Stat 20:17 - Buk Baibel long Tok Pisin

^17-18 Bikpela i bin pasim bel bilong olgeta meri long lain bilong Abimelek na ol i no inap karim pikinini. Em i mekim olsem bilong bekim dispela pasin Abimelek i mekim long Sara, meri bilong Abraham. Olsem na Abraham i prea long God, na God i mekim Abimelek i orait gen. Na meri bilong Abimelek wantaim ol wokmeri nating bilong en, ol inap karim pikinini gen.

Buk Baibel Long Tok Pisin 2008 + DC

^17-18 Bikpela i bin pasim bel bilong olgeta meri long lain bilong Abimelek na ol i no inap karim pikinini. Em i mekim olsem bilong bekim dispela pasin Abimelek i mekim long Sara, meri bilong Abraham. Olsem na Abraham i prea long God, na God i mekim Abimelek i orait gen. Na meri bilong Abimelek wantaim ol wokmeri nating bilong en, ol inap karim pikinini gen.

Stat 20:17 Iomraidhean Croise

Stat 12:17

Tasol Bikpela i salim ol kain kain sik nogut long king bilong Isip wantaim ol lain i stap long haus king, long wanem, king i bin kisim Sarai, meri bilong Abram, na mekim Sarai i kamap meri bilong em yet.

Stat 20:7

Tasol nau yu mas salim meri i go bek long man bilong en, longwanem, dispela man em i profet bilong mi. Na bai em i prea long helpim yu, na bai yu no ken i dai. Tasol sapos yu no salim meri i go bek, bai yu dai wantaim olgeta manmeri bilong yu.”

Stat 29:31

Bikpela i lukim olsem Jekop i no laikim tumas Lea, olsem na em i helpim Lea long kisim bel. Tasol Resel i no gat bel.

Esra 6:10

Yupela i mas mekim olsem, bai ol i ken mekim ol gutpela ofa long God bilong heven na bai em i ken laikim ol dispela ofa. Na ol i ken beten long God long mekim gut long mi na long ol pikinini man bilong mi.

Buk bilong Jop 42:8

Orait yupela go nau na kisim 7-pela bulmakau man na 7-pela sipsip man na bringim ol i go long Jop, wokman bilong mi. Na yupela i mas kilim ol i dai na mekim ol ofa bilong paia i kukim olgeta. Na bai Jop i beten na askim mi long marimari long yupela. Na bai mi harim beten bilong en, na bai mi no ken mekim save long yupela bilong bekim ol dispela kranki toktok yupela i bin mekim. Long wanem, yupela i no bin autim tok tru long pasin bilong mi olsem wokman bilong mi, Jop, i bin autim.”

Gutpela Sindaun 15:29

Bikpela i save stap longwe long ol man i save mekim pasin nogut. Tasol em i putim yau long beten bilong ol stretpela man.

Gutpela Sindaun 15:8

Bikpela i no laik tru long ofa bilong man i save mekim pasin nogut. Tasol em i amamas moa yet long prea bilong stretpela man.

Aisaia 45:11

God, Bikpela bilong Israel, em God bilong mekim gutpela na stretpela pasin olgeta, na em God i bin mekim Israel i kamap wanpela lain manmeri, em i tok olsem, “Yupela i ken askim mi long ol samting bai i kamap bihain. Tasol yupela i no ken tru tokim mi long wanem pasin mi mas bihainim long lukautim ol pikinini bilong mi, na wanem pasin mi mas bihainim long mekim wok bilong mi.

Namba 12:13

Orait Moses i singaut long Bikpela olsem, “God, plis yu ken mekim Miriam i orait gen.”

Namba 21:7

Orait na ol manmeri i kam long Moses na ol i tok, “Mipela i mekim sin pinis long Bikpela taim mipela i kros long Bikpela na long yu. Nau yu mas beten long Bikpela bai em i rausim ol dispela snek long mipela.” Orait Moses i beten long helpim ol manmeri.

Matyu 21:22

Na sapos yupela i bilip na mekim prea, orait olgeta samting yupela i beten long kisim, em bai yupela i kisim.”

Matyu 7:7

Jisas i tok moa olsem, “Yupela i mas prea na askim God long givim ol samting long yupela, na em bai i givim long yupela. Yupela i mas wok long painim samting na bai yupela i lukim. Yupela i mas paitim dua, na God bai i opim long yupela.

Aposel 3:24

Olgeta profet bipo i bin autim tok bilong God, stat long profet Samuel wantaim ol profet i kamap bihain long em, olgeta i bin tok long dispela taim nau i kamap pinis.

Filipai 4:6

Yupela i no ken wari long wanpela samting. Nogat. Oltaim yupela i mas tokim God long olgeta hevi bilong yupela. Yupela i mas prea long God na tok tenkyu long em, na askim em long helpim yupela.

1 Tesalonaika 5:25

Ol brata, yupela i mas beten long God bai em i helpim mipela.

Jems 5:16

Olsem na yupela wan wan i mas autim sin bilong yupela long ol arapela manmeri bilong God. Na yupela wan wan i mas prea long God i helpim ol arapela, na bai God i mekim yupela i kamap orait gen. Sapos stretpela man i prea, orait prea bilong en i gat bikpela strong, na em inap tru long helpim ol arapela.