Tito 2:8 - Õꞌacʉ̃ Yere Ucũrĩ Turi

⁸ Queoro ucũña. Mʉꞌʉ tojo weecã, ãpẽrã ne “Tojo niweꞌe”, nisome. Noꞌo mʉꞌʉ buꞌesere ʉatigʉnojõ queoro mʉꞌʉ buꞌecã tʉꞌogʉ, bopoyagʉsami. Marĩ buꞌesere ne ñaꞌarõ ucũsome.

Tukano

⁸ Keoró uúkũya. Mɨ'ɨ̂ tohô weekã́, ãpêrã neê “Tohô nií wee'”, niîsome. No'ó mɨ'ɨ̂ bu'esére ɨatígɨ noho keoró mɨ'ɨ̂ bu'ekã́ tɨ'ógɨ, bopôyagɨsami. Marî bu'esére neê yã'âro uúkũsome.

Tito 2:8 Iomraidhean Croise

Marcos 12:17

Na tojo nicã tʉꞌogʉ, Jesú narẽ nicʉ niwĩ: —To pũrĩcãrẽ César, romano wiogʉ wapayedutisenojõrẽ cʉ̃rẽ oꞌoya. Õꞌacʉ̃ ye peꞌema cʉ̃rẽ oꞌoya. Cʉ̃ weedutisere weeya, nicʉ niwĩ. Cʉ̃ tojo yʉꞌticã tʉꞌorã, tʉꞌomarĩa waꞌacãrã niwã.

Marcos 12:28

Apĩ quẽꞌrã topʉ Moisé ojaꞌquere buꞌeri masʉ̃ Jesú tiro nicʉ niwĩ. Jesure saduceo masã meꞌrã ʉpʉtʉ ucũcã tʉꞌocʉ niwĩ. Tojo weegʉ Jesú añurõ yʉꞌtimeꞌrĩcã ĩꞌagʉ̃, cʉ̃rẽ sẽrĩtiñaꞌcʉ niwĩ: —Moisé cʉ̃ dutiꞌque ¿disenojõ waro apeye yʉꞌrʉoro añuyʉꞌrʉnʉꞌcãti? nicʉ niwĩ.

Marcos 12:32

Cʉ̃ tojo nicã tʉꞌogʉ, Moisé ojaꞌquere buꞌeri masʉ̃ aꞌtiro nicʉ niwĩ: —Masãrẽ buꞌegʉ, mʉꞌʉ diacjʉ̃ waro ucũꞌu. Tojota niꞌi mʉꞌʉ nise. Õꞌacʉ̃ niꞌcʉ̃ta nisami. Apĩ cʉ̃ yʉꞌrʉoro nigʉ̃pʉa marĩsami.

Marcos 12:34

Jesú cʉ̃ weesooro marĩrõ añurõ ucũmeꞌrĩcã ĩꞌagʉ̃, cʉ̃rẽ nicʉ niwĩ: —Cãꞌrõacã dʉꞌsaꞌa mʉꞌʉ Õꞌacʉ̃rẽ añurõ ẽjõpeo yʉꞌrʉtẽrĩatjo, nicʉ niwĩ. Aꞌte beꞌrore ne niꞌcʉ̃ Jesure sẽrĩtiñaꞌmaꞌaticʉ niwĩ.

San Lucas 13:17

Jesú cʉ̃ aꞌtiro nisere tʉꞌorã, nipeꞌtirã cʉ̃ meꞌrã aꞌpepũrĩmiꞌcãrã bopoyapeꞌtia waꞌacãrã niwã. Ãpẽrã peꞌe Jesú cʉ̃ weeĩꞌose pacare ĩꞌarã, eꞌcaticãrã niwã.

2 Tesalonicenses 3:14

Noꞌo ʉ̃sã aꞌti pũrĩpʉ dutioꞌosere weetigʉnojõrẽ “Cʉ̃ nimi”, ni masĩña. Cʉ̃rẽ bopoyaro yʉꞌrʉato nírã baꞌpatiticãꞌña.

1 Timoteo 5:14

Tojo weegʉ wapewia numia nuꞌmiacure nirãrẽ marãpʉticã ʉaꞌa. Na põꞌrãtiato. Wiꞌserire coꞌteato. Na tojo weecã, marĩrẽ ĩꞌatuꞌtigʉ “Na ñaꞌarõ weema”, nímasĩtisami.

1 Timoteo 6:3

Noꞌo mejẽcã buꞌegʉnojõ aꞌtiro nisami. Marĩ wiogʉ Jesucristo ye buꞌesere “Tojo niweꞌe”, nisami. Tojo nicã marĩ ẽjõpeose quẽꞌrãrẽ “Tojo niweꞌe”, nisami.

Tito 3:14

Marĩ meꞌrãcjãrã Jesucristore ẽjõpeorã quẽꞌrã añuse diaꞌcʉ̃ weeato. Ãpẽrãrẽ apeyenojõ moocã ĩꞌarã, weetamuato. Tojo weerã na catiri ʉmʉcore mejõ waro nisome.

1 Pedro 2:12

Mʉsã Jesucristore ẽjõpeotirã waꞌteropʉ nisaꞌa. Cʉ̃rẽ ẽjõpeose buꞌiri mʉsãrẽ “Ñaꞌarã nima”, ni ucjasama. Mʉsã na waꞌteropʉre añurõ nisetiya. Tojo weecã, na tojo ucjamirã, mʉsã añurõ weesetisere ĩꞌarãsama. Tere ĩꞌarã, siape meꞌrã pãjãrã Jesucristore ẽjõpeorãsama. Tojo weerã cʉ̃ apaturi aꞌticã, mʉsã weronojõta na quẽꞌrã Õꞌacʉ̃rẽ “Mʉꞌʉ añugʉ̃, tutuagʉ niꞌi”, ni ẽjõpeorãsama.

1 Pedro 2:15

Õꞌacʉ̃ mʉsã añurõ weecã ʉasami. Tojo weecã, ãpẽrã mʉsãrẽ ucjamiꞌcãrã mejõ warota ucjamaꞌacãꞌrãsama. Õꞌacʉ̃ mʉsã añurõ weese meꞌrã na ucjamaꞌaꞌcãrã, tʉꞌomasĩtirãrẽ diꞌtamarĩacã weecã ʉasami.

1 Pedro 3:16

Mʉsã Jesucristore ẽjõpeose buꞌiri ãpẽrã mʉsãrẽ ñaꞌarõ ucjasama. Na ucjaꞌque diacjʉ̃ niticã ĩꞌarã, bopoyarãsama. Tojo weerã mʉsã añurõ nisetirã, Õꞌacʉ̃ ĩꞌorõpʉre buꞌiri marĩrã tʉꞌoñaꞌrãsaꞌa.