1 Corintios 1:1 - NandevaBiblia

¹ She Pablo shyrenohãva arykai Jesucristo jy'apostolrã Tũpa kyrã potarã, pente tyryvy Cristo ryheva Sóstenes hãndi apyrỹmarãndu;

1 Corintios 1:1 Iomraidhean Croise

Lucas 6:13

Hãmã kõĩ jyrã Jesús hẽno mboireare mbyteivi 12 hai mondo verã, hokavape mbyhee “apostol”.

Juan 15:16

Peeã shypyhỹrõpi, sheii rãnga apyrỹpyhỹrõ. She apyrỹmondo heta mbai pijapo verã hareka opareiimba ryheva. Kyrãrã Sheru meẽpope opa mba'e shyreepe pirureshua.

Juan 20:21

Haivi Jesús heishu reta: Pyndypya kaviteño! Sheru shymondova rãĩmi, she apyrỹmondo jyve.

Hechos 1:15

Hokava arape Pedro ñymboyrã ijeta 120 jyrojavare paũpe, hãrã hei:

Hechos 1:2

hupihapeve vate arapy, ohojyma potarã, Espiritu Santo rupii mbeushu mbaivara japopo reta Apostol hai pyhyrõ vekuare.

Hechos 18:17

Hãma opaitea ou ĩãrẽ reta Sostenes Judiore ñymbatyseape huvisharã'õ, hãrã haipe nũpa jyre huvishare hỹnonde, tẽvã Galion mba'eãshu.

Hechos 22:21

Tẽvã Ñandeja heishe: “Ekua, shara arỹmondopo mbyry haimba Judiore ẽvãpe”.

Romano 1:1

She Pablo, Cristo Jesús jokueva hẽnohava apostol, pyhỹrõhava mbeu verã Ñee Kaviva Tũpa ryheva,

Romano 1:10

hareka airure asyñoĩ Tũpape ñono she verã hai potamarã aha apohype verã.

Romano 1:5

Jesucristo rupii, Tũpa shiñono Apostolrã hareka kova hai mbai vasu she pevarã, hai heepe ambeu verã opaĩ tenta vasu retaipi roja verãre hareka Tũpa heiva japo verãre.

1 Corintios 15:9

She rãnga hai apostolre mbytepe mbai'ãĩteveva, hareka ẽẽãny shymbyhea verã apostol, shara ãmoña'ai arykai Tũpa ryhevare.

1 Corintios 3:9

Apolo hareka she, hai Tũpa japovape mboryhareva, pee hai Tũpa ikokue, oo Tũpa mupuãva. Tũpa hai Ija.

2 Corintios 1:1

She, Pablo Jesucristo jy apostol, Tũpa kyrã potarã, hareka ñandyryvy Timoteo hãndi marãnduha, tũpao ẽvã tenta Corintope hareka opaite jyrojavare ẽvã Acayape.

2 Corintios 11:5

Tẽvã mbaivapeã shimishiveeshi hokava apostol haikavivevare pymbyveteshuva.

2 Corintios 12:12

Opaiteva jyhasa'asykue ahasava ñyhãrõkuaa ryheve, mbaikavi heshaha verã, mbai haĩrãã heshahava hareka moãmba pyheshava, peeteiva opa pyhesha vekua, hokava heshaka ãñete she haiva apostol.

2 Corintios 8:5

Hãrõhã vekuaivi haire hetave japo, shara hairetateiva ñymeẽ, tynonde Ñandejape, haivi orepe jyve, Tũpa potava rãĩmi.

Galatas 1:1

She Pablo, apostol, haimbaa kuaretare ñonova hareka kuaretare mondova, koñeĩ Jesucristo rupii hareka Tũpa, Jesúspe mupuãjy vekua manovare paũvi.

Efesios 1:1

She hai Pablo, Jesucristo apostol Tũpa potava rupii, amarãndu opaite heko kyamba hareka hekope kavi Cristo jyrojahea Éfesope'õre.

Efesios 4:11

Haiteiva ñonojy apostolre; yngavape Tũpa ĩñee mbeu'ia; yngavape Ñee kaviva mbeu verã, hareka yngavape ñyngareko pyryre verãre hareka pyrỹmboi'i verã,

Colosenses 1:1

She Pablo, Jesucristo Apostol, Tũpa potava rupii ñandyryvy Timoteo hãndi,

1 Timoteo 1:1

She Pablo, Jesucristo jy Apostol Tũpa ñonova rupii ñanymondojepeva hareka Ñandeja Jesucristo ñahãrõñaĩva pota rupii,

1 Timoteo 2:7

Ha'ẽrã rãnga shiñonoha añimiñee'ai verã hareka Apostolrã, hejahashe amboi verã jyrojakue ryheva hareka mbai añeteva ryheva, opaite Judiomba retape. Añetevape hai kova, ha'ẽã shapuva.

2 Timoteo 1:1

She Pablo Jesucristo jy Apostol, Tũpa potavape hareka heiva ñee me'ẽãva tykove ryheva, ñahãrõñaĩva Jesucristo rupii.