã.

Romano 14:4

Hãma nde yngava jokue'õ rỹmaĩrihea, mbavara nde kyrãri verã? Jokue'õ rãngapo kuaa mba'apokavira jokuerea. Hai pyrãtapo'ẽ shara Teja mypyrãta ñonoshu.

Romano 16:25

Japyraheshu Ñandeja, hareka katu mypyrãtava shi Ñee Kavi hareka Jesucristo mbe'uhava kuaahambava heshahakava rãĩmi arykai ñomihareva,

Romano 8:19

Shara opaiteva Tũpa japo vekuare hãrõñynoĩvape ikoraiñynoĩ, heshahaka verã ãñete ñande haiva Tũpa tayre.

1 Corintios 3:13

Tẽvã japo vekuare pepenteĩpo ijykuaakui ara opamarã; shara tata ryhevepo oukui hoka ara, hãrã tatapo heshakakui mbaivapera ñamupũã oo.

1 Corintios 5:5

hokava kuimbai pymeẽshu Satanás, jyvarehe verã hete, hãmeĩpo hykove ohojepekui Ñandeja Jesús oujymarã.

2 Corintios 1:13

Ore mbyparahããpe katumba pimbijeta hareka pikuaa kavimba verã. Ãhãrõ opaĩ pikuaa verã,

2 Corintios 1:14

kyrã ã'ẽ peñepyrõma pikuaa yryhevi, pee jyve pyvy'apo yryrehekui, orejyve vy'ahapo pyndyrehekui Ñandeja Jesús oujymarã.

2 Corintios 1:21

Tũpa meẽ ore hareka meẽ jyvepe pente ñeepe jaiko verã Cristo rehe, hãme rãnga hai ñanymbyheko kavi.

Efesios 5:27

Cristo teivapo veru hãrã ñonopo hỹnonde pente tũpao verava hareka mashỹãva, opa hejava porãmba vekua, hareka pyrãtava hareka õĩheare heko kyamba verã, hekope kavi vata verã.

Filipenses 1:10

haikavivape piko verã, kyrãra pikopo pyndyreko kyambape hareka mba'etypo mbai porãmba he'ia pyndyrehe verã Cristo oujy verã jy'arape.

Filipenses 1:6

Arojakatu'ãĩ Tũpa õñepyrõ vekua mbai haikaviva japo pyndyreherã, japoveteripo oho Jesucristo oujypeve.

Colosenses 1:22

Cristo mano rupii kuareta rãĩmi. Hokava japo, pyndyverujy verã hỹnonde heko kyambape, mbai porãmba pijapombape hareka mbaimba mbojaha pyndyrevape.

Colosenses 2:7

piñymbyhapopopy hareka piñymypyrãtapohe piroja rupii, shara kyrã pynymbo'eha hareka pymeẽñoĩshu Tũpa mbai kavikue.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

1 Tesalonicenses 5:2

Pee rãnga pikuaa kavi Ñandeja oujy verã ara, vãhẽpo hãrõãveãma'ẽrã, manarõ'ia ouva rãĩmi pyntumarã.

2 Tesalonicenses 2:2

avy javaimbavape yngai pyndypya pimbijetakui, avy mbava pyrojakui Ñandeja Jesús oujy verã ara vãhemava mbeu'ia. Japupe heiva Espiritu heishuva hokava, maĩrã hoka oreteiva pyrỹmbo'ehama ihea maĩrã kuatiape.

2 Tesalonicenses 3:3

Tẽvã Ñandeja hekokavi, hai ñyngareko pyndyrehe verã opaite mbai porãmbaivi, shara hai opañoĩpo japo heiva.

2 Timoteo 1:12

Hokava rehe rãnga ahasa'asy'ãĩ, tẽvã anotiã shara aikuaa kavi mbavarera airoja hareka aikuaa kavi hai ñymbaikaturã natu verã opaite shepope ñonova hokava ara pevarã.

2 Timoteo 1:18

Ñandeja jyparekokue tõĩ hãndikui hokava arape. Nde rikuakavi marãra heta ñanymbory Éfesope.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.

2 Pedro 3:10

Jesucristo ara oujy verãpe manarõ'ia rãĩmipo pynturã oujykui. Arare opapo kañykui hy'apuvasua mbytepe hareka maĩnungare opapo oke.

2 Pedro 3:14

Hãme shyryvyre ahaihuva, pyhãrõteripeĩ kova mbai jehu verãrã, pyrẽĩkatu pindijupe pyavapype, tykove kyambape hareka mbaimba mbojaharei pyndyrehevape.