1 Corintios 1:5 - NandevaBiblia

⁵ Hai rupii rãnga Tũpa meẽpe pikatu pijeta verã hareka pikuaa verã heta mbai.

1 Corintios 1:5 Iomraidhean Croise

Hechos 2:4

Hãrã opaite tynyhe reta Espiritu Santo, hãrã haipe õñepyrõ ijeta reta ñee yngavape, Espiritu Santo mbijetaka rãĩmi.

Romano 11:12

Hãme, Judiore ñee hendumbaa veru ikokatukue opaite yvy ĩãrẽ pevarã hareka Judiore javyva rupii veru ikokatukue haimbaa Judio retape, ñañonoshu mbaivarapo verukui Judiore ñymbypy'aujymarã!

Romano 15:14

Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

Romano 15:4

Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.

1 Corintios 12:10

Ĩme'ẽ me'ẽãshuva mbaikatu japo verã mbaikavi heshaha verã, hareka ĩme'ẽjy me'ẽãshuva iko verã mbeu'i verã. Hareka yngavare, Tũpa meẽshu reta kuaa verã espiritu japuva hareka Espiritu añeteva, ĩrũre me'ẽãshu ijeta verã ñee kuaahambape ĩmeve'ẽjy me'ẽãshuva kuaa verã mbaivara he'iha hokava ñee kuaahambape.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

1 Corintios 13:2

Me'ẽã she ambeu'ai iko verãrã, hareka opa aikuaa mbai ñemiãpe'õ Tũpa ryhevarã, hareka opa mba'e aikuaarã, katu ĩme'are jyrojakue my'õmyva yvyturusure, tẽvã apyryraihuãrã, mba'eã she.

1 Corintios 13:8

Ãñete jyhaihukue opããpohai, tẽvã iko verã mbe'uava opapokui, ñee kuaahambava opapokui, hareka jyve ãrãndukue.

1 Corintios 14:26

Shyryvyre haiva rãĩmi ñamykoĩpĩ verã, pimbatymarã ĩmepo'ẽ pyraheva, ĩrũre katu pyrỹmboi, maĩrã ĩmepo'ẽ mbeuva mbai Tũpa heshakashuva, maĩrã ijetava ñee kuaahambape hareka ĩmepo'ẽjy mbeu kaviva mbaivara he'ise. Tẽvã opaite kova mbai tijapoha piñymypyrãta verã.

1 Corintios 8:11

Hãma kova mbai rikuaa vekua rehe, oajypo ñandyryvy pyrãtambateriva Cristo manohe vekuatẽ jyveva.

2 Corintios 4:6

Shara Tũpa teimba, hei timimbivape sape verã hendyva, hai sapeka ñandypyape, sape verã hareka kuaaha verã Tũpa hĩmbipekue, hĩmbipeva Jesucristo hovare.

2 Corintios 6:10

Vyamba rãĩmi mba'apoha, tẽvã vy'ahañoĩ; paveteva rãĩmi, tẽvã hetavape mbi'ikoa katu; mbaimba ĩmerekoava rãĩmi, tẽvã opa ĩme rekoha.

2 Corintios 8:7

Pee rãnga opa mba'epe piñymytynonde: Jyrojakuepe, pijetavape, arãndupe, kyrẽ'ỹpe hareka jyhaihukue pikuaa yryhevivape. Kyrãpo piñymytynonde jyve kova mbai haikaviva japohavape.

2 Corintios 9:11

Kyrãpo heta mbai ĩmepyre hareka hetavepo pymeẽ. Pymbatyva ỹrỹmbyrahakapi vekua rupiipo heta'ẽ jy'ajetekue meẽshuva Tũpa.

Efesios 1:17

Airureshu Tũpa Ñandeja Jesucristo, jaishu Tũpa hĩmbipeva, tymeẽpe mbai pikuaa verã Espiritupy hareka pikuaa kavi verã, heshakape verã hai ñymbai kuaakuepy.

Efesios 2:7

Kova japo heshaka verã ara ou verãpe marãra hai ñandyraihu hareka ñandypareko Jesucristo rupii.

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

Efesios 6:19

Pimboi jyve shyrehe Tũpa meẽshe verã ñee hareka jyroja katu aijetama aĩrã Ñee Kavivapy, pyntuape'i vekua tẽvã ã'ẽ Hai pota kuaaka.

Filipenses 1:9

Hãrã kova airure shiñymboipe, jyhaihu ĩmepyreva pynytynyhẽve peo verã, hetave opa mbai kuaakuepy hareka hendape kavi pimbijiche verã maĩnunga,

Colosenses 2:3

hai ĩãrẽ ẽẽ opa mbai haikavivare ouva mbaikuaakue hareka ãrãnduivi.

Colosenses 3:10

Piko tykove py'ahuvape, ñymbypy'ahu ohova ovave verã Tũpa hai pindijapo vekua hareka pikuaa kavive pyrahashu.

Santiago 3:13

Ĩme'ẽ pynypaũpe ĩñarãnduva hareka opa mbai kuaavarã, tyheshaka heko kavikue rupii jyrojamba ijehevape, hai mbai kuaava rãĩmi.

2 Pedro 3:18

Haikavivepo, pupuãve peho Jesús jyhaihukuepy hareka pikuave pyraha Ñandejape, Ñanymondojepeva Jesucristo. Japyraheshu Jesucristo ã'ẽ hareka opa arape! Amén.