1 Corintios 1:10 - NandevaBiblia

¹⁰ Shyryvyre airurepe, Ñandeja Jesucristo heepe piko verã pente ñeepe hareka avy pijeshatãpi. Kyrãtẽverã, piko pente ñeepe hareka pente pyape.

1 Corintios 1:10 Iomraidhean Croise

Mateo 9:16

Mba'etypo mondeava pysevẽ py'ahuva mbyvyvyhe verã mondeava ndeshivare; shara johearã mantapo py'ahuva mondeava ndeshiva, hãrã tivishavepo myndoro.

Marcos 2:21

Mba'ety mbyvyvy verã mondeava py'ahuva tuja vekuare, hoka mondeava pysẽvẽ py'ahuva matarã tivishaitevepo tuja vekua myndoro.

Marcos 3:24

Pente tentavasu ijupii ñymbyvaishorã, katuãpo kỹỹ iko.

Juan 10:19

Judiore hendu kovarã, ouma pente ñeepẽã ñynõĩjy.

Juan 17:23

She ãĩhe reta, hãrã nde rẽi jyve shyrehe, haire ñymypente kavi verãjyve, kyrãpo kuaretare kuaa nde shymbouva, hareka ryhaihushuare shyraihuva rãĩmi.

Juan 7:43

Hãrã kyrã kuaretare ijeta jyrehe Jesús pente ñeepembaa ñynoĩvape.

Juan 9:16

Haipe ĩme'ẽ fariseore heiva: Ko kuimbai kyrã japo vekua ouã Tũpaivi, shara mbyharuã putu'uava jy'ara. Tẽvã ĩrũre hei jyve: Marãrapo mbai porãmba japo'iarã, japo kova mbaikavi heshaha verã? Hairehe pente ñeepẽã ñynõĩrã opa jyvavy reta.

Hechos 4:32

Opaite jyrojavare pente pyapeĩjyre hareka pente ñeepeĩ ñynoĩ; hareka mba'ety heiva ha'ei ña'ãpova mbai ĩmereva, opava ña'ãpovare haire ña'ãpova jyve.

Romano 1:13

Shyryvyre, aipota pikuaa jyve hetajy potatẽ aha Romape apyryresha verã, tẽvã mba'etyãjy shochava. Shykyrẽypo aha haityrã aheshakui hykove jyrojavape ñymbyhetava, ẽẽmava rãĩmi Judiomba retaipi.

Romano 12:1

Hãmeara, shyryvyre, Tũpa jyparekokue ojaimbava rupii airurepe, pymeẽ verã pyndyrete Tũpape me'ẽãva rãĩmi ĩmeĩ'ia, kyambape hareka Tũpa mbyvyashu verã. Kyrã rãngatẽpo õñemombaishu.

Romano 12:16

Pente pyapeĩ piko yngavare hãndi. Avy piroja pindijehe, koñeĩ piñimbivache handi mbaimbava rãĩmi'iare. Avy pere pindijehe peĩĩ mbai opa pikuaava.

Romano 15:30

Shyryvyre, Ñandeja Jesucristo rupii airure'asype hareka Espiritu jyhaihukue rupii, pẽĩ shendie verã kova ñyrãrõpe, pimboitẽve shyrehe Tũpape.

Romano 16:17

Shyryvyre, airure pee pingarekoshi verã ñimbijao ryheva veruva hareka pyrỹmbyvapiva ñono'iare, hai hokava ñymbyvaishoheva pynymbo'eaheva pymyvãheva. Hokava kuaretare avy pihia,

1 Corintios 1:11

Kyrã hai pee shyryvyre, shara Cloe henta'ĩrũre mbe'uashe, ĩme'ẽ pymbytepe ijakañoĩ'iare.

1 Corintios 11:18

Tynonde mbe'uashe jyrojavare pimbatyrã opanda porããpyhevi, hãrã aroja kyrã jehuva.

1 Corintios 12:25

Potãã ĩme'ẽ ñandyrete ryhevare ohomba ijehevarã, koñeĩ opaiteva ñymbory verãĩ.

1 Corintios 3:3

shara nde'iave pynypyrãta. Ĩmeteri ã'ãmore pynymbytepe pota ha'epaite'iarã hareka poshyvarã, pikoteri kuaretare jyrojambare ikova rãĩmi,

1 Corintios 4:16

Hãme rãnga airurejype she aikova rãĩmi piko verã jyve.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

2 Corintios 13:11

Koñymahea shyryvyre, pyvyañoĩ, pẽĩkavi, piñymykyrẽy pepenteĩ, pente pyapeĩ piko hareka pyavapype. Kyrã Tũpa jyhaihukue hareka pyavapy Ija ẽẽpo penendie.

2 Corintios 13:9

Hãme ore vy'ahaĩ ỹrỹkangyrã, hareka pee pynypyrãtarã; hareka ñymbo'eha pyndyrehe hekope kavi piko verã.

2 Corintios 5:20

Hãrã ore Cristo rehe yrokueha, Tũpateiva jururepe ore rupii. Hãma Cristo heepe, jururehape pẽĩjykavi hãndi verã Tũpa.

2 Corintios 6:1

Hãme rãnga, ore mboryhava Tũpa, jururehape pymyvãhereiimba verã mbai kavikue Tũpa mbouva.

Galatas 4:12

Shyryvyre; airurepe she rãĩmi piko verã, shara pee rãĩmima aijyve. Pee rãnga maĩnunga porãmba pijapoã shyrehe.

Filipenses 1:27

Koñeĩ airurepe pikokavi verã Ñee kavi Cristo ryheva pyrỹmboiva rãĩmi. Shara aha apyryresharã maĩrã ãĩmbate haipeva, koñeĩ tahendu pyndyhevi piko kavi ijupiiva hareka piñyhãã pente pyapeĩ Ñee kaviva pirojaheva rupii.

Filipenses 3:16

Tẽvã ñande hokava japitykavivare, pente ñeepeĩpo jaiko hareka penteva pyapeĩ.

1 Tesalonicenses 5:13

Pymbyvete hareka pyhaihuposhu heta mbaikavi japova rehe. Pyndypya kavi ijupe.

2 Tesalonicenses 2:1

Shyryvyre, Ñandeja Jesucristo oujy verã rehe, hareka ñaimbaty hãndi verã, jururehape,

1 Timoteo 5:21

Airurende Tũpa hỹnonde, Jesucristo hỹnonde hareka Tũpa jokueva pyhỹrõvare hỹnonde, hekope kavi rijapo verã kova mbaire, mbavamba rĩmbijicheva.

2 Timoteo 4:1

She aheja nde Tũpa hareka Cristo Jesús hỹnonde, oujy verã mburuvisha vasu rãĩmi jahehe verã hykoveteri'iare hareka manoma vekuare,

1 Pedro 2:11

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva.

1 Pedro 5:10

Tẽvã Tũpa jyhaihukue ojaimbavapy ñanyrẽno hĩmbipekuepy opa arapeva Jesucristore, mishĩĩ jyhasa'asy pyhasamarã, hai pynymbyhekokavi, pynymysymyĩ, hareka pynymypyrãtapo peamba verã.