Rut 1:7 - Õꞌacʉ̃ Yere Ucũrĩ Turi

⁷ Tere tʉꞌoꞌco niyugo, “Apaturi Judá diꞌtapʉ dajatojaagoti tja”, ni wãcũco niwõ. Tojo weego co põꞌrã nʉmosãnumia níꞌcãrã meꞌrã na níꞌcaropʉ wija, Judá tiro waꞌari maꞌapʉ waꞌarã weecãrã niwã.

Rut 1:7 Iomraidhean Croise

Éxodo 18:27

Beꞌro Moisé cʉ̃ mañecʉ̃ meꞌrã aꞌmerĩ weꞌriticãrã niwã. Tuꞌajanʉꞌcõ, Jetro cʉ̃ ya diꞌtapʉ dajatojaacʉ niwĩ.

Rut 1:10

Utirã, aꞌtiro nicãrã niwã: —Niweꞌe. Ʉ̃sã quẽꞌrã mʉꞌʉ meꞌrãta mʉꞌʉ ya diꞌtapʉ dajatojaarãti, nicãrã niwã.

Rut 1:14

Tere tʉꞌorã, apaturi pũrõ uticãrã niwã. Beꞌro Orfa co mañecõrẽ weꞌeritigo, core miꞌmico niwõ. Tojo weetoja, dajatojaa waꞌaco niwõ. Rut peꞌe waꞌasĩꞌrĩtigo, co mañecõ meꞌrã tojaco niwõ.

Rut 1:6

Beꞌro Noemí Moapʉ nirĩ curare Õꞌacʉ̃ cʉ̃ yarã masã Israe curuacjãrãrẽ weetamusere tʉꞌoco niwõ. Narẽ weetamugʉ̃, na otese añurõ pĩꞌrĩ dʉcaticã weeꞌquere tʉꞌoco niwõ.

Rut 1:8

Maꞌapʉ waꞌago, Noemí na numiarẽ aꞌtiro nico niwõ: —Mʉsã pacosãnumia tiropʉ dajatojaaya. Mʉsã yʉꞌʉre, yʉꞌʉ põꞌrã ʉmʉarẽ añurõ weeꞌcaronojõta Õꞌacʉ̃ mʉsãrẽ añurõ weeato.