Mark 4:36 - Taupota

³⁶ Tauna yana au wam, aubaina a tauvotagho hi geru, ma patara ghaeghaena au geraha hi voterehi, ma hi vomahiri po hi damana autupo gheha wam ghehauhi maitehi.

Mark 4:36 Iomraidhean Croise

Mark 3:9

Rava maghamaghauhi i viyawahanihi ma ghehauhi doridoriꞌahi yana yohora hi amdudugheꞌi hipa hita vodadani. Aubaina po a tauvotagho i riwehi po aubaina wam hi nonoghei, babana rava hi magha duma hi garigaribewani.

Mark 4:1

Yesu vihanahanapu i vikarenameei, Galilee hagahagana auririvana. Ma rava maghamaghauhi hi garibewani, aubaina po au wam i geru ma i verauhopu au bogei. Ma rava atapuhi yana au geraha.

Mark 4:37

Ma hive ghaeghaena i vikare, po togowa wam hadana i raviravi, ma waira i rautaghona auhinenina.

Mark 5:2

Me marana Yesu wamei i hauhopu, yana rava kokowagei i verautomeni, we ravana yana aruwa apoꞌapoena* i taniwagei.

Mark 5:21

Yesu wamei i damaname hagahaga autupo ghehauna. Maranai yohora tauna hagahaga auririvana, yana rava maghamaghauhi hi ne po hi gari kwaviviroi.

Mark 6:32

Po tauhiꞌava au wam hi geru ma hi amkuka nae au dobu kwakwava.