Stat 21:15 - Buk Baibel long Tok Pisin

¹⁵ Taim wara i pinis, orait em i lusim pikinini i stap aninit long wanpela liklik diwai.

Buk Baibel Long Tok Pisin 2008 + DC

¹⁵ Taim wara i pinis, orait em i lusim pikinini i stap aninit long wanpela liklik diwai.

Stat 21:15 Iomraidhean Croise

Stat 21:14

Orait long moningtaim tru long de bihain, Abraham i kisim kaikai wantaim skin meme ol i bin pulapim wara long en, na em i putim long sol bilong Hagar. Na Abraham i givim pikinini long Hagar na em i salim tupela i go. Orait Hagar i go na i wokabaut nabaut long ples i no gat man long hap bilong ples Berseba.

Stat 21:16

Na em i go sindaun longwe liklik, long wanem, em i tingting olsem, “Mi no ken lukim pikinini i dai.” Orait Hagar i sindaun na em i wok long krai i stap.

1 King 17:12

Na meri i tokim em, “Long nem bilong God, Bikpela bilong yu, em God i save stap oltaim, mi tok tru tumas, mi no gat bret. Mi gat liklik plaua tasol i stap long wanpela sospen graun na liklik hap wel bilong oliv i stap long narapela sospen. Nau mi wok long kisim liklik paiawut bilong i go kukim dispela plaua. Bai mi tupela pikinini man bilong mi i kaikai dispela las kaikai na bihain mipela i no gat kaikai moa na bai mipela i dai.”

2 King 3:9

Orait na King Joram wantaim king bilong Juda na king bilong Idom i kisim ol soldia bilong ol na i wokabaut i go. Dispela rot i longpela na ol i wokabaut inap 7-pela de na wara bilong ol i pinis. Olsem na ol soldia na ol animal bilong karim kago i no gat wara bilong dring.

Buk Song 63:1

God, yu God bilong mi. Mi wok strong long painim yu. Spirit bilong mi i laikim tumas long i stap wantaim yu. Bodi bilong mi i laikim tru long i stap wantaim yu, olsem man i stap long ples drai i no gat wara long en na i dai long wara.

Aisaia 44:12

“Ol man i gat save bilong wokim ol samting long ain i save kisim ain na putim long paia na ol i save wokim piksa bilong ol giaman god. Ol i save holim hama na paitim ain, na long strong bilong ol yet ol i kamapim ol dispela piksa. Na taim ol i wok, sapos ol i no kaikai na dring, orait strong bilong ol i save pinis olgeta.

Jeremaia 14:3

Ol bikman i salim ol wokboi i go bilong pulimapim wara. Ol i go long ol hul wara, tasol i no gat wara i stap. Na ol i kisim sospen i go bek nating. Ol manmeri i pilim nogut tru, na ol i sem na haitim pes bilong ol.