Tito 1:14 - Õꞌacʉ̃ Yere Ucũrĩ Turi

¹⁴ Judío masã noꞌo ʉaro wãcũboca weremaꞌasere tʉꞌoticãꞌto nígʉ̃ añurõ buꞌeya. Tojo nicã noꞌo na dutimaꞌasere tʉꞌoticãꞌto nígʉ̃ tojo weeya. Na Õꞌacʉ̃ yere, diacjʉ̃ cjasere ʉatima.

Tukano

¹⁴ Judeu masa no'ó ɨaró wãkû boka werê ma'asere tɨ'otíkã'ato niîgɨ ãyuró bu'êya. Tohô niikã́ no'ó naâ dutî ma'asere tɨ'otíkã'ato niîgɨ tohô weeyá. Naâ Õ'âkɨ̃hɨ yeere, diakɨ̃hɨ́kãhasere ɨatíma.

Tito 1:14 Iomraidhean Croise

Mateus 15:9

Tojo weerã na yʉꞌʉre ñubuepeose wapamarĩꞌi. Na buꞌese yʉꞌʉ dutise mejẽta niꞌi. Masã dutise niꞌi”, nicʉ niwĩ Õꞌacʉ̃, ni ojacʉ niwĩ Isaía, ni yʉꞌtiwĩ Jesú fariseo masãrẽ.

Marcos 7:7

Tojo weerã na yʉꞌʉre ñubuepeose wapamarĩꞌi. Na buꞌese yʉꞌʉ dutise mejẽta niꞌi. Masã dutise niꞌi”, nicʉ niwĩ Õꞌacʉ̃, ni ojacʉ niwĩ.

Gálatas 4:9

Niꞌcãrõacãrẽ mʉsã Õꞌacʉ̃rẽ masĩꞌi. Cʉ̃ peꞌe mʉsãrẽ masĩmʉꞌtãcʉ niwĩ. Cʉ̃rẽ ẽjõpeoca beꞌro todʉporopʉ mʉsã ẽjõpeoꞌquere duꞌucãꞌcãrã niwʉ̃. Mʉsã ẽjõpeomʉꞌtãꞌque mejõ nise niꞌi. Wapamarĩꞌi. Niꞌcãrõacãrẽ Moisé dutisere wéérã, mʉsã ẽjõpeomʉꞌtãꞌquere ẽjõpeorã weronojõ weerã weesaꞌa. ¿Todʉporopʉ daꞌrawãꞌñacoꞌteꞌcãrã weronojõ nisĩꞌrĩsari tja?

Colosenses 2:22

Na tojo nírã, aꞌti turi cjase maata peꞌtisere ucũrã weema. Masã na wãcũrõ meꞌrã weedutise niꞌi.

2 Timoteo 4:4

Na diacjʉ̃ cjasere tʉꞌosome. Nipeꞌtise noꞌo weremaꞌase peꞌere tʉꞌorãsama.

Tito 3:11

“Ẽjõpeogʉ nimigʉ̃, dojogʉ weesami. Cʉ̃ buꞌiri daꞌrenoꞌacjʉpʉta nisami”, ni masĩtojaꞌa.

Hebreos 12:25

Tojo weerã añurõ tʉꞌomasĩña. Õꞌacʉ̃rẽ mʉsãrẽ weregʉre teeticãꞌña. Todʉporocjãrãrẽ Õꞌacʉ̃ bajuyoropʉ werecʉ niwĩ. Na cʉ̃rẽ teecãrã niwã. Na tojo weecã, narẽ buꞌiri daꞌrecʉ niwĩ. Marĩ pũrĩcãrẽ teecã, tjãgʉ̃sami. Õꞌacʉ̃ ʉꞌmʉsepʉ nigʉ̃́ marĩrẽ weremi. Cʉ̃rẽ teerã, ne yʉꞌrʉwetisome.

2 Pedro 2:22

Na apaturi ñaꞌarõ weenemopeorã, masã na ucũwʉasenojõ weerã weema. Na aꞌtiro ucũwʉasama: “Diayi cʉ̃ etoacõꞌaca beꞌro apaturi cʉ̃ etoaꞌquere baꞌasami tja.” Apeye quẽꞌrã niꞌi: “Yesere uꞌóca beꞌro apaturi mejãrõta ũꞌirĩbʉjʉropʉ sĩꞌcõcũñasami tja.” Na Jesucristore ẽjõpeoca beꞌro ñaꞌarõ wéérã tja, te weronojõ nima.