Mateus 7:21 - Õꞌacʉ̃ Yere Ucũrĩ Turi

²¹ Jesú narẽ werenemocʉ niwĩ: “Nipeꞌtirãpʉta noꞌo yʉꞌʉre ‘Wiogʉ’ niwʉarãnojõ ʉꞌmʉse yʉꞌʉ nirõpʉre sãjãasome. Yʉꞌʉ pacʉ ʉꞌmʉsepʉ nigʉ̃́ cʉ̃ ʉaro weerã́ diaꞌcʉ̃ sãjã́árãsama.

Tukano

²¹ Jesu naâre werê nemokɨ niîwĩ: —Niî pe'tirã no'ó yɨ'ɨ̂re “Wiôgɨ” niî wɨarã noho ɨ'mɨ̂se yɨ'ɨ̂ niirópɨre sãháasome. Yɨ'ɨ̂ pakɨ ɨ'mɨ̂sepɨ niigɨ́ kɨ̃ɨ̂ ɨaró weerã́ di'akɨ̃ sãháarãsama.

Mateus 7:21 Iomraidhean Croise

Mateus 12:50

Noꞌo Õꞌacʉ̃ ʉaro weerãnojõ náta yʉꞌʉ acabiji, yʉꞌʉ acabijo, yʉꞌʉ paco weronojõ nima, niwĩ.

Mateus 16:17

Jesú cʉ̃rẽ niwĩ: —Simó, Joná macʉ̃, mʉꞌʉ tojo ucũgʉ̃, diacjʉ̃ta ucũꞌu. Ne niꞌcʉ̃ masʉ̃ mʉꞌʉrẽ tere weretiapĩ. Yʉꞌʉ pacʉ ʉꞌmʉsepʉ nigʉ̃́ mʉꞌʉrẽ tere masĩse oꞌoapĩ. Tojo weegʉ eꞌcatiya.

Mateus 18:10

»Ãꞌrã wĩꞌmarãnojõrẽ tojo ĩꞌacõꞌaticãꞌña. Aꞌtiro niꞌi. Ʉꞌmʉsecjãrã Õꞌacʉ̃rẽ werecoꞌterã ãꞌrã wĩꞌmarãrẽ coꞌterã yʉꞌʉ pacʉ ʉꞌmʉsepʉ nigʉ̃́ ĩꞌorõpʉ ninuꞌcũma.

Mateus 18:19

Jesú ninemowĩ: —Apeyere weregʉti. Pʉarã “Marĩ aꞌtenojõrẽ Õꞌacʉ̃rẽ sẽrĩrã” nicã, yʉꞌʉ pacʉ ʉꞌmʉsepʉ nigʉ̃́ mʉsã sẽrĩrõnojõta weegʉsami.

Mateus 18:3

Ʉ̃sãrẽ niwĩ: —Mʉsãrẽ diacjʉ̃ weregʉti. Ãpẽrã yʉꞌrʉoro niyʉꞌrʉnʉꞌcãsĩꞌrĩsere duꞌucãꞌña. Mʉsã tere wãcũnuꞌcũrã, ãꞌrĩ weronojõ nitirã, ʉꞌmʉsepʉ yʉꞌʉ wiogʉ niatjopʉ waꞌasome.

Mateus 18:35

Beꞌro Jesú tere wéréca beꞌro niwĩ: —Yʉꞌʉ pacʉ ʉꞌmʉsepʉ nigʉ̃́ mʉsã acawererãrẽ diacjʉ̃ acobojoticã, tojota weegʉsami mʉsãrẽ, niwĩ.

Mateus 19:24

Apaturi mʉsãrẽ nigʉ̃ti tja. Cameyo wãmetigʉjo awiga yuta da pĩꞌosõrõrĩ pepʉ sãjãa yʉꞌrʉtẽrĩcã, diasa niꞌi. Yʉꞌʉ pacʉ wiogʉ nirõpʉ peje cʉogʉ waꞌacã peꞌema, totá nemorõ diasa niꞌi, niwĩ.

Mateus 25:10

Na niꞌcãmocʉrã numia ʉꞌse duurã waꞌáca beꞌro na meꞌrãcjõ marãpʉ niacjʉ etasami. Ãpẽrã apoyuꞌcãrã numia peꞌe cʉ̃ meꞌrã bosenʉmʉ weeri wiꞌipʉ sãjãasama. Na sãjã́áca beꞌro ti wiꞌicjãrã sopere biꞌacãꞌsama.

