Krai 3:30 - Buk Baibel long Tok Pisin

³⁰ Sapos ol man i laik paitim em na tok nogut long em, orait em i ken larim ol i mekim olsem.

Buk Baibel Long Tok Pisin 2008 + DC

³⁰ Sapos ol man i laik paitim em na tok nogut long em, orait em i ken larim ol i mekim olsem.

Krai 3:30 Iomraidhean Croise

Buk bilong Jop 16:10

“Ol man i sanap raunim mi bilong mekim nogut long mi. Ol i tok bilas na lap long mi na ol i paitim pes bilong mi.

Buk bilong Jop 30:10

Ol i ting mi wanpela samting nogut na ol i no laik tru long lukim mi. Na ol i surik long mi na i stap longwe. Na sapos ol i kam klostu, em bilong spet long pes bilong mi tasol.

Buk Song 123:3

Bikpela, yu mas marimari long mipela, long wanem, ol manmeri i bin mekim nogut long mipela.

Buk Song 69:20

Dispela tok nogut i bagarapim tingting bilong mi, na mekim mi i bel hevi moa yet. Na mi no gat strong moa. Mi bin ting bai sampela man i sori long mi, tasol i no gat wanpela. Na mi ting bai sampela man i givim mi gutpela tok bilong strongim bel bilong mi, tasol i no gat.

Buk Song 69:9

Mi laikim tru haus bilong yu, olsem na mi wok strong long mekim dispela haus i stap gut. Ol man i tok nogut long yu, na dispela tok i kalap long mi.

Aisaia 50:6

Mi bin larim ol man i paitim baksait bilong mi long kanda na kamautim mausgras bilong mi. Na taim ol i tok nogut long mi na spetim pes bilong mi, mi no bin haitim pes bilong mi long ol.

Maika 5:1

Yupela ol Jerusalem, yupela ol lain bilong pait, yupela i mas sori na katim nabaut skin bilong yupela. Ol birua i banisim yumi pinis. Ol i laik pait long lida bilong Israel.

Matyu 26:67

Orait ol i spetim pes bilong Jisas, na ol i paitim em. Na sampela i solapim em

Matyu 5:39

Tasol mi tokim yupela olsem, yupela i no ken bekim rong long man i mekim nogut long yupela. Nogat. Sapos wanpela man i solapim wanpela wasket bilong yu, orait yu mas tanim narapela wasket tu i go long em.

Gutnius Luk i raitim 6:29

Sapos wanpela man i solapim wanpela wasket bilong yu, orait yu mas tanim narapela wasket tu i go long em. Sapos wanpela man i pulim saket bilong yu, orait yu mas larim em i kisim siot bilong yu tu.

2 Korin 11:20

Tru tumas, sapos wanpela man i pulim yupela i go mekim wok kalabus bilong em, o sapos em i pinisim olgeta samting bilong yupela, o sapos em i giamanim yupela na trikim yupela, o sapos em i mekim olsem em i bikman tru, o sapos em i solapim pes bilong yupela, yupela i save larim em i mekim long laik bilong em tasol.