Stat 45:26 - Buk Baibel long Tok Pisin

²⁶ Na ol i tokim papa olsem, “Josep i no dai. Nogat. Em i stap yet na nau em i bosim olgeta hap bilong kantri Isip.” Jekop i harim dispela tok na tingting bilong en i pas. Na em i no bilipim toktok bilong ol.

Buk Baibel Long Tok Pisin 2008 + DC

²⁶ Na ol i tokim papa olsem, “Josep i no dai. Nogat. Em i stap yet na nau em i bosim olgeta hap bilong kantri Isip.” Jekop i harim dispela tok na tingting bilong en i pas. Na em i no bilipim toktok bilong ol.

Stat 45:26 Iomraidhean Croise

Stat 37:31

Orait ol brata i kilim wanpela meme, na ol i putim saket bilong Josep long blut bilong en.

Stat 37:35

Olgeta pikinini man na pikinini meri bilong en, ol i kam na mekim ol toktok bilong mekim bel bilong en i kamap gutpela gen. Tasol em i no laik tru na i tok olsem, “Mi mas krai long em inap mi go i stap wantaim em long ples bilong ol man i dai pinis.” Olsem na Jekop i krai tasol i stap.

Stat 42:29

Taim ol brata i kamap pinis long graun Kenan, ol i tokim Jekop, papa bilong ol, long olgeta samting i bin kamap long ol.

Stat 42:36

Na Jekop i tokim ol olsem, “Yupela tasol i mekim na tupela pikinini bilong mi i lus pinis. Pastaim Josep i lus na nau Simeon tu i lus pinis. Na nau yupela i laik kisim Benjamin tu i go longwe long mi, a? Wanem taim ol dispela hevi bilong mi bai i pinis?”

Stat 42:38

Tasol Jekop i tok olsem, “Dispela pikinini bilong mi i no ken i go wantaim yupela. Brata bilong en i dai pinis, na nau em wanpela tasol i stap. Nogut em i kisim bagarap long rot. Mi lapun pinis na sapos em i kisim bagarap long rot, orait bai yupela i givim mi bikpela sori tru, na bai mi go long ples bilong ol man i dai pinis.”

Stat 44:28

Wanpela i lus pinis, na mi no lukim em moa. Ating wanpela laion samting i bin kilim em i dai.

Stat 45:25

Orait ol brata i lusim Isip na ol i go kamap long Jekop, papa bilong ol, long graun Kenan.

Stat 48:11

Na Jekop i tokim Josep olsem, “Bipo mi ting bai mi no inap lukim yu gen. Tasol nau God i larim mi i lukim yu wantaim tupela pikinini bilong yu tu.”

Buk bilong Jop 29:24

Na taim mi tok gude long ol man nating, ol i save kirap nogut long lukim wanpela bikman i toktok long ol. Na mi bin luk amamas na toktok na lap wantaim ol, na long dispela pasin mi bin strongim bel bilong ol.

Buk bilong Jop 9:16

Na sapos mi singautim em long kam stretim tok long kot, na em i kam, ating em bai i no inap harim tok bilong mi.

Buk Song 105:21

Na king i putim Josep i stap hetman bilong gavman bilong en. Olsem na Josep i stap namba wan gavman bilong Isip.

Buk Song 126:1

Taim Bikpela i bringim mipela i kam bek long Saion, mipela i ting mipela i olsem driman nating.

Jona 2:7

Bikpela, mi pilim olsem mi laik i dai, olsem na mi tingting long yu. Na prea bilong mi i kamap long yu long bikpela haus bilong yu.

Gutnius Luk i raitim 24:11

Tasol ol aposel i ting ol meri i mekim tok win nating. Na ol i no bilipim tok bilong ol.

Gutnius Luk i raitim 24:34

Na ol i tokim tupela olsem, “Tru tumas, Bikpela i kirap bek! Saimon i lukim em pinis!”

Gutnius Luk i raitim 24:41

Ol i amamas tru, tasol ol i no bilip yet. Na ol i tingting planti. Na em i tokim ol olsem, “Ating yupela i gat sampela kaikai i stap hia?”