Saveman 12:3 - Buk Baibel long Tok Pisin

³ Long dispela taim bai han bilong yupela i no gat strong moa na i guria. Na lek bilong yupela i no gat strong na bai i krungut. Na bai yupela i gat wan wan tit tasol i stap, na yupela i no inap kaikai ol strongpela kaikai. Na ai bilong yupela bai i nogut na yupela i no inap lukluk gut long ol samting.

Buk Baibel Long Tok Pisin 2008 + DC

³ Long dispela taim bai han bilong yupela i no gat strong moa na i guria. Na lek bilong yupela i no gat strong na bai i krungut. Na bai yupela i gat wan wan tit tasol i stap, na yupela i no inap kaikai ol strongpela kaikai. Na ai bilong yupela bai i nogut na yupela i no inap lukluk gut long ol samting.

Saveman 12:3 Iomraidhean Croise

Stat 27:1

Aisak i lapun pinis na ai bilong en i pas na em i no moa lukim ol samting. Orait em i singautim Iso, namba wan pikinini bilong en na i tokim em olsem, “Pikinini.” Na Iso i bekim tok olsem, “Yes, mi stap.”

Stat 48:10

Jekop i lapun pinis na ai bilong en i no inap moa long lukim gut ol samting. Olsem na Josep i bringim tupela pikinini i kam sanap klostu long Jekop na Jekop i holim tupela na i givim kis long tupela.

Buk Song 102:23

Mi yangpela yet na Bikpela i bagarapim strong bilong mi. Mi no ken i stap laip longtaim. Em i sotim taim bilong mi.

Buk Song 35:14

I olsem mi bel hevi long pren na brata bilong mi. Mi wokabaut olsem man i sori na i krai long mama i bin dai. Mi bel hevi tru na mi krai na sori i stap.

Buk Song 38:6

Bel bilong mi i gat bikpela hevi tru, na mi bagarap. Long olgeta de mi sori na krai tasol.

Sekaraia 8:4

Bai i no gat pait na trabel i kamap long taun, na ol manmeri inap kamap lapun tru na holim ol stik na wokabaut. Na bai ol i sindaun malolo long olgeta hap bilong taun.

1 Samuel 3:2

Nau ai bilong Eli i nogut na klostu em i aipas olgeta. Orait wanpela nait em i slip i stap long wanpela rum long haus bilong God,