Mateus 25:21

»Cʉ̃ tojo nicã tʉꞌogʉ, wiogʉ nisami: “Mʉꞌʉ añurõ weeapã. Yʉꞌʉ dutiꞌcaronojõta queoro weemeꞌrĩcãꞌpã. Yʉꞌʉ cãꞌrõacã cũuꞌque meꞌrã añurõ weeapã. Tojo weegʉ peje yʉꞌʉ cʉosere coꞌtedutigʉ sõrõgʉ̃ti. Aꞌtia. Yʉꞌʉ meꞌrã eꞌcatitamuña”, nisami.

Mateus 26:39

Cʉ̃ tojo níca beꞌro na yʉꞌrʉro yoacurero waꞌa, diꞌtapʉ muꞌrĩqueꞌaejacʉ niwĩ. Topʉ Õꞌacʉ̃rẽ sẽrĩgʉ̃, aꞌtiro nicʉ niwĩ: —Pacʉ, mʉꞌʉ ʉacã, yʉꞌʉre aꞌte ñaꞌarõ yʉꞌrʉatje waꞌaticãꞌto. Yʉꞌʉ tojo nimicã, yʉꞌʉ ʉaro weeticãꞌña. Mʉꞌʉ ʉaro peꞌe waꞌato, ni sẽrĩcʉ niwĩ.

Mateus 26:42

Beꞌro apaturi waꞌa, cʉ̃ pacʉre sẽrĩnemocʉ niwĩ tja: —Pacʉ, ñaꞌarõ piꞌetisere yʉꞌʉre cãꞌmotaꞌasĩꞌrĩtigʉ, mʉꞌʉ ʉaro weeya. Yʉꞌʉ ʉaro waꞌaticãꞌto, nicʉ niwĩ.

Marcos 3:35

Aꞌtiro niꞌi. Noꞌo Õꞌacʉ̃ ʉaro weerãnojõ náta yʉꞌʉ acabiji, yʉꞌʉ acabijo, yʉꞌʉ paco weronojõ nima, ni ucũcʉ niwĩ.

San Lucas 11:28

Jesú core nicʉ niwĩ: —Yʉꞌʉ peꞌe aꞌtiro nigʉ̃ti. Õꞌacʉ̃ cʉ̃ ucũsere tʉꞌo, cʉ̃ dutisere weerã́ peꞌe pũrĩcã añurõ waro co nemorõ eꞌcatisama, nicʉ niwĩ.

San Lucas 13:25

Apeye queose meꞌrã narẽ werecʉ niwĩ: —Wiꞌi wiogʉ wãꞌcãnʉꞌcã, sopere biꞌacãꞌsami. Beꞌro mʉsã peꞌe sopepʉ pisurã, aꞌtiro nirãsaꞌa: “Wiogʉ, pãosõrõgʉ̃ aꞌtia”, nirãsaꞌa. Cʉ̃ peꞌe mʉsãrẽ yʉꞌtigʉsami: “Mʉsãrẽ masĩtisaꞌa. Noꞌocjãrã nírã nisasaꞌa”, nigʉ̃sami.

San Lucas 18:25

Waꞌicʉ cameyo wãmetigʉ awiga yuta da pĩꞌosõrõrĩ pepʉ sãjãa yʉꞌrʉtẽrĩcã, diasa niꞌi. Yʉꞌʉ pacʉ wiogʉ nirõpʉ peje cʉorã waꞌacã peꞌema, totá nemorõ diasaꞌa, nicʉ niwĩ.

San Lucas 6:46

»¿Deꞌro weerã yʉꞌʉre “Yʉꞌʉ wiogʉ” nimirã, yʉꞌʉ dutiro weeweti?

San Juan 14:7

Mʉsã yʉꞌʉre masĩrã, yʉꞌʉ pacʉ quẽꞌrãrẽ masĩbosaꞌa. Niꞌcãrõacã meꞌrã cʉ̃rẽ masĩꞌi. Mʉsã yʉꞌʉre ĩꞌarã, cʉ̃rẽ ĩꞌarã weronojõ niꞌi, niwĩ Jesú.

San Juan 15:23

Yʉꞌʉre ĩꞌatuꞌtirã yʉꞌʉ pacʉ quẽꞌrãrẽ ĩꞌatuꞌtima.

