Tito 3:6 - Õꞌacʉ̃ Yere Ucũrĩ Turi

⁶ Jesucristo marĩrẽ yʉꞌrʉoꞌcʉ meꞌrã Õꞌacʉ̃ Espíritu Santu tutuasere marĩrẽ oꞌoyʉꞌrʉnʉꞌcãwĩ.

Tukano

⁶ Jesu Cristo marîre yɨ'rɨó'kɨ me'ra Õ'âkɨ̃hɨ Espírito Santo tutuasére marîre o'ô yɨ'rɨ nɨ'kawĩ.

Tito 3:6 Iomraidhean Croise

San Juan 1:16

Marĩ nipeꞌtirã cʉ̃ añuse oꞌosere ñeꞌeticã weeweꞌe. Nipeꞌtirã ñeꞌenuꞌcũcãꞌa.

San Juan 16:7

Yʉꞌʉ mʉsãrẽ diacjʉ̃ta nigʉ̃ti. Yʉꞌʉ waꞌacã, mʉsãrẽ añu nirõsaꞌa. Yʉꞌʉ mʉsãrẽ Espíritu Santure oꞌógʉsaꞌa. Yʉꞌʉ waꞌaticãma, cʉ̃ mʉsãrẽ weetamugʉ̃, mʉsã meꞌrã nigʉ̃ aꞌtitibosami.

San Juan 4:10

Jesú nicʉ niwĩ: —Mʉꞌʉ Õꞌacʉ̃ masãrẽ oꞌosere masĩtisaꞌa. Yʉꞌʉ quẽꞌrãrẽ masĩtisaꞌa. Mʉꞌʉ masĩgõ pũrĩcã, yʉꞌʉre sẽrĩboapã. Mʉꞌʉ sẽrĩcã, yʉꞌʉ peꞌe aco catise oꞌose warore oꞌoboapã.

San Juan 7:37

Jesú bosenʉmʉ na weeyapatiri nʉmʉ warore wãꞌcãnʉꞌcã, tutuaro meꞌrã niwĩ: —Acowʉorã, yʉꞌʉ tiropʉ aꞌti, sĩꞌrĩrã aꞌtia.

Hechos 10:45

Tojo waꞌáca beꞌro ãpẽrã ye ucũsere ucũmasĩtimiꞌcãrã ucũnʉꞌcãcãrã niwã. Tojo nicã “Õꞌacʉ̃, mʉꞌʉ añuyʉꞌrʉagʉ niꞌi”, ni eꞌcatise oꞌocãrã niwã. Na tojo ucũcã tʉꞌorã, Pedro meꞌrã waꞌaꞌcãrã judío masã Jesure ẽjõpeorã tʉꞌomarĩa waꞌacãrã niwã. —¡Acoe! Õꞌacʉ̃ Espíritu Santure oꞌoámi judío masã nitirã quẽꞌrãrẽ, nicãrã niwã.

Hechos 2:33

Cʉ̃ pacʉ cʉ̃rẽ ʉꞌmʉsepʉ cʉ̃ tiro wiogʉ dujiri cũmurõpʉ miimʉjãcʉ niwĩ. Õꞌacʉ̃ cʉ̃ todʉporopʉ níꞌcaronojõta cʉ̃ macʉ̃rẽ marĩrẽ Espíritu Santure oꞌóduticʉ niwĩ. Tojo weerã Espíritu Santu cʉ̃ weetamuse meꞌrã mʉsã ye ucũsere ʉ̃sã ucũapʉ.

Romanos 2:4

Ñaꞌarõ weemicã, Õꞌacʉ̃ mʉsãrẽ pajañaꞌgʉ̃, maata buꞌiri daꞌretisami. Tojo weerã mʉsã “Ʉ̃sãrẽ buꞌiri daꞌresome”, nimisaꞌa. Tojo niweꞌe. Mʉsã ñaꞌarõ weesere bʉjaweti dʉcayuato nígʉ̃ añurõ wee, maata buꞌiri daꞌretisami.

Romanos 5:5

Õꞌacʉ̃ Espíritu Santure marĩ meꞌrã ninuꞌcũdutigʉ oꞌócʉ niwĩ. Tojo weerã cʉ̃ meꞌrã nírã, Õꞌacʉ̃ marĩrẽ maꞌisere masĩnoꞌo. Tere masĩrã, “Queorota marĩrẽ ‘Añurõ weegʉti’ níꞌquere weegʉsami”, ninoꞌo.

Efesios 3:8

Yʉꞌʉta mejõ nigʉ̃ waro nipeꞌtirã Õꞌacʉ̃rẽ ẽjõpeorã docapʉ tʉꞌoñaꞌa. Tojo nimicã, yʉꞌʉre añurõ weesĩꞌrĩgʉ̃, aꞌtiro weecʉ niwĩ. Judío masã nitirãrẽ cʉ̃ beseꞌcʉ Cristo ye añuse quetire weredutiwĩ. Te queti aꞌtiro niꞌi. Õꞌacʉ̃ Jesucristo meꞌrã añubutiasere marĩrẽ weemi. Te añusere marĩ wãcũpõtẽoweꞌe.

Efesios 4:2

Ne niꞌcʉ̃ “Ãpẽrã yʉꞌrʉoro niꞌi”, ni wãcũticãꞌña. Nituꞌtiro marĩrõ queoro weeya. Mʉsãrẽ ñaꞌarõ, mejẽcã weecã, wãcũtutuaya. Ãpẽrãrẽ maꞌírã, queoro weeticã ĩꞌarã, tojo tʉꞌoñaꞌcãꞌña.

1 Timoteo 6:17

Noꞌo peje cʉorãnojõrẽ aꞌtiro weedutiya. Na “Ãpẽrã yʉꞌrʉoro niyʉꞌrʉnʉꞌcãꞌa”, niticãꞌto. Na cʉose meꞌrã “Añurõ waꞌarosaꞌa”, ni eꞌcatiyuticãꞌto. Te queoro niweꞌe. Peꞌtidija waꞌarosaꞌa. Tojo weronojõ oꞌorã, Õꞌacʉ̃ peꞌere eꞌcatise meꞌrã yucueato. Cʉ̃ catinuꞌcũgʉ̃ marĩrẽ eꞌcaticã ʉagʉ, nipeꞌtise marĩ cʉosere oꞌomi.

Tito 1:4

Tito, mʉꞌʉ yʉꞌʉ macʉ̃ weronojõ niꞌi. Marĩ niꞌcãrõnojõ ẽjõpeose cʉoꞌo. Mʉꞌʉrẽ aꞌti pũrĩrẽ ojaꞌa. Õꞌacʉ̃ marĩ pacʉ, tojo nicã Jesucristo marĩ ñaꞌarõ weeꞌquere yʉꞌrʉogʉ añurõ weeato mʉꞌʉrẽ. Pajañaꞌto. Mʉꞌʉrẽ ejerisãjãcã weeato.