Mateus 9:8 - Õꞌacʉ̃ Yere Ucũrĩ Turi

⁸ Masã cʉ̃ tojo waꞌasere ĩꞌarã, ʉpʉtʉ ʉcʉacãrã niwã. Tojo weerã Õꞌacʉ̃ ʉꞌmʉsepʉ nigʉ̃rẽ aꞌtiro nicãrã niwã: —Mʉꞌʉ tutuase masʉ̃pʉre oꞌoꞌque añuyʉꞌrʉaꞌa, nicãrã niwã.

Tukano

⁸ Masá kɨ̃ɨ̂ tohô wa'asére ĩ'yârã, ɨpɨ́tɨ ɨkɨákãrã niîwã. Tohô weérã Õ'âkɨ̃hɨ ɨ'mɨ̂sepɨ niigɨ́re a'tîro niîkãrã niîwã: —Mɨ'ɨ̂ tutuasé masɨpɨ́re o'ô'ke ãyú yɨ'rɨa', niîkãrã niîwã.

Mateus 9:8 Iomraidhean Croise

Mateus 12:23

Wãtĩ sãjãnoꞌcʉ yʉꞌrʉcã ĩꞌarã, nipeꞌtirã masã ĩꞌamarĩawã. Na aꞌmerĩ sẽrĩtiñaꞌwã: —¿Ãꞌrĩ dʉporocjʉ̃pʉ Davi pãrãmi “Na aꞌtiacjʉ niapʉ” níꞌcʉ niti? niwã.

Mateus 15:31

Tojo weecã, ucũmasĩtimiꞌcãrã ucũwã. Omocãrĩ, dʉꞌpocãrĩ dojoriwiꞌia yʉꞌrʉonoꞌwã. Opa cõꞌñerĩ sijaꞌcãrã diacjʉ̃ sijawã. Ĩꞌatimiꞌcãrã ĩꞌawã. Tere ĩꞌarã, masã ĩꞌamarĩawã. Beꞌro Õꞌacʉ̃rẽ “Marĩ Israe curuacjãrã wiogʉ tutuayʉꞌrʉami”, ni eꞌcatise oꞌowã.

Mateus 28:18

Beꞌro Jesú ʉ̃sã pʉꞌtopʉ aꞌti, aꞌtiro niwĩ: —Õꞌacʉ̃ yʉꞌʉre wiogʉ sõrõtojami. Nipeꞌtiro ʉꞌmʉse, aꞌti diꞌtare dutimasĩꞌi.

Mateus 5:16

Aꞌte weronojõ bajuyoropʉ yʉꞌʉ ʉaronojõ añurõ weesetiya. Mʉsã añurõ weecã ĩꞌarã, ãpẽrã quẽꞌrã marĩ pacʉ ʉꞌmʉsepʉ nigʉ̃rẽ ‘Añuyʉꞌrʉgʉ nimi’, ni eꞌcatirãsama.

Mateus 9:7

Cʉ̃ tojo nicã, sijamasĩtigʉ wãꞌcãnʉꞌcã, cʉ̃ ya wiꞌipʉ tojaa waꞌacʉ niwĩ.

Marcos 2:12

Cʉ̃ tojo nirĩ curata sijamasĩtigʉ wãꞌcãnʉꞌcãcʉ niwĩ. Wãꞌcãnʉꞌcã, cʉ̃ cũñaꞌcarore miiwʉa, masã nipeꞌtirã ĩꞌorõpʉ waꞌa waꞌacʉ niwĩ. Tojo weerã nipeꞌtirã ĩꞌamarĩarã, aꞌtiro nicãrã niwã: —Marĩ pacʉ Õꞌacʉ̃ tutuayʉꞌrʉami. Ne niꞌcãti ʉ̃sã aꞌtiro weesere ĩꞌatirã nicãti, nicãrã niwã.

Marcos 7:37

Na ʉpʉtʉ ĩꞌamarĩa, aꞌtiro nicãrã niwã: —Nipeꞌtisere añurõ weemi. Masã tʉꞌotirãpʉreta tʉꞌocã weesãjãmi. Ucũtirãpʉreta ucũcã weesãjãmi, nicãrã niwã.

San Lucas 13:13

Tojo nígʉ̃ta, Jesú core ñapeocʉ niwĩ. Cʉ̃ tojo weeri curata co diacjʉ̃nʉꞌcãco niwõ. Beꞌro “Õꞌacʉ̃ añubutiagʉ nimi” ni, eꞌcatise oꞌoco niwõ.

San Lucas 17:15

Niꞌcʉ̃ topʉ yatinoꞌcã ĩꞌagʉ̃, Jesú tiro majãmitojaticʉ niwĩ. Õꞌacʉ̃rẽ pũrõ eꞌcatise oꞌocʉ niwĩ.

San Lucas 17:18

Ãꞌrĩ niꞌcʉ̃ judío masʉ̃ nitigʉ diaꞌcʉ̃ Õꞌacʉ̃rẽ eꞌcatise oꞌogʉ, yʉꞌʉ tiropʉ tojatiapĩ, nicʉ niwĩ.