San Juan 3:5

Jesú cʉ̃rẽ yʉꞌtiwĩ: —Mʉꞌʉrẽ diacjʉ̃ta nigʉ̃ti. Ne aco meꞌrã wãmeyenoꞌtigʉ, tojo nicã Espíritu Santu dʉcayunoꞌtigʉ, Õꞌacʉ̃ tiropʉ sãjãamasĩtisami.

San Juan 5:17

Jesú narẽ niwĩ: —Yʉꞌʉ pacʉ daꞌranuꞌcũcãꞌmi. Yʉꞌʉ quẽꞌrã daꞌranuꞌcũcãꞌa, niwĩ Jesú.

San Juan 6:40

Yʉꞌʉre oꞌóꞌcʉ aꞌtiro weecã ʉami. “Nipeꞌtirã yʉꞌʉre ẽjõpeorã catinuꞌcũcãꞌrãsama”, nimi. Yʉꞌʉ aꞌti ʉmʉco peꞌticã, narẽ masõgʉ̃saꞌa, niwĩ Jesú.

San Juan 7:17

Noꞌo Õꞌacʉ̃ ʉaro weesĩꞌrĩgʉ̃nojõ yʉꞌʉ ucũsere “Diacjʉ̃ta niꞌi”, ni masĩgʉ̃sami. “Õꞌacʉ̃ dutiro buꞌemi. Cʉ̃ ʉaro buꞌetimi”, nigʉ̃sami.

Hechos 14:22

Te macãrĩpʉre tocjãrã Jesure ẽjõpeorãrẽ wãcũtutuase oꞌocãrã niwã. Tojo nicã “Jesure ne wãcũduꞌuticãꞌña. Peje piꞌetise waꞌarosaꞌa Jesure ẽjõpeorãrẽ marĩ ʉꞌmʉsepʉ waꞌati dʉporo”, ni wereyʉꞌrʉwãꞌcã waꞌacãrã niwã.

Romanos 12:2

Marĩ aꞌti ʉmʉcocjãrã na weewʉasere ĩꞌarã, na weronojõ weeticãꞌrã. Aꞌtiro peꞌe weerã. Marĩ catiri ʉmʉcore siape meꞌrã Õꞌacʉ̃ marĩ wãcũsere dʉcayunuꞌcũcãꞌto. Cʉ̃ marĩrẽ dʉcayunuꞌcũcã, marĩ Õꞌacʉ̃ ʉasere “Aꞌtiro niꞌi”, nímasĩrãsaꞌa. Cʉ̃ ʉase añuse diaꞌcʉ̃ niꞌi. Te ñaꞌase marĩse niꞌi. Marĩ cʉ̃ ʉaro weecã, eꞌcatisami.

Romanos 2:13

Moisé dutisere tʉꞌose meꞌrã diaꞌcʉ̃ Õꞌacʉ̃ “Buꞌiri marĩrã nima”, nitisami. Cʉ̃ dutisere weerã́ peꞌere “Buꞌiri marĩrã nima”, nisami.

Efesios 6:6

Na ĩꞌorõpʉre añurõ daꞌraya. Na ĩꞌatiropʉ quẽꞌrãrẽ mejãrõta weeya. Mʉsã wiorã ĩꞌorõpʉ diaꞌcʉ̃ añurõ daꞌrarã, nisoorã weebosaꞌa. Mʉsã wiorã “Añurõ daꞌrami”, ni wãcũdutirã weebosaꞌa. Tojo weeticãꞌña. Jesucristore daꞌracoꞌterã weronojõ Õꞌacʉ̃ ʉaronojõ añurõ tʉꞌsase meꞌrã daꞌraya.

Colosenses 4:12

Epafras mʉsã meꞌrãcjʉ̃ añudutimi. Cʉ̃ Jesucristo ye cjasere daꞌracoꞌtegʉ nimi. Cʉ̃ mʉsãrẽ ʉpʉtʉ sẽrĩbosagʉ weemi. Õꞌacʉ̃rẽ añurõ sirutuato, cʉ̃ ʉaro añurõ weenuꞌcũato nígʉ̃, tojo sẽrĩbosami.

1 Tesalonicenses 4:3

Õꞌacʉ̃ cʉ̃ ʉaro weecã tʉꞌsasami. Cʉ̃ yarã weronojõ weesetiya. Mʉsã nʉmosãnumia, mʉsã marãpʉsʉmʉa nitirãrẽ aꞌmetãrãticãꞌña.

