Krai 3:59 - Buk Baibel long Tok Pisin

⁵⁹ Bikpela, yu bin lukim ol dispela man i mekim nogut long mi. Plis, yu ken helpim mi long winim ol.

Buk Baibel Long Tok Pisin 2008 + DC

⁵⁹ Bikpela, yu bin lukim ol dispela man i mekim nogut long mi. Plis, yu ken helpim mi long winim ol.

Krai 3:59 Iomraidhean Croise

Stat 30:6

Na Resel i tok olsem, “God i skelim mi pinis na em i orait long pasin bilong mi. Na em i harim prea bilong mi, na em i givim wanpela pikinini man long mi.” Na Resel i kolim nem bilong pikinini Dan.

Stat 31:42

Na sapos God bilong tumbuna bilong mi Abraham, em God Aisak i save lotu long en, em i no i stap wantaim mi, ating bai yu salim mi i go bek nating. Tasol God i lukim bel hevi bilong mi na ol wok mi bin mekim, olsem na long nait em i bin givim strongpela tok long yu.”

Buk Song 10:14

Tasol yu save lukim pasin bilong ol man nogut. Yu save long pen na hevi ol i givim long ol arapela manmeri, na yu redi long helpim ol dispela lain i gat hevi. Oltaim yu save helpim ol rabisman, na man i no gat strong i save putim em yet long han bilong yu.

Buk Song 26:1

Bikpela, yu kolim mi stretpela man. Long wanem, mi save mekim stretpela pasin, na mi bilip olgeta long yu.

Buk Song 35:1

Bikpela, yu mas krosim ol man i gat kros long mi. Yu mas pait long ol man i save pait long mi.

Buk Song 35:23

Yu God na Bikpela bilong mi, yu kirap na kam helpim mi. Sanap na tokaut bilong strongim tok bilong mi.

Buk Song 43:1

God, ol man i save givim baksait long yu, ol i laik daunim mi. Yu mas helpim mi na katim tok nogut bilong ol, na soim ol olsem mi mekim gutpela pasin tasol. Ol i man bilong tok giaman, na pasin bilong ol i no stret. Yu mas helpim mi na kisim bek mi long han bilong ol.

Buk Song 9:4

Yu sindaun long sia olsem jas na yu mekim stretpela kot. Yu skelim pasin bilong mi na mi winim kot.

Jeremaia 15:10

Sori tru, bilong wanem mama i bin karim mi, na mi wok long kros na tok pait wantaim olgeta man bilong dispela kantri? Mi no bin dinau long narapela man, na tu ol man i no bin dinau long mi. Tasol olgeta i tok bai Bikpela i ken bagarapim mi.

Krai 3:36

na taim ol man i giaman na daunim arapela man long kot, orait Bikpela i no laik tru long dispela kain pasin.

Krai 3:60

Bikpela, yu save, ol i birua moa yet long mi. Ol i tingting long mekim ol kain kain pasin nogut long mi na ol i wok long tok nogut long mi.

1 Pita 2:23

Ol i bin tok nogut long em, tasol em i no bekim tok nogut bilong ol. Em i karim pen, tasol em i no tok long bagarapim ol. Nogat. Em i putim em yet long han bilong God, em dispela Jas i save skelim stret olgeta samting.