San Lucas 18:43

Cʉ̃ tojo nirĩ curata cʉ̃ caperire ĩꞌacʉ niwĩ. Beꞌro Jesure sirutu, Õꞌacʉ̃rẽ eꞌcatise oꞌocʉ niwĩ. Nipeꞌtirã cʉ̃rẽ tojo waꞌacã ĩꞌaꞌcãrã quẽꞌrã Õꞌacʉ̃rẽ eꞌcatise oꞌocãrã niwã.

San Lucas 2:20

Oveja coꞌterã Õꞌacʉ̃rẽ werecoꞌtegʉ narẽ níꞌcaronojõta queoro waꞌacã ĩꞌarã, Õꞌacʉ̃rẽ “Añuyʉꞌrʉami”, ni eꞌcatitojaacãrã niwã.

San Lucas 23:47

Surara wiogʉ romano masʉ̃ aꞌte tojo waꞌacã ĩꞌagʉ̃, Õꞌacʉ̃rẽ añurõ wãcũgʉ̃, aꞌtiro nicʉ niwĩ: —Diacjʉ̃ta ãꞌrĩ ne buꞌiri moogʉ̃ nimiapĩ, nicʉ niwĩ.

San Lucas 7:16

Aꞌtere ĩꞌarã, nipeꞌtirã masã ʉcʉacãrã niwã. Tojo weerã Õꞌacʉ̃rẽ eꞌcatipeorã, aꞌtiro nicãrã niwã: —Niꞌcʉ̃ Õꞌacʉ̃ ye queti weremʉꞌtãrĩ masʉ̃ tutuayʉꞌrʉgʉ marĩ waꞌteropʉre bajuami, nicãrã niwã. Apeye quẽꞌrãrẽ ninemocãrã niwã: —Õꞌacʉ̃ cʉ̃ yarãrẽ weetamugʉ̃ aꞌtigʉ weeapĩ, nicãrã niwã.

San Juan 15:8

Mʉsã añurõ wéérã, Õꞌacʉ̃ añuyʉꞌrʉami nisere ĩꞌorãsaꞌa. Tojo weerã diacjʉ̃ta mʉsã yʉꞌʉ buꞌerã nirãsaꞌa.

Hechos 11:18

Tere cʉ̃ tojo ni weretojaca beꞌro judío masã diꞌtamarĩpeꞌtia waꞌacãrã niwã. —Õꞌacʉ̃ judío masã nitirã quẽꞌrãrẽ na ñaꞌarõ weeꞌquere bʉjaweticã ʉasami na ʉꞌmʉsepʉ añurõ eꞌcatise bocato nígʉ̃, ni eꞌcatise oꞌocãrã niwã Õꞌacʉ̃rẽ.

Hechos 21:20

Narẽ tojo ni wéréca beꞌro Õꞌacʉ̃rẽ na eꞌcatise oꞌowã. Beꞌro Pablore niwã: —Mʉꞌʉ añurõ masĩsaꞌa. Pãjãrã waro judío masã Jesure ẽjõpeorã nima. Na Moisé cʉ̃ dutiꞌquere nipeꞌtirãrẽ pũrõ weedutirã weema.

Hechos 4:21

Na tojo nicã tʉꞌorã, wiorã peꞌe tutuaro meꞌrã uise oꞌosĩꞌrĩrã, narẽ ninemocãrã niwã: —Wereticãꞌña. Mʉsã Jesú ye quetire werenemocã, mʉsãrẽ buꞌiri daꞌrerãti, nicãrã niwã. Narẽ maata buꞌiri daꞌremasĩti, duꞌuwĩrõcãꞌcãrã niwã. Masã Õꞌacʉ̃rẽ narẽ yʉꞌrʉoꞌquere eꞌcatise oꞌocã ĩꞌarã, tojo weecãrã niwã.

2 Corintios 9:13

Mʉsã sẽrĩneosere oꞌorã, Cristore queoro ẽjõpeosere narẽ ĩꞌoꞌo. Mʉsã cʉ̃ dutisere yʉꞌticã ĩꞌarã, Õꞌacʉ̃rẽ eꞌcatipeorãsama. Mʉsã pajiro oꞌosere ĩꞌarã, Õꞌacʉ̃rẽ añurõ wãcũrãsama. Tojo nicã nipeꞌtirãrẽ oꞌosere ĩꞌarã, tojo weerãsama.

Gálatas 1:24

Yʉꞌʉ Jesucristore ẽjõpeosere tʉꞌorã, Õꞌacʉ̃rẽ eꞌcatise oꞌocãrã niwã.

1 Pedro 2:12

Mʉsã Jesucristore ẽjõpeotirã waꞌteropʉ nisaꞌa. Cʉ̃rẽ ẽjõpeose buꞌiri mʉsãrẽ “Ñaꞌarã nima”, ni ucjasama. Mʉsã na waꞌteropʉre añurõ nisetiya. Tojo weecã, na tojo ucjamirã, mʉsã añurõ weesetisere ĩꞌarãsama. Tere ĩꞌarã, siape meꞌrã pãjãrã Jesucristore ẽjõpeorãsama. Tojo weerã cʉ̃ apaturi aꞌticã, mʉsã weronojõta na quẽꞌrã Õꞌacʉ̃rẽ “Mʉꞌʉ añugʉ̃, tutuagʉ niꞌi”, ni ẽjõpeorãsama.