1 Tesalonicenses 5:18

Mʉsãrẽ ñaꞌarõ, añurõ waꞌacã quẽꞌrãrẽ, Õꞌacʉ̃rẽ eꞌcatise oꞌonuꞌcũcãꞌña. Aꞌte nipeꞌtisere Õꞌacʉ̃ marĩ Jesucristore ẽjõpeorãrẽ weecã ʉasami.

Tito 1:16

Na “Õꞌacʉ̃rẽ masĩꞌi”, nimima, nírã. Marĩ peꞌe na weesetisere ĩꞌarã, masĩꞌi. “Na cʉ̃rẽ masĩtisama”, ninoꞌo. Na ñaꞌayʉꞌrʉarã, Õꞌacʉ̃ dutisere yʉꞌrʉnʉꞌcãrã, ne cãꞌrõ añurõ weemasĩtisama.

Hebreos 13:21

Õꞌacʉ̃ mʉsãrẽ queoro niseticã weeato. Nipeꞌtisere añurõ weeseticã weeato. Tojo weecã, cʉ̃ ʉaro weemasĩrãsaꞌa. Jesucristo cʉ̃ tutuaro meꞌrã mʉsãrẽ tojo weegʉsami. Cristore eꞌcatipeonuꞌcũrã. Tojota weerã.

Hebreos 4:6

Dʉporocjãrãpʉ Õꞌacʉ̃ yʉꞌrʉose quetire tʉꞌomʉꞌtãꞌcãrã, na yʉꞌrʉnʉꞌcãꞌque buꞌiri cʉ̃ meꞌrã soo, eꞌcatitamurã waꞌaticãrã niwã. Ãpẽrã peꞌere cʉ̃ meꞌrã soo, eꞌcatitamurã waꞌatjo dʉꞌsaꞌa yujupʉ.

Santiago 1:22

Mʉsã Õꞌacʉ̃ ye quetire tʉꞌorã, tʉꞌoro bajuro tʉꞌoticãꞌña. Mʉsã tʉꞌoꞌquere queoro weeya. Cʉ̃ ye quetire tʉꞌoꞌcãrã nimirã tere weetirã, marĩ basu weesoorã weeꞌe.

1 Pedro 2:15

Õꞌacʉ̃ mʉsã añurõ weecã ʉasami. Tojo weecã, ãpẽrã mʉsãrẽ ucjamiꞌcãrã mejõ warota ucjamaꞌacãꞌrãsama. Õꞌacʉ̃ mʉsã añurõ weese meꞌrã na ucjamaꞌaꞌcãrã, tʉꞌomasĩtirãrẽ diꞌtamarĩacã weecã ʉasami.

1 Pedro 4:2

Tojo weerã aꞌtiro nicã meꞌrã marĩ catise nʉmʉrĩ ejatuaro marĩ ñaꞌarõ weesĩꞌrĩsere weesome majã. Õꞌacʉ̃ cʉ̃ ʉaro peꞌe weerãsaꞌa.

Apocalipse 2:27

Yʉꞌʉ pacʉ yʉꞌʉre nipeꞌtise macãrĩcjãrã wiogʉ sõrõwĩ. Yʉꞌʉ quẽꞌrã narẽ mejãrõta sõrõgʉ̃ti. Yarã aꞌtiro weerãsama. Ñaꞌarãrẽ tutuaro meꞌrã dutirãsama. Cõmegʉ̃ meꞌrã bapari diꞌi meꞌrã yeeꞌqueparʉre paamʉtõrõ weronojõ narẽ weerãsama.

Apocalipse 22:14

»Noꞌo suꞌtire coeꞌcãrã weronojõ añurã nisĩꞌrĩrã na ñaꞌarõ weeꞌquere duꞌurã, eꞌcatirãsama. Na catise oꞌocjʉ dʉcare baꞌamasĩrãsama. Na aꞌti macã añubutiari macãpʉ sãjãamasĩrãsama.

Apocalipse 3:5

Ãpẽrã quẽꞌrã añurõ wee yʉꞌrʉwetirã ẽjõpeoduꞌutirãnojõ suꞌti añurõ butise sãanoꞌrãsama. Catinuꞌcũse cʉorã na wãmerẽ ojaõꞌoca pũrĩpʉ cʉorã na wãmerẽ ne coenoꞌsome. Coenoꞌrõnojõ oꞌorã, yʉꞌʉ pacʉ ĩꞌorõpʉre yʉꞌʉ “Narẽ masĩꞌi”, nigʉ̃ti. Mejãrõta cʉ̃rẽ werecoꞌterã ĩꞌorõpʉ quẽꞌrãrẽ nigʉ̃ti.