Stat 30:17 - Buk Baibel long Tok Pisin

¹⁷ Na God i harim prea bilong Lea, na Lea i gat bel. Na em i karim namba 5 pikinini man.

Buk Baibel Long Tok Pisin 2008 + DC

¹⁷ Na God i harim prea bilong Lea, na Lea i gat bel. Na em i karim namba 5 pikinini man.

Stat 30:17 Iomraidhean Croise

Stat 30:16

Long apinun Jekop i kam bek long gaden na Lea i go bungim em long rot, na i tok olsem, “Yu mas slip wantaim mi long nait, long wanem, mi baim yu pinis long samting pikinini bilong mi i bin bringim i kam.” Orait long nait Jekop i slip wantaim em.

Stat 30:18

Na Lea i tok olsem, “Mi bin givim wokmeri bilong mi long man bilong mi, olsem na God i givim gutpela pe long mi.” Na em i kolim nem bilong dispela pikinini Isakar.

Stat 30:22

Na God i tingting long Resel. Em i harim prea bilong Resel na i mekim Resel inap long karim pikinini.

Stat 30:6

Na Resel i tok olsem, “God i skelim mi pinis na em i orait long pasin bilong mi. Na em i harim prea bilong mi, na em i givim wanpela pikinini man long mi.” Na Resel i kolim nem bilong pikinini Dan.

Kisim Bek 3:7

Na Bikpela i tokim em olsem, “Mi lukim pinis ol i wok long mekim nogut long ol manmeri bilong mi long Isip. Na ol manmeri bilong mi i wok long singaut long mi long kisim bek ol long han bilong ol bosman nogut. Mi harim pinis dispela singaut na mi save tru long pen na hevi ol i karim.

Gutnius Luk i raitim 1:13

Tasol ensel i tokim em olsem, “Sekaraia, yu no ken pret. God i harim pinis prea bilong yu. Meri bilong yu Elisabet bai i karim pikinini man. Na yu mas kolim nem bilong en Jon.

1 Samuel 1:20

Olsem na Hana i gat bel na bihain em i karim pikinini man. Na em i tok, “Mi bin askim Bikpela long givim mi dispela pikinini. Olsem na mi kolim nem bilong en Samuel.”