Mateus 8:10 - Õꞌacʉ̃ Yere Ucũrĩ Turi

¹⁰ Jesú surara tojo nisere tʉꞌogʉ, tʉꞌomarĩa waꞌacʉ niwĩ. Cʉ̃rẽ to siruturã peꞌere nicʉ niwĩ: —Ãꞌrĩ romano masʉ̃ yʉꞌʉre añurõ ẽjõpeomi. Diacjʉ̃ mʉsãrẽ wereꞌe. Ãꞌrĩ weronojõ ẽjõpeogʉ ne niꞌcʉ̃ Israe curuacjʉ̃rẽ bocaejaticãti.

Tukano

¹⁰ Jesu surára tohô niisére tɨ'ógɨ, tɨ'o mariá wa'âkɨ niîwĩ. Kɨ̃ɨ̂re toó siru tuúrã pe'ere niîkɨ niîwĩ: —Ã'rí romano masɨ yɨ'ɨ̂re ãyuró ẽho peómi. Diakɨ̃hɨ́ mɨsâre werê'. Ã'rí weeró noho ẽho peógɨ neê ni'kɨ́ Israel kurakɨ̃hɨre boka ehátikãti.

Mateus 8:10 Iomraidhean Croise

Génesis 43:33

José cʉ̃ maꞌmisʉmʉarẽ dujiduticʉ niwĩ. Masã maꞌmirẽ dujimʉꞌtãduticʉ niwĩ. Téé nitʉogʉpʉre yapaticʉ niwĩ. Cʉ̃ tojo weecã ĩꞌa ʉcʉarã, aꞌmerĩ ĩꞌapõtẽocãrã niwã.

Mateus 15:28

Co tojo nicã, Jesú niwĩ: —Mʉꞌʉ pũrĩcã ẽjõpeose cʉoyʉꞌrʉaꞌa. Tojo weero mʉꞌʉ níꞌcaronojõta waꞌato, niwĩ. Cʉ̃ tojo nirĩ curata co macõ wãtĩ cõꞌawĩrõnoꞌcopʉ tojaco niwõ.

Mateus 8:11

Mʉsãrẽ weregʉti. Pãjãrã judío masã nitirã ãꞌrĩ weronojõ yʉꞌʉre ẽjõpeorãsama. Na nipeꞌtirocjãrã judío masã nitimirã, Õꞌacʉ̃ wiogʉ nirõpʉre nirãsama. Na quẽꞌrã ʉꞌmʉsepʉre marĩ judío masã ñecʉ̃sʉmʉa Abrahã, Isaa, Jacob meꞌrã duji baꞌarãsama.

Mateus 8:9

Yʉꞌʉ ãpẽrã surara docapʉ niꞌi. Na dutisere weeꞌe. Yʉꞌʉ quẽꞌrã ãpẽrã surarare dutituriaꞌa. Yʉꞌʉ docacjʉ̃rẽ “Waꞌaya” nicã, cʉ̃ waꞌasami. Apĩrẽ “Aꞌtia” nicã, aꞌtisami. Yʉꞌʉre daꞌracoꞌtegʉre “Aꞌtiro weeya” nicã, yʉꞌʉ dutiꞌquere weesami. Tojo weegʉ mʉꞌʉ yʉꞌʉre daꞌracoꞌtegʉre yʉꞌrʉduticã, yʉꞌrʉgʉsami, nicʉ niwĩ.

Marcos 6:6

Na ẽjõpeoticã ĩꞌagʉ̃, ʉcʉayʉꞌrʉacʉ niwĩ. Nazare ti macã pʉꞌtoacã nise macãrĩpʉ buꞌecusiacʉ niwĩ.

San Lucas 5:20

Jesú na ẽjõpeocã ĩꞌagʉ̃, dutitigʉre aꞌtiro nicʉ niwĩ: —Mʉꞌʉ ñaꞌarõ weeꞌquere acobojonoꞌtojaꞌa, nicʉ niwĩ.

San Lucas 7:50

Na tojo nimicã, Jesú peꞌe numiorẽ aꞌtiro nicʉ niwĩ: —Mʉꞌʉ yʉꞌʉre ẽjõpeotjĩagõ, ñaꞌarõ weeꞌquere acobojonoꞌapʉ. Wãcũqueꞌtiro marĩrõ waꞌagosaꞌa, nicʉ niwĩ.

San Lucas 7:9

Jesú cʉ̃ tojo níꞌquere tʉꞌogʉ, tʉꞌomarĩa waꞌacʉ niwĩ. Beꞌro majãmiĩꞌa, cʉ̃rẽ siruturãrẽ aꞌtiro nicʉ niwĩ: —Ãꞌrĩ surara wiogʉ Israe curuacjʉ̃ mejẽta yʉꞌʉre añurõ ẽjõpeomi. Diacjʉ̃ mʉsãrẽ nigʉ̃ti. Ne niꞌcʉ̃ Israe curuacjãrã waꞌteropʉre ãꞌrĩ weronojõ ẽjõpeose cʉogʉre ĩꞌaticãti, nicʉ niwĩ.